⇪PDF

Scripta n° 948

Numéro Scripta948
Auteur(s)Lucius II [pape]
Bénéficiaire(s)Philippe d’Harcourt, Bayeux (évêque)
Genre d'actebulle
Authenticiténon suspect
Datation1144, 16 mai
Lieu d'émissionLatran
Action juridiqueréforme
Langue du texte latin

Analyse

Le pape Lucius II ordonne aux religieux, au clergé et aux fidèles de l’église de Bayeux de bien recevoir l’évêque Philippe de Harcourt à son retour de Rome, et de l’aider à remettre son église dans la possession parfaite et tranquille de tous les biens, privilèges et droits dont elle jouissait sous l’épiscopat d’Odon Ier de Conteville.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° CLVII, t. 1, p. 197-199..

Dissertation critique

Datation

Pontificat de Lucius II, 12 mars 1144 - 25 février 1145.

Texte établi d’après a

Lucius, episcopus, servus servorum Dei, dilectis filiis abbatibus, et prioribus, clero, et populo Baiocensis ecclesiæ, salutem, et apostolicam benedictionem. Venerabilis frater noster Philippus, episcopus vester, juxta morem noviter intronizatorum, Apostolorum limina et nostram præsentiam visitavit. Quem nos debita benignitate suscepimus, et ut bona Baiocensis ecclesiæ, quæ jam diu peccatis exigentibus illicite distracta et alienata sunt, recuperet, et pravas consuetudines, quæ in Baiocensi episcopatu, pastorum incuria et negligentia, pullularunt, extirpet, viva voce sibi injunximus. Ipsum itaque, cum gratia Sedis Apostolicæ et litterarum nostrarum prosecutione, ad sedem propriam remittentes, universitatem vestram rogamus, monemus, et per apostolica scripta vobis injungimus, quatinus ipsum benigne recipiatis, affectione præcipua diligatis et honoretis, eique, tanquam proprio pastori et animarum vestrarum episcopo, obedientiam ac reverentiam humiliter exhibeatis. Res vero ecclesiasticas et jura episcopalia, quæ in ecclesiis et personis ecclesiasticis occupastis et contra Deum et animarum vestrarum salutem illicite detinetis, sibi quiete et pacifice dimittatis, et tam in hiis quam in aliis, ipsum, tanquam Christi ministrum, audire, excessus quoque vestros et enormitates, juxta commonitionem ipsius, corrigere studeatis. Verum, quoniam quidam vestrum jus suum eidem episcopo auferre contendunt, auctoritate apostolica prohibemus ut nullus monachus, clericus, sive laicus placita episcopalia, nisi in ipsius vel vicarii sui præsentia, tractare vel diffinire, nec in parrochialibus ecclesiis, absque ipsius assensu, sacerdotes ponere vel amovere præsumat. Qui, statutis temporibus, ad synodum suam universaliter conveniant, præcepta sinodalia, quæ populo sibi commisso annuntient, attente percipiant, atque episcopales redditus, antiquitus canonice constitutos, eidem episcopo cum integritate persolvant. Præterea, scire vos volumus quia, sicut ex scripto prædecessoris nostri, felicis memoriæ, papæ Urbani intelleximus quomodo Baiocensis ecclesia bonorum suorum plurimam tunc temporis partem perdidit, cum Oddo, ipsius civitatis episcopus, a germano suo Guillelmo, Anglorum rege, captus est, quæ tamen bona idem episcopus, sua postmodum industria, recuperavit, scripti sui auctoritate firmavit ut Baiocensis ecclesiæ bona ita semper inconcussa debeant stabilitate servari, sicut illius captionis tempore fuisse noscuntur. Quia igitur nostri officii est ecclesiarum quieti paterna sollicitudine providere, ejusdem prædecessoris nostri vestigiis inhærentes, eandem constitutionem Apostolicæ Sedis auctoritate firmamus, atque donationes, venditiones, seu quaslibet alienationes de bonis vel possessionibus Baiocensis ecclesiæ per episcopos, qui post ipsum Oddonem in eadem ecclesia præfuisse noscuntur, factas, quoniam sicut accepimus dilapidatores bonorum Baiocensis ecclesiæ extiterunt, et tam thesaurum quam possessiones fere ad nichilum redegerunt, evacuamus, et irritas esse censemus. Unde per apostolica vobis scripta mandamus, ut vos, qui ejusdem ecclesiæ possessiones et bona, qualibet concessione eorumdem episcoporum, detinetis, eidem episcopo cum integritate reddatis, sicut per legitimos testes juramento probari fecerit Baiocensem ecclesiam tenuisse, tempore Oddonis episcopi, in dominicatura vel in feudo. Alioquin excommunicationis vel interdicti sententiam, quam juxta jam dicti prædecessoris nostri Urbani institutionem in vos canonice promulgaverit, nos, auctore Domino, ratam habebimus. Data Laterani, septimo decimo kalendas junii.

Pour citer l'acte :

« Acte 948 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_948.html [consulté le 21/11/2024].

Création de la fiche

2006-05-15

Dernière mise à jour

2023-12, EMancel