Scripta n° 373

Numéro Scripta	373

Auteur(s)	Guy, Le Mans (évêque)

Genre d'acte	autre
Authenticité	non suspect
Datation	1129, 8 novembre
Action juridique	autre
Langue du texte	latin

Analyse

Procès-verbal de non-comparution des religieux de Jumièges à un plaid auquel ils avaient été convoqués en même temps que les religieux de Saint-Vincent du Mans par Guy, évêque du Mans, et dans lequel il devait être statué sur les réclamations par eux formulées contre l’abbaye de Saint-Vincent relativement aux églises de « Curtgazenum (Courgains ?) » et de « Sagona (Saosnes ?) ».

Tableau de la tradition

Éditions principales

a. Vernier Jules-Joseph, Chartes de l’abbaye de Jumièges (v. 825-1204), Rouen-Paris, Lestringant-Picard (Société de l’histoire de Normandie), 1916, 2 vol., n° LVIII, t. 1, p. 151-154..

Texte établi d’après a

Memoriæ posterorum commendandum decrivimus quod monachi Gemeticensis ecclesiæ calumniabuntur monachis sancti Vincentii ecclesiam de Curtgazeni et ecclesiam de Sagona. Unde factum est, illis facientibus clamorem ad episcopum, ut ipse domnus Wido, episcopus Cenomannensis, et Gemeticensibus monachis et monachis sancti Vincentii diem ad placitandum constitueret, designaret et locum et horam. Diem, ut, aliis relictis quibusque negotiis, utrique ad placitandum in die determinata paratiores haberentur. Locum, ut quo convenire deberent, non ignorarent ; parum enim profuisset diem placiti denominasse, nisi designaretur et locus. Horam, ne in aliquo aliqua dubietas permaneret. Dies igitur fuit in qua placitare utrique monachi debuerunt, octava omnium sanctorum ; locus, curia episcopi in urbe Cenomannica. Appropinquante itaque termino placiti, monachi Gemeticensis ecclesiæ cum abbate suo nomine... ad urbem Cenomanicam pridie quam placitum fieri deberet convenerunt. Noctevero eadem, circa mediam partem noctis, ipsi monachi Gemeticenses cum suo abbate recedentes, non expectaverunt placitum, quod de prædictis calumniis cum monachis sancti Vincentii facere debebant. Quid vero causæ extiterit ut taliter recederent, nos nescimus. Hoc vero solum scimus quia monachi sancti Vincentii in die prænominata, in octavis omnium sanctorum, et loco, in curia domni Widonis episcopi, et hora competenti præsentes fuerunt, respondere parati prædictis monachis de supramemoratis calumniis. Sed, sicut superius diximus, quia ipsi monachi Gemeticenses recesserant, nullus inventus est qui cum monachis sancti Vincentii de prædictis calumniis placitaret. Hoc viderunt et audierunt isti, domnus Wido episcopus, domnus Daniel abbas Ebronensis, domnus Johannes sancti Nicolai Andegavis, domnus Wilhelmus de Boeria, abbas sancti Vincentii. Viderunt etiam et hoc Paganus decanus, Hugo de Lavardino, Gradulphus, Wilhelmus, Burellus, archidiaconi, Willelmus Muschet archipresbiter, Ansgerius cantor sancti Juliani, Paganus Aldricus canonicus ejusdem ecclesiæ, Robertus Calamus cantor sancti Petri de Curia, Paganus de Chalis, Wilhelmus de Ambreriis, Paganus filius Ildeberti, et Vicherius, clerici. Cum domno Wilhelmo de Boeria, abbate sancti Vincentii, qui totam hujus calomniæ sustinuit oppressionem, fuerunt isti de suis monachis, Rodulfus prior, Albertus, Ambrosius, Willelmus Rufus. Affuerunt etiam et alii tam clerici quam milites, quorum nomina longum duximus enarrare. Hoc factum est. VI. idus novembris, Widone Cenomannorum episcopo, Ulgerio Andegavorum episcopo, Gaufrido comite Turonorum, Andegavorum et Cenomannorum, patre suo Fulcone rege Jerosolymorum. Anno ab incarnatione Domini .M. C. XXIX.

Pour citer l'acte :

« Acte 373 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_373.html [consulté le 09/05/2024].

Création de la fiche

2006-05-11

Dernière mise à jour

2023-12, EMancel