Scripta n° 5375

Numéro Scripta	5375

Auteur(s)	Eustache le Cordelier, Coutances (évêque)
Bénéficiaire(s)	Coutances (chapitre cathédral)

Genre d'acte	vidimus
Authenticité	non suspect
Datation	1289, 16 août
Lieu d'émission	Coutances
Action juridique	confirmation
Langue du texte	latin

Analyse

L’évêque Eustache [le Cordelier] et le chapitre de Coutances vidiment et ratifient la donation faite par Robert d’Harcourt au chapitre du manoir et du tribunal (cohue) de Valognes. De plus, l’évêque continuera à percevoir une rente de cinq sous sur le manoir d’Yvetot.

Tableau de la tradition

Éditions principales

a. Fontanel Julie, Le cartulaire du chapitre cathédral de Coutances, Saint-Lô, Archives départementales de la Manche (Sources inédites sur l’histoire du département de la Manche ; 1), 2003, n° 132, p. 259..

Texte établi d’après a

Universis hec visuris Frater E[ustachius], permissione divina Contantiensis ecclesie minister humilis, ac ejusdem ecclesie humile capitulum, salutem in Domino sempiternam. Litteras venerabilis viri et discreti magistri Roberti de Haricuria, canonici nostri ac de Costentino in prefata ecclesia archidiaconi, vidimus formam que sequitur continentes :
« Universis hec visuris, R[obertus] de Haricuria, archidiaconus de Costentino in ecclesia Constantiensi, salutem in Domino sempiternam. Notum facimus nos viris venerabilibus et discretis capitulo Constantiensi manerium nostrum de Yvetot cum gardino et omnibus appendiciis et adjacentiis ejusdem et cohuam nostram de Valoniis, que predicta nobis bone memorie Galterus, Silvanectensis episcopus, olim predecessor noster in archidiachonatu predicto, vendidit, in perpetuam elemosinam dedisse et concessisse intuitu caritatis ad obitus Johannis et Aelisie, parentum seu progenitorum nostrorum et nostrum, post mortem nostram faciendos, quia vero prefatum manerium et cohua, per quam necessaria sunt archidiachono dicti loci qui pro tempore fuerit, volumus et ordinamus quod nos et successores nostri qui pro tempore fuerint in archidiaconatu predicto habeant ea pro quatuordecim libris tur. in festo Omnium sanctorum singulis annis solvendis capitulo memorato pro dictis anniversariis faciendis. De qua pecunia canonicis presentibus centum solidos et clericis quadraginta solidos tur. ex nunc distribui volumus in obitibus dictorum parentum nostrorum, prout moris est in ecclesia Constantiensi, sollempniter annis singulis quinto die novembris decetero faciendis. Post obitum vero nostrum septem libras alias eodem modo distribui volumus post mortem nostram per octo dies ante diem obitus nostri. Volumus eciam et ordinamus quod dicte septem libre in anniversariis dictorum parentum nostrorum et alie septem libre post mortem nostram in die anniversarii distribuantur canonicis et clericis Constantiensis ecclesie sepedicte, supplicantes venerabili patri nostro E[ustachio], Dei gratia Constantiensi episcopo, ac capitulo memorato quatinus ex nunc annectantes archidiaconatui supradicto manerium et cohuam sepefatam pro pensione predicta nostram donationem et ordinationem predictam, quoad premissa, omnia et singula approbent et confirment. Datum Constantiis anno Domini M° CC° octogesimo nono, in crastino beate Marie Assumptionis Virginis. »
Nos vero [viri] capitulum Constantiense perpendentes in omnibus premissis utilitatem ecclesie Constantiensis et archidiaconatus predicti, supplicationi dicti archidiaconi acquiescimus et omnia et singula supradicta rata et grata habemus, laudamus ac eciam approbamus ; et nos predictus episcopus omnia premissa et singula, de consensu et voluntate expressa nostri capituli Constantiensis sepedicti, auctoritate ordinaria, confirmavimus manerium, super quod quinque solidos tur. nobis et nostris successoribus annuatim debitos retinemus, et cohuam sepefactam pro pensione predicta dicto archidiaconatui annectentes. Volumus eciam et ordinamus nos episcopus et capitulum predictum quod archidiachonus qui pro tempore fuerit in archidiachonatu predicto teneatur juramentum prestare in sua receptione capitulo dicto quod manerium et chohuam sepedictam manutenebit in statu eque bono prout invenerit et quod dictas quatuordecim libras solvet communiario Constantiensi in terminis supradictis, prout in ordinatione annotata superius continetur. In quorum omnium testimonium, nos episcopus et capitulum predictum sigilla nostra presentibus duximus apponenda. Datum Constantiis, in nostro capitulo generali, anno et die predictis.

Pour citer l'acte :

« Acte 5375 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_5375.html [consulté le 09/05/2024].

Création de la fiche

2010-01-24

Dernière mise à jour

2023-12, EMancel