Scripta n° 2595

Numéro Scripta	2595

Auteur(s)	Le Mans (official)
Bénéficiaire(s)	Tours, Saint-Martin de Marmoutier (abbaye)
Bénéficiaire(s)	Saint-Martin-du-Vieux-Bellême, Saint-Martin, dépendance Saint-Martin de Marmoutier (prieuré)

Genre d'acte	charte
Authenticité	non suspect
Datation	1274, juillet
Action juridique	confirmation
Langue du texte	latin

Analyse

Confirmation par l’official du Mans de l’arbitrage intervenu entre Guillaume Gaigniart et le prieuré de Bellême, relativement aux biens et succession d’Eude Sirot, chanoine.

Tableau de la tradition

Éditions principales

a. Barret Philibert (Abbé), Cartulaire de Marmoutier pour le Perche, Mortagne-au-Perche, Meaux (Documents sur la province du Perche ; 3e série, 2), 1894, n° 89, p. 102-104..

Texte établi d’après a

Universis presentes litteras inspecturis, officialis Cenomanensis, salutem in Domino. Quod cum contencio verteretur inter religiosos viros Abbatem et conventum Majoris Monasterii Turonensis, et priorem et monachos de Belismo ex una parte, et Guillelmum Gaignart de parochia de Campo Pascenti, juxta Varinum, Cenomanensis dyocesis, ex altera, super hoc videlicet quod dictus Guillelmus petebat a dictis religiosis quasdam possessiones quas defunctus magister Odo Syrot, quondam canonicus in ecclesia Cenomanensi, habuit et possedit, sitas ut dicitur, inter Castrum Belismi et forestam ejusdem loci, in dyocesi Sagiensi, consistentes in terris, pratis, censibus et rebus aliis, que omnia ad dictum Guillelmum jure hereditatis debebant pertinere, racione successionis dicti defuncti Odonis ; dicto priore de Belismo, pro se et pro dictis Abbate et conventu et monasterio suo predicto, e contrario proponente et asserente quod idem Guillelmus nichil in dictis rebus debebat habere, jure hereditario, nec racione successionis dicti defuncti, ea videlicet racione quod dictus defunctus Odo omnia supradicta dicto priori, et prioratui suo et successoribus suis dederat et concesserat, ab eisdem religiosis perpetuo possidenda ; et dictus prior pro se et monasterio suo et abbate et conventu supradictis, ex una parte, et dictus Guillelmus, ex altera, post multas altercationes, de prudentium virorum consilio, super dicta contencione omnium rerum predictarum compromiserunt in arbitros, videlicet in Andream dictum Syrot presbyterum, et in Gaufridum Benedictum presbiterum, rectorem ecclesie de Pinu, qui arbitri honus dicti compromissi in se receperunt, prout dicti prior et Guillelmus confessi fuerunt in jure coram nobis, tali conditione quod si ipsi duo arbitri non possent super premissis unanimiter concordare, quod Gaufridus, decanus Belismensis, esset tercius arbiter cum eisdem, qui decanus, cum uno dictorum arbitrorum proferendo dictum suum, super eisdem contencionibus taliter ordinavit, prout ipsi prior et Guillelmus recognoverunt in jure coram nobis, videlicet quod dicte res, cum terris, pratis, censibus et rebus aliis, de quibus erat contencio inter ipsos, in quibuscumque rebus consistant, dicto priori et ejus prioratui successoribusque suis, nomine dictorum abbatis et conventus, perpetuo et hereditarie remaneant, et dictus prior et monachi predicti, pro bono pacis, darent dicto Guillelmo viginti libras turonenses ; quas pacem et concordiam dictas et concordatas per dictum decanum et alium arbitrum, dictus Guillelmus ratam habuit et firmam et habet ex jure coram nobis, et garantizavit et promisit quod ipse, per se nec per alium, in dictis rebus de quibus erat contencio inter ipsos nichil de cetero reclamabit, nec faciet in futurum per se vel per alium reclamare. Recognovit etiam Guillelmus se recepisse et habuisse a dicto priore, ratione dicte pacis, dictas viginti libras turonenses in pecunia numerata, omni exceptioni pecunie non numerate et non recepte renuncians specialiter et expresse, tali conditione quod dictus Guillelmus et ejus heredes tenentur dicto priori et ejus successoribus, et dictis abbati et conventui, dictas res, de quibus erat contencio inter ipsos, garantizare, liberare et defendere contra omnes, per dictum dictorum arbitrorum, et specialiter contra heredes dicti defuncti Odonis quoscumque. Et transfert exinde idem Guillemus in dictum priorem et monasterium suum predictum omne jus suum, proprietatem, possessionem et omnem actionem personalem et realem, que et quas ipse vel ejus heredes habebant vel habere poterant in rebus superius nominatis. Et ad omnia premissa tenenda et in perpetuum observanda, ut superius dicta sunt, dictus Guillelmus obligat eisdem priori, abbati et conventui se et heredes suos et omnia bona sua, mobilia et immobilia, presentia et futura, et specialiter successoribus dicti prioris, renuncians in hoc facto omni exceptioni, deceptioni, lesioni, omni privilegio impetrato et impetrando, omni auxilio juris et facti, tam canonici quam civilis, et omnibus rebus aliis et racionibus per que seu per quas posset venire contra premissa vel aliqua premissorum per se vel per alium in futurum. Et quod contra predicta vel aliqua predictorum non veniet idem Guillelmus per se vel per alium in futurum astrinxit se, fide in manu nostra prestita corporali. Et nos omnia supradicta et singula ad petitionem dictorum prioris et Guillelmi ad invicem in perpetuum tenenda, et ea sigillo curie Cenomanensis duximus roboranda. Datum die veneris ante festum beate Marie Magdalene mense julii, anno Domini Mº CCº LXXº quarto.

Pour citer l'acte :

« Acte 2595 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2595.html [consulté le 09/05/2024].

Création de la fiche

2007-06-11

Dernière mise à jour

2023-12, EMancel