⇪PDF

Scripta n° 1232

Numéro Scripta1232
Auteur(s)Alain le Breton [particulier]
Bénéficiaire(s)Bayeux (chapitre cathédral)
Genre d'actecharte
Authenticiténon suspect
Datation1263, juillet
Lieu d'émissionGraye
Action juridiquedonation
Langue du texte latin

Analyse

Alain dit Le Breton donne en pure et perpétuelle aumône, pour la même fondation, et garantit au chapitre de Bayeux le demi-muid d’orge susdit : le chapitre lui verse 21 livres tournois.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° CCCCLI, t. 2, p. 181-182..

Texte établi d’après a

Sciant omnes præsentes et futuri quod ego Alanus dictus Le Breton, filius Willelmi Le Breton, de parrochia de Graeio, de voluntate et assensu prædicti Willelmi, patris mei, dedi et concessi, in puram et perpetuam elemosinam, Deo et capitulo ecclesiæ Ba[iocensis], dimidium modium ordei quem prædictus pater meus mihi dederat in maritagio cum Hylaria, uxore mea, percipiendum [an]nuatim, ad mensuram de Graeio, in quibusdam decimis quas habebat idem pater meus in territorio dictæ parrochiæ, apud Vaux. Qui quidem pater meus prædictas decimas, quas habebat, de assensu meo et voluntate mea, similiter dicto capitulo vendidit et concessit : tenendum et habendum dictum redditum dicti dimidii modii ordei, in puram et perpetuam elemosinam, dicto capitulo, libere, et sine reclamatione aliqua mei vel meorum hæredum in dicto redditu vel in dictis decimis, aut jure, vel pertinenciis aliquibus, aut jure aliquo michi vel meis hæredibus pertinentibus dictarum decimarum amodo faciendis. Qui vero redditus annuatim convertentur in usus cujusdam sacerdotis et ejus successorum qui, singulis diebus, in ecclesia Baiocensi, pro anima defuncti Johannis Paganelli, quondam in ecclesia Constanciensi archidiaconi, divina celebrabunt. Et ego et mei hæredes tenemur et debemus dictum redditum dicti modii dimidii ordei, in puram et perpetuam elemosinam, prædicto capitulo, dictis sacerdoti et ejus successoribus, garantizare et defendere contra omnes, vel excambiare alibi in nostra hæreditate, ubicumque sit, valore ad valorem. Et pro hiis donatione, concessione, garantizatione, et excambiatione, si necesse fuerit, facienda, dictum capitulum dedit mihi, de bonis dicti archidiaconi, vinginti (sic) et unam libras Turonenses. Et, ut hoc sit firmum et stabile, istud præsenti carta et meo sigillo confirmavi. Actum anno Domini millesimo ducentesimo sexagesimo tercio, mense julii, coram parrochia prædicta.

Pour citer l'acte :

« Acte 1232 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1232.html [consulté le 09/05/2024].

Création de la fiche

2006-05-17

Dernière mise à jour

2023-12, EMancel