Scripta n° 848

Numéro Scripta	848

Auteur(s)	Henri II, Bayeux (évêque)
Bénéficiaire(s)	Richard Wace, Bayeux (chanoine)

Genre d'acte	charte
Authenticité	non suspect
Datation	1200, 24 juin
Action juridique	confirmation
Langue du texte	latin

Analyse

Henri II, évêque de Bayeux, confirme une convention faite entre deux chanoines en désaccord sur quelques dîmes des églises de Colombières et de Bricqueville.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° LVI, t. 1, p. 73-75..

Texte établi d’après a

Universis Christi fidelibus ad quos præsens scriptum pervenerit, Henricus, Dei gratia episcopus, et capitulum Baiocense, perpetuam in Domino salutem. Universitati vestræ notum fieri volumus quod, cum querela verteretur inter Ricardum Wacii, canonicum nostrum, et Hugonem Labe, presbyterum, super quibusdam decimis, tam ad ecclesiam de Columberiis quam ad ecclesiam de Brichevilla pertinentibus, quas alter eorum contra alterum sibi vendicare volebat, tandem discretorum consilio lis illa amicabiliter conquievit in hunc modum : ipsi percipient decimas illas æqualiter partitas, frugum scilicet et lini, et canabi, sitas videlicet a domo Willelmi de Alneto usque ad domum Richeri Legendre, et a domo ejusdem Richeri usque ad domum Dami, et a domo ejusdem Dami usque ad viam Baiocensem, et a via Baiocensi usque ad domum Willelmi de Alneto, ita tamen quod tota decima filiorum Carpentarii infra dictos terminos sita, ecclesiæ de Columberiis in perpetuum remanebit. De decimis vero, ultra viam Baiocensem sitis, quælibet ecclesiarum dictarum partem suam, sicut habebat antequam carta ista fieret, possidebit. Omnes quidem parrochiani, qui manent inter ecclesiam de Brichevilla et domum Richeri Legende (sic), et domum Dami, et omnes decimæ illius territorii, remanent in perpetuum ecclesiæ de Brichevilla. Quicumque vero in feodo de Columberiis mansionem habuerint, erunt semper parrochiani ecclesiæ de Columberiis, et quicumque similiter in feodo de Brichevilla mansionem habuerint, ecclesiæ de Brichevilla erunt in perpetuum parrochiani. Decimatores etiam, qui dictas decimas colligent, ex utraque parte fidem præstabunt se decimas illas fideliter conservare, et cuilibet ecclesiarum præscriptarum partem suam, scilicet medietatem sine ulla diminutione, tradere. Prætere, ecclesia de Columberiis de omnibus parrochianis suis, infra dictos terminos manentibus, omnes obventiones et decimas ad altaragium pertinentes, præter decimas frugum, et lini, et canabi, integre in perpetuum possidebit. Ecclesia vero de Brichevilla similiter de parrochianis suis, ibidem manentibus, obventiones et decimas ad altaragium pertinentes habebit. Actum est hoc anno ab Incarnatione Domini millesimo ducentesimo, in festo sancti Johannis Baptistæ. Volentes autem ut, quod sollempniter actum est, firmitate perpetua gaudeat in posterum, id præsenti carta, sigillis nostris munita, dignum duximus confirmare.

Pour citer l'acte :

« Acte 848 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_848.html [consulté le 21/11/2024].

Création de la fiche

2006-05-15

Dernière mise à jour

2023-12, EMancel