Scripta n° 863

Numéro Scripta	863

Auteur(s)	Guillaume de Tournebu, Bayeux (doyen chapitre cathédral)
Auteur(s)	Bayeux (chapitre cathédral)
Bénéficiaire(s)	Bayeux (chapitre cathédral)

Genre d'acte	charte
Authenticité	non suspect
Datation	[1151-1163]
Lieu d'émission	Bayeux
Action juridique	autre
Langue du texte	latin

Analyse

Guillaume de Tournebu, doyen de Bayeux, obtient de l’évêque Philippe de Harcourt réparation d’une injustice faite au chapitre à l’occasion d’un fief, situé près d’Isigny, donné au chapitre par Alexandre, fils de Téold, et partiellement occupé par Simon de Tournebu.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° LXXI, t. 1, p. 89-90..

Dissertation critique

Datation

Guillaume de Tournebu apparaît comme doyen de Bayeux, vers 1153 et la dernière apparition de son predecesseur Richard de Bohon comme doyen est en novembre 1151 ; episcopat de Philippe de Harcourt, 1142-1163.

Texte établi d’après a

Guillelmus, Baiocensis ecclesiæ decanus, et totus ejusdem ecclesiæ conventus, præsentibus et futuris salutem in Christo. Ne cuiquam per nostri negligentiam aliquid accidat incommoditatis, iccirco quod in nostri præsentia factum est, scripto memoriæque mandare et nostri sigilli subpositione roborare curavimus. Notum sit igitur omnibus quod Alexander, filius Teoldi, quando maritavit Emmam, filiam suam, Gervasio Forrel, dedit ei de feodo suo, quod jure hæreditario apud Isingnie tenebat de Ricardo, Baiocensi episcopo, filio Sansonis, totum illud tenementum quod Milo Salvagius et neptis sua de ipso Alexandro apud Isingnie tenebant. Dedit, inquam, eo quidem tenore ut de prædicta Emma et de ejus marito feodum illud Milo Salvagius et neptis sua deinceps tenerent, et annuos redditus quoscumque Alexandro reddebant eisdem persolverent, et eis tanquam dominis suis servirent. Tempore autem Ricardi episcopi, filii comitis Gloecestriæ, contigit quod prædictus Alexander dedit integre canonicis Sanctæ Mariæ Baiocensis ecclesiæ totum feodum suum, quod habebat apud Isingnie, in communionem, scilicet et totum suum dominicum, et quicquid ab eo tenebatur ibi, et nominatim feodum Milonis Salvagii et neptis suæ, ut scilicet Emma et maritus ejus in feodo tenerent ab eisdem canonicis feodum Milonis Salvagii et neptis suæ, concessione episcopi, filii comitis, præter servitia militum, scilicet Hugonis de Isingnie, et militum de Rupalai, quæ retinuit episcopus in manu sua. Tempore autem Philippi episcopi, contigit quod Symon de Tornebu, nepos suus, qui tunc temporis erat dapifer episcopi apud Nuilleium, cepit catalla Milonis Salvagii in nostro quod prædictum est feodo. Nos autem, de hujusmodi injuria a Milone et ab Emma, domina ejus, clamorem ad nos tanquam ad dominos suos deferentibus querimoniam suscipientes, ad Philippum episcopum susceptam detulimus. Ipse autem misit prædictum Simonem in capitulum nostrum, ut nobis super hujusmodi injuria satisfaceret. Ille autem, ad libitum nostrum, et homini nostro, quæcumque abstulerat restituit, et nobis condigne de illata injuria satisfecit.

Pour citer l'acte :

« Acte 863 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_863.html [consulté le 09/05/2024].

Création de la fiche

2006-05-15

Dernière mise à jour

2023-12, EMancel