Scripta n° 1082

Numéro Scripta	1082

Auteur(s)	Philippe d’Harcourt, Bayeux (évêque)
Bénéficiaire(s)	Guillaume de Tournebu, Bayeux (doyen chapitre cathédral)

Genre d'acte	lettre
Authenticité	non suspect
Datation	...1153...
Action juridique	confirmation
Langue du texte	latin

Analyse

Philippe de Harcourt, évêque de Bayeux, confirme au sous-doyen le patronage des églises de L’Epinay-Tesson, de La Folie, de Saint-Manvieu et de La Bigne données, à perpétuité, à l’église de Bayeux par Enguerrand de Port et confirmées par son gendre, Jourdain Tesson.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° CCXCI, t. 2, p. 11-12..

Dissertation critique

Datation

Datation proposée par V. Bourrienne.

Texte établi d’après a

Philippus, Dei gratia Baiocensis episcopus, Willelmo, Baiocensis ecclesiæ decano, et universo ejusdem ecclesiæ capitulo, et omnibus sanctæ Matris Ecclesiæ fidelibus, in Christo salutem. Vestra igitur animavertat attentio quomodo Enguerranus de Portu, videns sibi mortem imminere et saluti animæ suæ consulens, confessus quoniam de forestis ad episcopatus Baiocensis dominium pertinentibus, et præcipue et nominatim de foresta de Racineio, Baiocensi ecclesiæ multa et immensa intulerat dampna quæ ad plenum, ut ipse asserebat, recompensare non posset, nec etiam pro tocius terræ suæ venditione dampna irrogata redimere sufficeret, quærens itaque tantæ sollicitudinis quæ tam graviter ipsum torquebat aliquod remedium, pro redemptione animæ suæ et delictorum suorum absolutione, quatuor ecclesias de terra et præsentatione sua ecclesiæ nostræ quietas resignavit, et pro voluntate nostra donandas potestati nostræ commisit: ecclesiam scilicet de Spineto, et ecclesiam de Folia, et ecclesiam Sancti Manvæi, et ecclesiam de Buigna. Has siquidem ecclesias personatui subdecanatus Baiocensis in perpetuum dedimus possidendas, tocius ecclesiæ nostræ capituli concessione freti et consilio. Tempore vero procedente, Jordanus Taisson, qui per filiæ dicti Enguerrani matrimonium hæreditatis illius successit in hæredem, prænominatas ecclesias ecclesiæ nostræ, ut dictum est, in perpetuum possidendas concessit. Juramento quoque astrictus est quod donationem illam nullo modo impediret, nec moliretur quare nostra ecclesia eas quas jam possederat amitteret. Huic siquidem juramento præsentiam suam exhibuerunt Ricardus de Bohon, nostræ ecclesiæ decanus ; magister Hunfridus Bos, archicapellanus ; Patritius, archidiaconus ; magister Herbertus ; Ricardus de Ros ; Clarus ; Willelmus Sapiens ; Ricardus de Croilie. Ad tollendam igitur erroris occasionem, et præfatæ rei memoriam fideliter retinendam, prætaxatæ donationis seriem scripturæ beneficio curavimus commendare et sigilli nostri munimine roborare.

Pour citer l'acte :

« Acte 1082 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1082.html [consulté le 18/12/2024].

Création de la fiche

2006-05-16

Dernière mise à jour

2023-12, EMancel