Scripta n° 1775

Numéro Scripta	1775

Auteur(s)	Hugues d’Amiens, Rouen (archevêque)
Bénéficiaire(s)	Aumale, Saint-Martin d’Auchy (abbaye)

Genre d'acte	lettre
Authenticité	non suspect
Datation	1130
Action juridique	fondation
Langue du texte	latin

Analyse

Fondation de l’abbaye Saint-Martin d’Auchy, ou d’Aumale.

Tableau de la tradition

Éditions principales

a. Piolin Paul, Sainte-marthe Denis de, Gallia Christiana in provincias ecclesiasticas distributa, t. XI, Paris, Palmé, 1874, Instrumenta ecclesiae Rotomagensis, n° XVIII, col. 22..

Texte établi d’après a

Hugo, Dei gratia Rotomagensis ecclesiæ servus indignus, universis ecclesiæ Catholicæ filiis, tam præsentibus quam futuris salutem. Commodum gratiæ profectum intrare in perpetuum. Sciatis quia principis Albæ-Marlæ Willelmi largitione, et regis Anglorum, ac ducis Normannorum Henrici grata concessione statuimus, ecclesiam S. Martini Acciensis abbatiam utique fieri monachorum : ad hoc sane, ut Domino humiliter serviant, et professionem obedientiæ Rotomagensi archiepiscopo persolvant ; nec filiis Belial, qui humilitatem prætendunt, et superbiæ serviunt, omnino consentiant, qui benedici refugiunt, quia obedientiæ debitum profiteri nolunt. Hanc itaque abbatiam ita disponimus, ut ab ecclesia S. Luciani Belvacensis abbatem primum accipiant, postmodum vero si intra ecclesiam suam idoneum invenerint, in abbatem sibi eligant, aut si vero non invenerint, ab ecclesia S. Luciani abbatem sibi canonice requirant. Quod si abbas S. Luciani dare noluerit, tunc accepta ab eo scientia, alias requirant ecclesias, ut a qua voluerint ecclesia abbatem idoneum licenter eligere possint. Quia vero abbatia Acciensis per abbatem et monachos S. Luciani Belvacensis exordium sumpsit, in tanti remuneratione beneficii statuit præfatus princeps Albæ-Marlæ, duas de censu Albæ-Marlæ marcas argenti, per singulos annos persolvendas ecclesiæ S. Lucianni, tam pro se, quam pro predecessoribus suis : et monachi S. Martini accipient eas, et reddent ecclesiæ S. Luciani. Quod si prædictæ marcæ in crastino festi S. Remigii, prout statutum est, solutæ non fuerint, decano archepiscopi Rotomagensis Albæ-Marlæ provisori injungimus, ut eas infra quindecim dies reddi faciat ; et si infra quindecim dies illis redditæ non fuerint, divinum in parochia S. Martini et castello Albæ-Marlæ fieri interdicat officium, donec ecclesia S. Luciani Belvacensis præfatum debitum accipiat. Qui autem hujus instituti transgressor fuerit, hunc, et si monachi S. Martini Acciensis prædictas marcas, sicut scriptum est, ecclesiæ S. Luciani non reddiderint, sicut transgressores sciant se divino judicio puniendos reservari. Decanus vero parochiæ illius, si justitiam quæ suprascripta est minime fecerit, sciat se ab officio deponendum, donec pro satisfactione duas marcas argenti archiepiscopo Rotomagensi solverit. Actum hoc anno Incarnati Verbi 1130, Innocentio papa Romano, regnante rege Francorum Ludovico, et principante in Normannia rege Anglorum Henrico. Ego Hugo Rotomagensis archiepiscopus, Ricardus archidiaconus, Osmundus archidiaconus, Valeranus archidiaconus, Robertus archidiaconus, Fulbertus archidiaconus, Nicolaus decanus, Varnerus capellanus, Guillelmus Bisette.

Pour citer l'acte :

« Acte 1775 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1775.html [consulté le 09/05/2024].

Création de la fiche

2007-04-02

Dernière mise à jour

2023-12, EMancel