Scripta n° 3888

Numéro Scripta	3888

Auteur(s)	Gringoire et Robert du Bois-Genselin, chevaliers [autre]
Bénéficiaire(s)	Philippe III le Hardi, France (roi)

Genre d'acte	charte
Authenticité	non suspect
Datation	1281, 4 mai
Action juridique	autre
Langue du texte	ancien français

Analyse

Gringoire et Robert du Bois-Genselin, chevaliers, donnent à bail au roi de France une rente annuelle de 7 livres et 10 sous à percevoir de la paroisse d’Ecquetot.

Tableau de la tradition

Éditions principales

a. Delisle Léopold, Cartulaire normand de Philippe-Auguste, Louis VIII, Saint-Louis et Philippe le Hardi, Caen, Hardel (MSAN ; 16, 2e série, 6, p. 160-390), 1852, n° 957, p. 242-243..

Texte établi d’après a

Sachent tous ceus qui sont et qui à venir sont, que nos Gringoire et Robert du Bos Genselin, chevaliers, frères, avon baillié et otroié à nostre seigneur le roi de France et à ses oiers sept livres et dis sos de rente à paier chascun an la moitié à Pasques et l’autre moitié à la saint Michel ensuiant, assis en la paroisse de Esquetot, ce est à savoier : sus le tenement Guillebert Bourdon, trente sos et dis deniers ; sus le tenement Ricart Le Prestre, vint chinc sos sis deniers ; sus le tenement Guillebert Le Court, sept sos chinc deniers ; sus le tenement Guillebert Godel, quatre sos neuf deniers ; sus le tenement Guillaume des Cans, dis sos ; sus le tenement Pierres Godel, quarante sis sos troies deniers ; de rechief sus le tenement Ricart Le Prestre, vint chinc sos sis deniers ; et avon atourné les devant dis hommes à rendre la devant dite rente à nostre seigneur le roi et à ses oiers, à tenir et à avoier la devant dite escange au devant dit nostre seigneur le roi et à ses oiers, sans nulle reclamance, dès ore en avant, de nos et de nos oiers, et pour icestui escange il a quitié et delessié à tous jours, par nostre otroi et par nostre requeste, a Guillaume Canterel, bourgois du Pont Audemer, sept livres et diz sos de rente, que le devant dit Guillaume rendoit par an au devant dit nostre seigneur le roi, par la raison de l’iaue du Pontiaudemer, la quele le devant dit Guillaume tient à ferme perpetuel par douse livres de tournois de anuel rente, et nos devant dis Gringoire et Robert, chevaliers, et nos hoiers sommes tenus au devant dit nostre seigneur le roi et à ses oiers la devant dite escange, que nos li avons bailliée, guarantir et escangier, value à value, en nostre propre heritage, se mestier en estoit. En tesmoig de laquele chose, nos avon mis à ceste letre nos seaus, laquele fu fete en l’an M IIc IIIIxx et I, le diemenche après la sainte Crois u mois de may.

Pour citer l'acte :

« Acte 3888 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_3888.html [consulté le 22/12/2024].

Création de la fiche

2008-08-19

Dernière mise à jour

2023-12, EMancel