Scripta n° 2946

Numéro Scripta	2946

Auteur(s)	Cotentin (bailli)
Bénéficiaire(s)	Robert Bertran, chevalier, Roncheville (seigneur)
Bénéficiaire(s)	Philippe, femme de Robert Bertran [autre]

Genre d'acte	charte
Authenticité	non suspect
Datation	1288, 22 janvier
Action juridique	autre
Langue du texte	ancien français

Analyse

Robert Bertran, chevalier, seigneur de Roncheville, et Philippe, sa femme, déclarent que les hommes de la paroisse de Notre-Dame de la Remuée tiennent leur terre de la Remuée moyennant 5 sous 5 deniers l’acre.

Tableau de la tradition

Éditions principales

a. Bréard Charles, Cartulaires de Saint-Ymer en Auge et Bricquebec, publiés avec notices, Rouen-Paris, Lestringant-Picard, 1908, Bricquebec, n° 61, p. 247-248..

Texte établi d’après a

Envers le Baillif de Costentin.
A tous ceus qui ces présentes lettres verront et orront le baillif de Costentin, saluz. Sachiez que pardevant nous présens monseignour Robert Bertran, chevalier, seignour de Roncheville, et ma dame Philippe, sa fame, voudrent et ottrièrent que tous lor hommes de la parroisse Nostre-Dame de la Remuée et lor heirs tiengnent et porsieent toutes lor terres de la Remuée par cinq souz, cinc deniers tournois l’acre, chascun an de rente, por toutes rentes de eus et de lor heirs. Derechief ledevant dit monseignour Robert et ma dame Philippe, sa fame, reconnurent par devant nous qu’ils ont quitté et délessié à tous jours mes as devant dis hommes et à lor heirs réparement de mote, proières de charuez et toutes moutes tant solment et pour ceste quittance et pour ceste déleissance les devant dis hommes ont donné au devant dit monseignour Robert et ma dame Philippe, sa fame, par chascune acre de terre que il tiennent en la paroisse devant dite quatre souz de tournois por tenir bien et en pès toutes les choses devant dites des devant dits mon seignour Robert et ma dame Philippe, sa fame, et de lor heirs ; desquex quatre sous de tournoiz pour chascune acre de terre le devant dit monseignour Robert et ma dame Philippe, sa fame, se tiennent paiez en deniers contés et receus des devant diz hommes. Et quant à toutes ces choses desus dites tenir pesiblement et fermement le devant dit mon seignour Robert et ma dame Philippe, sa fame, ont obligé euz et lor heirs et à greignour confirmation que ce soit ferme et estable à tos jors mes, la devant dite ma dame Philippe, fame deu devant dit mon seignour Robert, a juré pardevant nous que contre les choses devant dites ne vendra des ore mes en avant ne demandera par reson de mariage ne de doayre ne d’autre reson quele quel soit. En tesmoing de laquel chose nous avon mis à ces présentes lettres le seel de la baillie de Costentin avec les seauz audevant dit mon seignour Robert et Philippe, sa fame, sauvez les droitures nostre sire le roy de France et à toz autres. Ce fut fet l’an de grâce mil deux cens quatre vins et vij, le mardi devant la feste saint-Vincent.

Pour citer l'acte :

« Acte 2946 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2946.html [consulté le 18/12/2024].

Création de la fiche

2007-12-18

Dernière mise à jour

2023-12, EMancel