Scripta n° 5711

Numéro Scripta	5711

Auteur(s)	Mantes (bailli)
Auteur(s)	Conches (bailli), Nonancourt (bailli)
Bénéficiaire(s)	Nonancourt (ville)

Genre d'acte	charte
Authenticité	non suspect
Datation	1290, 16 juin
Action juridique	notification
Langue du texte	ancien français

Analyse

Les baillis de Mantes ainsi que de Conches et de Nonancourt, et le maire de Nonancourt font savoir que l’abbé et les moines de Saint-Taurin d’Évreux affranchissent les habitants de Nonancourt de tous droits et coutumes à la foire de Saint-Laurent, près de Marcilly[-sur-Eure], moyennant une rente annuelle de cinq sous tournois.

Tableau de la tradition

Éditions principales

a. Delisle Léopold, Passy Louis, Mémoires et notes de M. Auguste Le Prévost pour servir à l’histoire du département de l’Eure, Évreux, Hérissey, 1862-1869, 3 vol., t. 2, p. 480-481..

Texte établi d’après a

A touz ceus qui ces lettres verront ou orront, le baillif de Maante et le baillif de Conches et de Nonnancort, et le mere de la commune de Nonnancort, mananz dedenz les portes de ladite ville, saluz en notre seignor. Sachent touz que, comme contenz fust meu entre nos mere et commune devant diz, d’une part, et homes religions et honeste l’abbé et le couvent de Saint Taurin d’Esvreux, d’autre, sus ceu que lesdiz religieux demandoient à avoir coustume de nos mere et des homes de ladite commune, mananz dedens les portes desusdites, qui achatoient ou vendoient en la foire ausdiz religieus de Saint Lorentz en la Campagne joxte Marcilly, ausi comme des autres qui en ladite foire achatoient ou vendoient ; nos mesre et commune devant diz dissanz le contraire, et proposant nos non pas être tenuz à paier ladite coustume, ne les homes de Nonnancort devant diz qui achateroient et vendroient en ladite foire, par bones resons que nous avion ; à la parfin, après leur plest eu entre nos et lesdit religieus, du conseil de bone gent et de sages, fu fet pes entre nos et lesdits religieus, en tele maniere, que nos mere et commune devant diz ou notre commandement paeron desoreenavant [et] seron tenuz à paier audiz religieus ou à lor commandement chascun an, en ladite foire de Saint Lorenz, dedenz houre de medi, cinc souz de tournois de rente anous, à peine de cinc souz de tournois à paier de noz et de noz successors ou de nostre commandement audiz religieus ou à lor successors ou à lor commandement, avec les cinc souz de rente principaus, se nos defallons de paier les devant diz cinc souz de rente en la manière que il est devant dit ; et seron tenuz noz et noz successors à rendre et à restorer audiz religieus ou à lor commandement touz les cous et touz les demages que lesdiz religieux ou leur commandement feroient ou aroient dès ore en avant en porchaçant la rente et la peine devant dites ; et en sera le message ausdiz religieus creu par son leal voir dit. Et porront lesdiz religieus ou lor commandement en lor devant dite foire, après ladite houre de medi passée, por ladite rente non pas paiée, si comme il est desus dit, et por la paine commise et por les couz et les demages desus diz, justicer les devant diz hommes de Nonnancort et prendre nans desdiz homes, à lor volenté, de touz ceus que lesdiz religieus ou leur commandement trouveront en ladite foire, tant à la cornee (?) que nos desfandron des choses desus dites, ou d’une d’icelles, comme por les defances que nos aurons faites d’enterigner les choses dessus dictes des anées passées. Et se mestier estoit, avec tout san (?), quand à remplir et fermement garder les choses dessus dites, nos obligons nos et noz successors à estre contrainz et justicey par le baillif sus qui justice nos seron, sanz debat et sanz contredit que nos i puission jamés mestre ne fere mestre par nos ne par autre, en tele maniere que por les cinc souz de rente desusdiz nos ne seron pas tenuz dès ore en avant à fere hommage audiz religieus ou à lor successors ; et en tele maniere que por fere les choses dessus dites nos mere et touz les homes et les femes de ladite commune mananz dedanz les portes de ladite ville de Noneancort dessus diz tant solement, et qui dès ore en avant i viendront, seront quites à touz jors mès de paier ladite coustume en la foire de Saint Lorenz dessus dite. Et que ce soit ferme et estable, nos avon mis en ces lestres le seel de la commune de Nonancort, et nos devant diz le baillif de Maante et le baillif de Conches et de Nonnancort, que ce soit ferme et estable à tens avenir, avons mis, à la requeste des parties devant dites, les seaus de la baillie de Maante et de la baillie de Conches et de Nonnancort, sauf le droit notre seignor le roy et l’autrui. Ce fut fet l’an de grasce mil deus cenz quatre vinz et dis, le samedi apres feste Saint Barnabé l’apostre.

Pour citer l'acte :

« Acte 5711 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_5711.html [consulté le 24/11/2024].

Création de la fiche

2010-03-08

Dernière mise à jour

2023-12, EMancel