⇪PDF

Scripta n° 2196

Numéro Scripta2196
Auteur(s)Guy, Bayeux (évêque)
Bénéficiaire(s)Fontenay-le-Marmion (chapelle)
Bénéficiaire(s)Jeanne Taisson, dame de Thury [autre]
Genre d'actecharte
Authenticiténon suspect
Datation1247, 2 décembre
Lieu d'émissionBayeux
Action juridiquefondation
Langue du texte latin

Analyse

« Cest la lettre du fondement de la capelle de Fontenay le Marmion de le evesque de Baieux(analyse du milieu du XIVe s.) ». Fondation de la chapelle de Fontenay-le-Marmion par l’évêque de Bayeux à la demande de Jeanne Tesson, dame de Thury.

Tableau de la tradition

Éditions principales

a. Saige Gustave, Cartulaire de la seigneurie de Fontenay le Marmion, Monaco, Imprimerie de Monaco, 1895, n° CXIV, p. 153-154..

Texte établi d’après a

Universis sancte matris Ecclesie filiis presentes litteras inspecturis, G. divina permissione Baiocensis ecclesie minister humilis, salutem in omnium Salvatore. Nobilis domine Johanne, domine de Tureyo et de Fonteneto le Marmion, frequentes et continuas supplicationes eas devotione maxima prosequente recepimus continentes ut eidem divine pietatis intuitu in manerio de Fonteneto le Marmion de celebrando divino servicio et audiendo in capella quam in eodem hoc maneiro providere christiana sollicitudine curaremus, attendentes igitur devotionem et fidem quam eadem nobilis domina erga ecclesiam et circa divinum gerere dignoscitur obsequium et quod habet desiderium et affectum circa sacri cultus augmentum, ipsius pie supplicacioni duximus annuendum, secundum quod inferius est plenius annotatum. Ad universorum igitur noticiam volumus tenore presentium pervenire quod nos eidem nobile domine, de consensu et assensu pariter ac voluntate rectoris matris ecclesie sancti Hermetis de Fonteneto le Marmion, nostre diocesis, et religiosorum virorum abbatis et conventus beate Marie de Barbereyo. dicte ecclesie de Fonteneto patronorum, concessimus ut ipsa divinum officium, nocturnum pariter ac diurnum, in predicti manerii sui capella audire valeat et videat celebrari per ydoneum presbyterum ab eadem domina et suis heredibus nobis et nostris successoribus presentandum, et in eadem capella instituendum canonice auctoritate nostra. Domina autem supradicta pro anime sue, parentum et antecessorum suorum salute teneatur in puram et perpetuam elemosinam assignare duodecim libras turonensium annui redditus, infra instans festum beati Johannis Baptiste, presbytero qui in dicta capella personaliter et continue tenebitur deservire. Tenetur eciam et promisit domina supradicta infra supradictum festum in puram perpetuam elemosinam assignare quadraginta solidos turonensium annui redditus rectori matris ecclesie sancti Hermetis memorate ville pro recompassione (sic) oblationum dicte capelle, que capellano in eadem capella deservienti, ut dictum est, remanebunt, exceptis oblationibus omnium parochianorum sepedicte matris ecclesie. De quibus fideliter servandis et restituendis insuper de viribus parochialibus non usurpandis institutus in dicta capella infra octo dies post receptionem suam ad capellam eamdem tenebitur eidem rectori prestare corporaliter juramentum. Dicta siquidem domina cum tota familia sua, sicut prius parochiana sepedicti rectoris quo ad alia remanebit, ita tamen quod ipsa nec ejus familia compelli poterunt tempore aliquo divinum audire officium in dicta matrice ecclesia, nisi velint ; familie nichilominus in eodem manerio residentes in dicta matrice ecclesia per rectorem predictum sacramenta recipere ecclesiastica tenebuntur. Interdum autem, usquedum predicti redditus plene fuerint assignati, dicta domina tenetur capellano dicte capelle solvere vigenti solidos turonensium quolibet mense ; sepedicto autem rectori ecclesie matris tenetur solvere vigenti solidos turonensium ad Natale, et vigenti solidos turonensium ad predictum festum beati Johannis Baptiste, prout in litteris predicte domine quas inde habemus plenius continetur. Hec autem omnia et singula sic duximus ordinanda, non intelligentes vobis vel successoribus nostris quo ad episcopalia jura prejudicium aliquod generare, sed nobis et successoribus nostris in omnibus salvo jure. In cujus rei testimonium, presentes litteras eidem nobili domine sigillo nostro tradidimus sigillandas. — Actum Baiocis, anno Domini Mº CCº XLº septimo, die lune proxima post festum beati Andree apostoli.

Pour citer l'acte :

« Acte 2196 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2196.html [consulté le 09/05/2024].

Création de la fiche

2007-04-26

Dernière mise à jour

2023-12, EMancel