Scripta n° 2707

Numéro Scripta	2707

Auteur(s)	Bellême (doyen)
Bénéficiaire(s)	Tours, Saint-Martin de Marmoutier (abbaye)
Bénéficiaire(s)	Bellême, Saint-Léonard, dépendance Saint-Martin de Marmoutier (prieuré)

Genre d'acte	charte
Authenticité	non suspect
Datation	1255, novembre
Action juridique	confirmation
Langue du texte	latin

Analyse

Donation au prieuré de Bellême par Michel de Bizou et sa femme, de quarante sols en reconnaissance des gains faits par eux sur un hébergement et sur des terres qui leur avaient été baillées à ferme par les religieux.

Tableau de la tradition

Éditions principales

a. Barret Philibert (Abbé), Cartulaire de Marmoutier pour le Perche, Mortagne-au-Perche, Meaux (Documents sur la province du Perche ; 3e série, 2), 1894, n° 219, p. 207-208..

Texte établi d’après a

Univeris presentes litteras inspecturis Decanus Belismensis salutem in Domino.
Noveritis quod apud presentiam nostram constituti Michael de Bisoel et Maria ejus uxor recognoverunt in jure coram nobis se recepisse ad firmam annuam, a religiosis viris abbate et conventu Majoris Monasterii et eorum priore de Belismo, habergamentum de Danceio cum quibusdam aliis possessionibus, prout in litteris inde confectis dicitur contineri ; ex qua receptione, ut confessi sunt in jure coram nobis, emolumentum jam sunt non modicum assecuti. Hiidemque volentes quantum possunt vitium ingratitudinis evitare, in recompensationem hujusmodi emolumenti, necnon animarum suarum et antecessorum suorum saluti providere volentes, dederunt et concesserunt in puram elemosinam et perpetuam priori et prioratui supradicto quadraginta solidos currentis monete apud Belismum, assignantes dictos quadraginta solidos super duas oschas terre ipsorum, quarum una contigua est terre Stephani Revel, ex utroque latere, et alia sita est inter terram dicti Stephani Revel, ex una parte, et inter terram Gervasii dou Heaume, ex altera, et super habergamentum situm in predicta terra, com quadam pecia prati dictis duabus oschis terre contigui, que omnia sita sunt in parochia de Danceio, in feodo Guillelmi de Chesia militis. Volentes et concedentes quod prior qui pro tempore in dicto fuerit prioratu, vel ejus mandatum, eosdem quadraginta solidos percipiat et habeat, post mortem dicti Michael, titulo elemosine annuatim super predictas terras, habergamentum et pratum, in festo beati Leonardi apud Belismum, per manum illius qui dictam terram cum dictis habergamento et prato possidebit vel excolet, quem maluerit dictus prior, dictam terram, cum dictis habergamento et prato, fructus, exitus et proventus eorumdem, scienter et sponte quantum ad hoc honerando, obligando, honeratam et obligatam astringendo et constituendo.
Et dederunt fidem in manu nostra dicti Michael et Maria ejus uxor, spontanei, non coacti, non dolo, non fraude, nec vi nec metu ad hoc inducti, quod contra prefatas donationem, concessionem et assignationem non venient de jure vel de facto, ratione dotis vel donationis propter nuptias, nec jure aliquo, vel juris beneficio sibi competenti, vel competituro, per se vel per alios in futurum, apposita pena, ex parte dictorum Michaelis et Marie ejus uxoris, trium solidorum turonensium reddendorum super dicta terra et dictis habergamento et prato, priori predicto, pro unaquaque hebdomada solutionis post terminum supradictum ; qua etiam soluta, voluerunt et concesserunt quod principalis obligatio nichilominus in suo robore permaneat et persistat, eamdem terram com dictis habergamento et prato, fructibus et exitus eorumdem quoad hoc specialiter obligando, promittentes quod eosdem quadraginta solidos ab omni dominio facerent et redderent liberos et immunes, abrenontiantes quoad hoc exceptioni doli et fraudis, et in finem et omni alteri exceptioni et rationi que de jure vel de facto contra presens dictum factum et instrumentum possit objici vel proponi, beneficio restitutionis in integrum et omni auxilio tum juris canonici quam civilis, quod in hac parte dictos Michaelem et ejus uxorem possit juvare et nocere abbati et conventui, priori et prioratui supradictis. Et de premissis universis et singulis firmiter observandis et tenendis et de non veniendo contra, se bona sua adquisita et adquirenda, heredes et quosconque successores suos pariter specialiter obligantes : in testimonium predictorum quilibet eorum presentibus litteris sigillum suum apponere dignum duxit.
Et nos decanus Belismensis, ad petitionem predictorum Michaelis et Marie uxoris sue, hiis presentibus litteris sigillum nostrum duximus adponere ad majorem confirmationem hujus rei.
Ego vero Guillelmus de Chesia miles et Gervasius de Sancto Quentino armiger, domini feodales, predictas donationem, concessionem et assignationem approbamus, ratas habemus et attestatas volumus insuper et concedimus quod dictus prior et ejus successores dictos quadraginta solidos percipiant et habeant liberos et immunes ab omnibus serviciis ad nos vel ad heredes nostros pertinentibus quoquomodo. In cujus rei testimonium sigilla nostra presentibus litteris apposuimus, ad petitionem sepedictorum Michaelis et Marie, per que ad omnia predicta firmiter tenenda et fideliter observanda voluimus nos et heredes nostros successive obligari.
Datum anno Domini Mº CCº quinquagesimo quinto, mense novembri.

Pour citer l'acte :

« Acte 2707 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2707.html [consulté le 09/05/2024].

Création de la fiche

2007-06-13

Dernière mise à jour

2023-12, EMancel