Scripta n° 1019

Numéro Scripta	1019

Auteur(s)	Robert II des Ablèges, Bayeux (évêque)

Genre d'acte	charte
Authenticité	non suspect
Datation	1213
Action juridique	autre
Langue du texte	latin

Analyse

Robert II des Ablèges, évêque de Bayeux, Guillaume de Semilly, doyen, et le chapitre notifient que Guillaume Arundel, chanoine de Pézerolles (Subles), fournira le luminaire de la grande couronne le jour de l’Épiphanie, dès les premières Vêpres, et ils étendent cette obligation à ses successeurs dans la même prébende.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° CCXXIX, t. 1, p. 279-280..

Texte établi d’après a

Universis sanctæ matris Ecclesiæ filiis, præsentem paginam inspecturis, Robertus, Dei gratia episcopus, Willelmus, decanus, et capitulum Baiocense, salutem in eo qui est omnium salus. Veræ pietatis obsequium est, diebus quibus divina protestantur opera, puro corde gaudere, et ea, quæ ad nostram salutem gesta sunt, honorifice celebrare. Veneranda itaque Epiphaniæ Domini sollennitas, tribus nostræ salvationis ornata miraculis, spiritualium dat nobis perseverantiam gaudiorum, ut exultationis vigor et fidei fervor non tepescat. Hujus igitur rei consideratione pia, magister Willelmus Arondel, dilectus canonicus noster, ad ecclesiæ nostræ suspirans ornatum, nobis declaravit quod memoratæ festivitatis die sanctissima, ad augmentum læticiæ uberioris, quoad præbendæ suæ de Peseroles beneficium possederit, ecclesiæ nostræ coronam revolutione annua curabit accendere, cum eo honore quo sollennitatibus aliis sollennius solet illuminari. Hoc scilicet adjecto, quod ejusdem sollennitatis die, ad priores Vesperas, eam illuminabit: quod antea aliquis alius nequaquam facere consuevit. Hanc igitur liberalem ipsius largitionem perpetuari desiderans, ad successores suos extendi postulavit, quatinus et ipsi, ex nostra institutione, ad præscriptæ devotionis exhibitionem tenerentur astricti. Nos igitur, laudabili ejus desiderio promptissimum sicut decuit præbentes assensum, statuimus ut quilibet, ei in præbenda de Peseroles successurus, pari honore horis determinatis, die illa, coronam cereis adornet accensis. Ad ejus itaque rei debitam executionem, ejusdem Willelmi successoribus imposuimus necessitatem ut, cum præbenda illa aliquem investiri contigerit, sub nostra, vel nostrorum præsentia successorum, sollenni pollicitatione ad prædictorum observationem se nobis astringat. Quod siquidem, quum nobis expedit, inconvulsum volentes persistere, nostram huic rei, qualem decet, impertientes auctoritatem, id ipsum perhennis scripti testimonio fuimus prosecuti, sigillorum nostrorum appensione roborantes. Actum anno gratiæ millesimo ducentesimo tercio decimo.

Pour citer l'acte :

« Acte 1019 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1019.html [consulté le 09/05/2024].

Création de la fiche

2006-05-16

Dernière mise à jour

2023-12, EMancel