Scripta n° 6370

Numéro Scripta	6370

Auteur(s)	Gautier de Coutances, Rouen (archevêque)
Bénéficiaire(s)	Rouen, Saint-Lô (prieuré)

Genre d'acte	charte
Authenticité	non suspect
Datation	1205, 26 avril
Lieu d'émission	Beaulieu
Action juridique	confirmation
Langue du texte	latin

Analyse

Confirmation par Gauthier de Coutances, archevêque de Rouen, de plusieurs bénéfices accordés aux religieux de Saint-Lô, et donation de quelques nouveaux.

Tableau de la tradition

Éditions principales

a. De Glanville Léonce, Histoire du Prieuré de Saint-Lô de Rouen, ses prieurs, ses privilèges, ses revenus d’après les documents authentiques tirés des archives de la Seine-Inférieure et mis en ordre, Rouen, E. Cagniard, 1890-1891, 2 vol., t. 2, pièces justificatives, n° XXXIX, p. 352-354..

Texte établi d’après a

Omnibus sancte matris ecclesie filiis ad quos presens scriptum pervenerit Walterus Dei gratia Rothomagensis archiepiscopus salutem in Domino. Ex apostolica descendit consuetudine eo que pie et iuste ecclesiis. seu ecclesiasticis viris et religiosis, conferuntur, ne oblivione vel invidencium, sive etiam ambitiosorum malignitate depereant litterarum apicibus annotare et auctoritate pontificali communire. Eapropter ad communem omnium noticiam volumus pervenire nos, divine pietatis intuitu, dedisse et concessisse in puram et perpetuam elemosinam ecclesie S. Laudi Roth. et canonicis regularibus ibidem Deo servientibus, beneficia subscripta, cum pertinentiis et proventibus suis, in proprios fratrum usus et alimoniam convertenda. videlicet ecclesiam S. Martini de Gadencourt integre, cum pertinentiis suis, reddendo inde nobis et successoribus nostris semel in anno unum modium avene, cum hospitati fuerimus apud Vy. Quod si vero ibi non hospitati fuerimus nos eundem modium avene non recipiemus. item ecclesiam Sancte Marie de Themericourt cum pertinenciis suis. ecclesiam de Casteneio cum pertinenciis suis. ecclesiam Sancte Marie de Cressy cum pertinenciis suis ; ecclesiam de Maisnillo Enardi cum capella de Blovile et aliis pertinenciis suis ; ecclesiam de Maisnillo Terici cum pertinenciis suis ; vicariam de Breautel cum pertinenciis suis, cuius ecclesie personatum dicti canonici in proprios usus sicut prebendas longe a retroactis temporibus possidebant salvo in omnibus jure pontificali. Confirmamus etiam prefatis canonicis regularibus in proprios eorum usus, beneficia subscripta, que venerabilis predecessor noster pie memorie Rotrodus eisdem pia largitione dedit et concessit, scilicet medietatem ecclesie S. Ioannis supra Renellam in Rothomago, unde ipsi canonici habuerant aliam medietatem ab antiquo, salva nobis et successoribus nostris annua pensione unius aurei percipienda in festo omnium sanctorum. Item ecclesiam de Raffetot cum pertinenciis suis. Ecclesiam Sancte Columbe cum pertinenciis suis. Ecclesiam Sancte Helene de Frobervilla cum pertinenciis suis. Hec prescripta beneficia que predicti canonici in provincia nostra iuste possident vel in futurum rationabiliter possidebunt eisdem auctoritate pontificali confirmamus volentes ut ea possideant in omni integritate et pace. Si quis autem contra hanc nostre confirmationis paginam aliquid temere attemptare presumpserit, iram Dei omnipotentis se noverit incursurum. Ut autem predicta donacio et confirmacio nostra rate et inconcusse permaneant et perpetuam obtineant firmitatem eas presenti scripto et sigilli nostri munimine roboravimus. Testibus Gaufrido priore Belli loci Nicolao capellano, Roberto de S. Nicholao et magistro Radulpho de Constantiis, canonicis Roth. Radulpho de Daubue, Ansello de Augo, Laurentio et Radulpho, clericis et pluribus aliis. Datum apud Bellum locum per manum magistri Simonis cancellarii nostri anno incarnationis dominice m°. cc°. quinto VI° Kal. Maii. Sigillatum cum magno sigillo in cera viridi.

Pour citer l'acte :

« Acte 6370 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_6370.html [consulté le 21/11/2024].

Création de la fiche

2012-05-14

Dernière mise à jour

2023-12, EMancel