Scripta n° 1253

Numéro Scripta	1253

Auteur(s)	Bayeux (chapitre cathédral)
Auteur(s)	Jean de Charmont, Bayeux (archidiacre)
Auteur(s)	Nicolas de Gamaches, Bayeux (archidiacre)
Auteur(s)	Jean le Bouchier, Bayeux (archidiacre)
Auteur(s)	Jean de Troyes, Bayeux (archidiacre)

Genre d'acte	charte
Authenticité	non suspect
Datation	1263, 27 septembre
Action juridique	autre
Langue du texte	latin

Analyse

Le chapitre et les archidiacres de Bayeux prient l’évêque nouvellement élu, Odon II de Lorris, de régler le différend qui avait éclaté entre eux, touchant la juridiction épiscopale, après la mort de l’évêque Guy.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° CCCCLXXVII, t. 2, p. 213-215..

Texte établi d’après a

Universis Christi fidelibus, præsentes litteras inspecturis, capitulum Baiocense, Johannes de Karo Monte, Nicholaus de Gamachiis, Johannes dictus Le Bouchier, Johannes dictus de Trecis, in ecclesia Baiocensi archidiaconi, salutem in Domino sempiternam. Notum facimus universis quod, cum inter nos capitulum, ex una parte, et nos archidiaconos, ex altera, contentio verteretur, sede vacante per mortem bonæ memoriæ Guidonis, quondam episcopi Baiocensis, super hoc quod nos capitulum dicebamus potestatem et jurisdictionem episcopalem ad nos in omnibus, sede vacante, devolvi debere et per nos, vel per alios quibus vellemus vices nostras committere, omnia episcopalia jura, in vacatione sedis, exerceri posse, nobis vero prædictis archidiaconis in contrarium dicentibus, et quod ad nos, sede vacante, in archidiaconatibus nostris omnia prædicta jura devolvi debebant, tandem nos capitulum et nos archidiaconi prædicti, paci et quieti ecclesiæ Baiocensis in perpetuum providere volentes, unanimiter consensimus quod reverendus pater Odo, Dei gratia Baiocensis episcopus, super usu, consuetudine, et jure tam nostro quam ecclesiæ Baiocensis, inquisita de plane et absque strepitu veritate, consideratoque statu ecclesiæ prædictæ et nostro, nec non et circonstanciis universis, nulla publicatione inquisitionis facta, Deum habens præ oculis, alte et basse ordinet et disponat in simul, vel per partes, super dictam contentionem quod sibi visum fuerit expedire, atque declaret quod capitulum (sic) et quod nobis archidiaconis vel nostris successoribus, in vacatione sedis, et potestate et jurisdictione episcopali competant, et quæ competere debeant in vacationibus affuturis. Et tam nos capitulum quam nos archidiaconi memorati firmiter promisimus nos inviolabiliter in perpetuum servaturos quicquid a dicto reverendo patre super prædictis fuerit ordinatum et etiam declaratum. Quod ut ratum et firmum in perpetuum habeatur, tam nos capitulum quam nos archidiaconi præsens scriptum sigillorum nostrorum fecimus munimine roborari. Debet autem fieri ordinatio prædicta infra annum a festo Nativitatis Domini venturo proximo computandum. Actum anno Domini millesimo ducentesimo sexagesimo tertio, die Jovis ante festum sancti Michaelis in septembri.

Pour citer l'acte :

« Acte 1253 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1253.html [consulté le 21/11/2024].

Création de la fiche

2006-05-17

Dernière mise à jour

2023-12, EMancel