Scripta n° 2521

Numéro Scripta	2521

Auteur(s)	Guillaume de Quiboc [particulier]
Bénéficiaire(s)	Coutances (hôtel-Dieu)

Genre d'acte	charte
Authenticité	non suspect
Datation	1288, novembre
Action juridique	donation
Langue du texte	latin

Analyse

Donation par Guillaume de Quiboc à l’Hôtel-Dieu de cinq pièces de terre sises au Mesnil-Bouteril.

Tableau de la tradition

Éditions principales

a. Le Cacheux Paul, Essai historique sur l’Hôtel-Dieu de Coutances, l’hôpital-général et les Augustines hospitalières depuis l’origine jusqu’à la Révolution avec cartulaire général, Paris, Picard, 1895-1899, 2 vol., t. 2, n° CXX, p. 113-114..

Texte établi d’après a

Noverint universi, tam presentes quam futuri, quod ego Guillelmus de Kibouc, de parrochia Sancti Petri Constantiensis, dedi et concessi, in puram et perpetuam elemosinam, priori, fratribus et pauperibus domus Dei Constantiensis, pro salute anime mee, parentum et antecessorum meorum, quinque pecias terre sitas in Mesnillo Bouteril, quas habebant et possidebant, jure ereditario, in parrochia Constantiensi : Quarum prima sita est inter terras eorumdem prioris et fratrum et terras heredum Hervey Lamiraut a lateribus, et butat ad terram dictorum prioris et fratrum ab uno capite et ab alio ad cheminum per quod itur de burgo Constantiarum ad pontem de Malo Doyto, et continet tres virgatas terre vel eocirca. Secunda pecia sita est inter terram heredum predicti Hervey Ladmiraut et terram Hugonis Engerandi clerici a lateribus, et butat ex uno capite ad cheminum predictum, et continet tres virgatas terre vel eocirca. Tercia sita est in uno clauso inter terras prefatorum prioris et fratrum a lateribus et capite, et continet tres virgatas terre vel eocirca. Quarta sita est inter terras predictorum prioris et fratrum a lateribus, et butat ex uno capite ad terram eorumdem prioris et fratrum et ab alio ad cheminum supradictum, et continet unam virgatam terre vel eocirca. Quinta pecia sita est inter terras eorumdem prioris et fratrum a lateribus et butat ad terram Roberti Lorin et ex alio ad terram Umfridi Paneir. — Habendum, tenendum et possidendum terras supradictas, de cetero in perpetuum, predictis priori, fratribus et pauperibus dicte domus et successoribus eorumdem, libere, pacifice et omnino quiete, sine contradictione et impedimento mei aut heredum meorum de cetero faciendis ; et tenemur ego dictus Guillelmus et mei heredes et de cetero tenebimur, predictis priori, fratribus et pauperibus et eorum successoribus, predictas terras garantizare, deliberare et defendere contra omnes bona fide, vel alibi in nostra propria hereditate, valore ad valorem, suficienter excambiare, si forte garantizare, deliberare et defendere non possemus, salvis tamen juribus capitalium dominorum, que jura dicti prior et fratres et eorum successores tenentur et de cetero tenebuntur acquitare. In cujus rei testimonium perpetuum et munimen, presentem cartam sigilli mei munimine roboravi. Actum est hoc anno gratie Mº CCº octogesimo octavo, mense Novembri.

Pour citer l'acte :

« Acte 2521 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2521.html [consulté le 22/12/2024].

Création de la fiche

2007-06-05

Dernière mise à jour

2023-12, EMancel