Scripta n° 1839

Numéro Scripta	1839

Auteur(s)	Henri, Fougères (seigneur)
Bénéficiaire(s)	Savigny-le-Vieux, Sainte-Trinité de Savigny (abbaye)

Genre d'acte	charte
Authenticité	non suspect
Datation	1150
Lieu d'émission	Fougères, Savigny-le-Vieux
Action juridique	confirmation
Langue du texte	latin

Analyse

Henri de Fougères confirme les dons faits à l’abbaye de Savigny.

Tableau de la tradition

Original

A. Original. Paris, Arch. Nat., L 968, n° 206.

Éditions principales

a. Piolin Paul, Sainte-Marthe Denis de, Gallia Christiana in provincias ecclesiasticas distributa, t. XI, Paris, Palmé, 1874, Instrumenta ecclesiae Abrincensis, n° XIV, col. 113-114 (édition partielle)..

Dissertation critique

Précision édition

Transcription : Claude Groud-Cordray (Cartulaire de l’abbaye de Savigny ou Liber cartarum domus Savigneii, episcopatu Redonensi, n° XLI)

Texte établi d’après A

Henricus Dei gracia dominus Filgeriarum, omnibus suis baronibus et omnibus fidelibus tocius terre sue salutem. Notum sit vobis omnibus fidelibus christianis quod ego, pro amore Dei et salute anime mee et anime uxoris mee ac liberorum nostrorum et omnium antecessorum et successorum nostrorum atque omnium fidelium christianorum concessi ecclesie et monachis Sancte Trinitatis de Savigneio in perpetuam elemosinam apud Filgerias molendinum quod fuit Gaufridi filii Raginaldi et stagnum et pratum ejusdem molendini et masuram molendinarii et moltam tocius terre ipsius Gaufridi filii Raginaldi de Foresta, et quicquid ad ipsum molendinum pertinebat que omnia donaverunt eidem ecclesie et monachis Peregrina filia ejusdem Gaufridi filii Raginaldi et Robertus Viarius cognatus ejus. Concessi etiam predicte ecclesie et monachis dimidiam terram predicti Gaufridi filii Raginaldi que est in monte et juxta montem qui est ante ipsum molendinum in qua monte est et vinea mea et II domos in Risleio cum omnibus consuetudinibus et pertinenciis suis que fuerunt ejusdem Gaufridi filii Raginaldi que omnia dedit iterum predicte et monachis ipsa Peregrina filia ejusdem Gaufridi filii Raginaldi. Concessi etiam predicte ecclesie et monachis unam domum in foro Filgeriarum cum omnibus consuetudinibus et pertinenciis suis quam donavit Guillelmus sacerdos de Sancto Leonardo. Apud Loratorium autem concessi predicte ecclesie et monachis Savigneii ecclesiam ejusdem ville et totum cimeterium et totam decimam tocius parrochie et quicquid ad ipsam ecclesiam pertinebat, quam ecclesiam cum pertinenciis suis donaverunt eidem ecclesie et monachis Radulfus filius Pagani de Loratorio et fratres ejus Hugo et Gaufridus et Robertus et Lovellus patruus eorum et Johannes filius Mischine cognatus ipsorum, concedente domina Avicia avia mea, concedentibus etiam Redonensibus episcopis Roaldo et Hamelino Johanne etiam de Egenneio concedente totam decimam tocius terre sue et Rogerio Viario et omnibus aliis parrochianis concedentibus unoquoque quod ad se pertinebat et in eadem parrochia concessi terram quam donaverunt eidem ecclesie et monachis Hamelinus de Rotella et filii ejus Guillelmus et Juhellus et Hasculfus et Guido et Herveus de Rotella et Robertus frater ejus cognati eorumdem, concedente domina Avicia, Juallo etiam Regnei concedente quemdam mangerum quam calumpniabantur privabantur in eadem terra. Concessi etiam terram quam donavit eidem ecclesie et monachis Rogerius filius Fulchoini, concedente Rogerio Viario domino dominus ipsius Regerio (sic) etiam de Rotella concedente quod ad se pertinebat. Concessi quoque terram quam Guillelmus Cornoart de Belseio dedit eidem ecclesie et monachis concedente Rogero Viario domino quo apud Louvigneium. Vero concessi prefate ecclesie et monachis Savigneii terram que vocatur Boolosa quam donaverunt eidem ecclesie et monachis Hamelinus de Luvigneio et filii ejus Robertus et Guillelmus et Guerrinus et Gaufridus et Radulfus et Johannes et Gelduinus et homines ipsius Hamelini Radulfus scilicet de Boolosa, et Paganus filius ejus et nepotes eorum Radulfus et Johannes filii Peppini et Garnerius de Boolosa et filii ejus Brientius et Augerus et Vitalis et Petrus de Boolosa et Guillelmus et Tescelinus filii ejus et Petrus et Garinus et Radulfus et Johannes filii Gaufridi de Boolosa et Juhellus et Gaufridus et Ruellonus filii Harduini de Boolosa et Graffart et Luardis uxor ejus et Tescelinus filii eorum. Concessi etiam totam terram que vocatur Galaneia cum appendiciis excepto Monteluvero, quam Galaneiam, cum omnibus pertinenciis suis, donaverunt eidem ecclesie et monachis Paganus Sanseline et filii ejus Osmundus et Gauterius et cognati eorum Pichon scilicet de Valhaio, Rainaldus filius ejus et Guillelmus frater Pichon et Bernardus filius ejus. Concessi quoque terram que vocatur Doillet et forestam de Marchis cum omnibus pertinenciis et consuetudinibus suis excepta area accipitrum, quam terram cum foresta donaverunt eidem ecclesie et monachis Herveus de Lineriis et Henricus et Robertus filii ejus et homines eorum, Hugo scilicet de Doillet et Hamelinus filius ejus et Willelmus et Hai fratres Hugonis et Garnerius et Yvo et Garnerius filii Hai et Guillelmus de Rocherio et Johannes filius ejus et Joscho et Herbertus generi ipsius et Hernaldus filius Marie et frater ejusdem et Johannes et Hamelinus filii Ernaldi et Adam gener ipsius et Radulfus Galeeius et Fulcherius filius ejus et Hamelinus Galerius et Fulcheredus filius ejus et Frogerius gener ipsius et Gauterius Berhaudus et Guillelmus et Petrus fratres ejus et Radulfus Estal et Herveus filius ejus et Godo de Doillet et Juhellus filius ejus et Radulfus de Marchis et Graffart filius ejus et Igerus de Marchis et Gaufridus et Petrus filii ejus et Robertus de Marchis et Guillelmus et Herveus et Radulfus et Hamelinus filii ejus et Rollandus et Gauterius frater ejus de Marchis. Concessi denique eidem ecclesie et monachis in forestis meis pasnagium propriorum porcorum et in omni terra mea herbagia et omnes alias communiones et per totam meam quietanciam omnium consuetudinum hec omnia que hic enumeravimus, concessi ecclesie et monachis Sancte Trinitatis de Savigneio ego et Radulfus filius meus in perpetuam elemosinam libera et quieta et ab omni servicio et consuetudine absoluta exceptis XVIII solidis cenomannentium quos retinui in terra Henrici de Lineriis de Doillet, reddendis singulis annis festo Sancti Remigii. Precipimus itaque ac firmiter constituimus quatenus sepedicta ecclesia Savigneii que est propria abbatia et dominica elemosina nostra hec omnia supra scripta habeat in perpetuum et possideat libere et quiete et honorifice sicut elemosinas Deo dedicatas pro remissione peccatorum nostrorum et redemptione animarum nostrarum. Hec autem nostra constitutio atque confirmatio facta est apud Filgerias et apud Savigneium anno ab Incarnatione Domini MCL tempore estivo quando adjuvante gracia Dei factus sum monachus ejusdem loci. Teste magistro Guidone capellano et Juhello Cordun et Rogerio Viario et Theobaldo de Campellis et Juhello de Ardenna et Herveo filio Theobaldi et multis aliis. Signum + Henrici domini Filgeriarum. Signum + Radulfi filii ejus.

Pour citer l'acte :

« Acte 1839 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1839.html [consulté le 24/11/2024].

Création de la fiche

2007-04-02

Dernière mise à jour

2024-06-12, TFujimoto