Scripta n° 1304

Numéro Scripta	1304

Auteur(s)	Bayeux (vicomte)
Bénéficiaire(s)	Bayeux (chapitre cathédral)

Genre d'acte	charte
Authenticité	non suspect
Datation	1284, 2 septembre
Lieu d'émission	Bayeux
Action juridique	autre
Langue du texte	ancien français

Analyse

Isabelle, femme de Robert de Brucourt, renonce, avec serment, devant le vicomte de Bayeux, à tous ses droits sur la dîme d’Asnières.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° DXXX, t. 2, p. 277-278..

Texte établi d’après a

A touz cels qui ces verront et orrunt, le visconte de Baiex, saluz. Sachiez que madame Ysabel, femme mon seignor Robert de Bruecort, chevalier, seignor de Mesy, establie par devant mei, le dit mon seignor Robert, son mari, présent, donnant l’auctorité de jurer, jura par devant mei, sus les saintes evvangieles, et pramist par sa fey, o l’auctorité du dit mon seignor Robert, son mari, et de sa bone volenté, que ele ne demandera douaere, ne autre chose, et que ele ne metra empeechement, ne ne fera metre en nulle manière, desorénavant, en la diesme que le dit mon seignor Robert de Bruecort aveit, et povet, et deveit aveir en la parroisse de Asnières, en queil lieu que cen seit ; por cen que le dit mon seignor Robert, son mari, l’a venduee à fln et em perpétuel au chapitre Nostre Dame de Baiex, por deus cenz livres de Torneis que il a eu du dit chapitre et receu, des quiex il s’est tenu por bien paié par devant mei : à tenir, à aveir, à posseer à fin à héritaige la dite diesme au dit chapitre et lor successors, et à cels qui auront cause deu dit chapitre, sans contredit, sanz réclaim et sanz empeechement de la dite madame Ysabel et de touz aiiant cause de lie. Et la dite madame Ysabel, o l’auctorité de son mari, et de sa bone volenté, sans contraignement, jura par devant mei à cen tenir ferme, estable à touz jors, et renonça à tout le dreit que ele aveit, et poet, et deveit aveir en la dite diesme, sanz réclamance fere. Et, en tesmoig de cen, ceste letre est seelée du seel de la visconté de Baiex, à la requeste des parties, sauve la dreiture le Rey et autrui, oveques le seel de la dite madame Ysabel. Ce fu fet, en l’an de grâce mil ijcc quatre vinz e quatre, le samedi après la feste de seint Gire, en meis de septembre.

Pour citer l'acte :

« Acte 1304 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1304.html [consulté le 09/05/2024].

Création de la fiche

2006-05-18

Dernière mise à jour

2023-12, EMancel