Scripta n° 1074

Numéro Scripta	1074

Auteur(s)	Henri II, Bayeux (évêque)
Bénéficiaire(s)	Bayeux (chapitre cathédral)

Genre d'acte	charte
Authenticité	non suspect
Datation	...1205...
Action juridique	confirmation
Langue du texte	latin

Analyse

Henri II, évêque de Bayeux, confirme la donation d’une terre et de maisons sises à Bayeux, faite par son chancelier Roger Bovet (ou Le Bœuf), chanoine de Cartigny, en perpétuelle aumône, à l’église de Bayeux : il en gardera l’usufruit, et ses successeurs les tiendront à ferme.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° CCLXXXIII, t. 1, p. 330-331..

Dissertation critique

Datation

Datation proposée par V. Bourrienne.

Texte établi d’après a

Henricus, Dei gratia Baiocensis episcopus, universis Christi fidelibus, ad quos præsentes litteræ pervenerint, æternam in Domino salutem. Pastoralis nos admonet consideratio, ut ea, quæ ad ecclesiæ nostræ profectum aguntur, pontificali, qua fungimur auctoritate, confirmare curemus. Hinc est quod dilectioni vestræ significamus Rogerum Bovet, cancellarium nostrum, salubri ductum consilio, terram quamdam, Baiocis per industriam suam acquisitam, et domos suas, in ea laboribus et sumptibus suis constructas, majori ecclesiæ beatæ Virginis Mariæ et capitulo Baiocensi contulisse in perpetuam elemosinam, nomine pensionario possidenda: ita sane quod idem Rogerus, quoad vixerit, usufructum (sic) ipsarum domorum integre et plenarie habebit, reddendo exinde, annuatim, eidem capitulo triginta solidos Cenomanenses, videlicet, unam medietatem in festo sancti Michaelis, et alteram ad Pascha subsequens. Cum vero, Domino disponente, memoratus Rogerus viam universæ carnis fuerit transgressus, successores ejus, præbendam de Quarteigneio habentes, memoratas domos tenebunt ad firmam de capitulo sub annua præstatione quadraginta solidorum Cenomanensium, in perpetuum die anniversarii ipsius Rogeri solvendorum, ita quidem quod eadem pecunia clericis, qui divinis obsequiis intererunt, quæ pro ipso Rogero in memorata ecclesia Regi Altissimo offerentur, secundum morem ecclesiæ impertiatur. Verum, quoniam præbenda de Quarteigneio, per sollicitudinem nostram, maximam (sic) sortita est incrementum, sæpefatus Rogerus benigno animo concessit et voluit ut duo sextarii frumenti et duo sextarii ordei, ad mensuram Quarteigneii, annuatim pro nobis, die anniversarii nostri, Baiocis in usus pauperum in perpetuum expendantur. Et quia fide percepimus oculata eundem Rogerum, super possessionibus et proventibus præbendæ suæ ampliandis, operam impendisse sollicitam, dignum censuimus aliquod laboris sui solatium eidem tribuendum. Decrevimus siquidem et concessimus ut, de incrementis præbendæ de Quarteigneio, unus sextarius frumenti, et unum (sic) sextarius ordei illius mensuræ, pro animæ ipsius Rogeri remedio, pauperibus Christi Baiocis in perpetuum die anniversarii sui conferantur. Ut autem hæc rata et firma in posterum existant, ea præsenti scripto, et sigilli nostri appositione, communire curavimus. Valete in Domino.

Pour citer l'acte :

« Acte 1074 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1074.html [consulté le 21/11/2024].

Création de la fiche

2006-05-16

Dernière mise à jour

2023-12, EMancel