Scripta n° 3805

Numéro Scripta	3805

Auteur(s)	Robert Luissier, Verneuil (bailli), Gisors (bailli)
Bénéficiaire(s)	Jean le Tailleur, bourgeois de Verneuil [autre]

Genre d'acte	charte
Authenticité	non suspect
Datation	1276, 17 juillet
Lieu d'émission	Paris
Action juridique	autre
Langue du texte	ancien français

Analyse

Robert Luissier, bailli de Verneuil et de Gisors, fait savoir que Jean Le Tailleur, bourgeois de Verneuil, a reçu la prévôté de Damville en bail à ferme de Pierre de la Broce, seigneur de Langes et de Damville, chambellan du roi. 

Tableau de la tradition

Éditions principales

a. Delisle Léopold, Cartulaire normand de Philippe-Auguste, Louis VIII, Saint-Louis et Philippe le Hardi, Caen, Hardel (MSAN ; 16, 2e série, 6, p. 160-390), 1852, n° 868, p. 204..

Texte établi d’après a

A touz ceus qui ces leitres verront et orront, Robert Luissier, baillis de Vernoil et de Gysorz, saluz. Nous fesons assavoir, que par devant nous presentement vint Jehan Le Tailleur, borgois de Vernoil, et requenut que il avoit pris et receu à ferme de noble homme et sage Pierre de la Broce, seigneur de Langes et de Danvile, et chambellan le rois de France, dou jor de feste de l’asumption Nostre Dame prochaine à venir qui sera lan de grace mil CC soisante seize, duques à deus anz continuement ensuianz, la prevosté de Danvile et toute les apartenances de cele prevosté, si comme ele a esté bailliée çà en arrière en tens trespassé, et avesques ce touz les cens et toutes les rentes que li diz Pierre a ou puet avoir en la ville et en la parroisse de Danvile soient en deniers ou soient en blé, et amendes et forfetures toutes de soissante souz et de mains, qui en la main du dit Pierre porroient ou devroient en aucune maniere venir, et touz les cens et toutes les rentes que li diz Pierre a ou puet avoir à Craves, qui en la main du dit Pierre puent venir, exceptez les aides, les relies, les aventures toutes, qui au dit Pierre puent ou doivent venir por reson de ses fiez, et le manoir du dit Pierre de Danvile, et touz les fossez, et la pescherie de ces fossez, et la rivière, et la pescherie, et le gort de cete rivière, depuis les planches en aval, et le pre qui est desouz la tour, et les bois, et toutes les autres choses qui n’ont pas esté acoustumées à estre bailliées en la dite prevosté, fors ce qui est divisez et nommez par dessus, por trois cens livres de tornois chascun an de ferme, à rendre et à paier au dit Pierre ou à son commandement dou dit Jehan ou de son commandement chascun an à deux termes, c’est assavoir la moitié de ces trois cens livres tornois à Pasques, et lautre moitié à la Touz Sainz, et commençant à Pasques prochaines à venir, et est assavoir que li diz Jehan est tenuz à paier les fiez et les aumones qui sont en blé, et li diz Pierre les fiez et les aumones qui sont en deniers, et puet avoir li diz Jehan nasses à peschier aus enguilles es moulins de Danvile ; et quant à ces covenances toutes fermement garder et tenir, et l’argent dessus dit paier et rendre aus termes desus nommez, li diz Jehan obliga au dit Pierre lui et ses hoirs et touz ses bienz moebles et heritages presenz et à venir. Ou tesmongn de ceste chose nous seelames ces leitres dou seel de baillie de Vernoil. Ce fu fet à Paris, en lan desus dit, le venredi devant la Magzelaine.

Pour citer l'acte :

« Acte 3805 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_3805.html [consulté le 24/11/2024].

Création de la fiche

2008-08-18

Dernière mise à jour

2023-12, EMancel