Scripta n° 2712

Numéro Scripta	2712

Auteur(s)	Gervais Borri [particulier]
Auteur(s)	Jeanne, femme de Gervais Borri [particulier]
Bénéficiaire(s)	Saint-Martin-du-Vieux-Bellême, Saint-Martin, dépendance Saint-Martin de Marmoutier (prieuré)

Genre d'acte	charte
Authenticité	non suspect
Datation	1291, 4 juin
Action juridique	donation
Langue du texte	latin

Analyse

Donation au prieuré de Saint-Martin-du-Vieux-Bellême, par Gervais Borri et Jeanne, sa femme, de cinq sols de rente annuelle et de cent sols sur leurs biens meubles, après leur décès.

Tableau de la tradition

Éditions principales

a. Barret Philibert (Abbé), Cartulaire de Marmoutier pour le Perche, Mortagne-au-Perche, Meaux (Documents sur la province du Perche ; 3e série, 2), 1894, n° 226, p. 214-216..

Texte établi d’après a

Universis presentes litteras inspecturis et audituris Gervasius dictus Borri et Johanna uxor sua salutem in Domino sempiternam.
Nos attendentes quod nos ante tribunal Domini Nostri Jehsu Christi venturi simus recepturi, prout in proprio corpore gessimus, sive bonum sive malum, considerantesque qui parce seminat parce et metet et qui seminat in benedictionibus et de benedictionibus metet vitam eternam, de disciplinis et orationibus religiosorum virorum prioris et monachorum prioratus Sancti Martini de Veteri Bellismo quamplurimum confidentes, pietatis intuitu et pro remedio animarum nostrarum, de communi assensu nostro, contulimus et concessimus priori et monachis supradictis et suis successoribus, in puram liberam et perpetuam elemosinam, quinque solidos monete cursalis annui et perpetui redditus liberos et immunes, in festo beati Leonardi annuatim persolvendos, sitos et assignatos super quamdam hereditatem totam et integram cum pertinenciis suis. Quam hereditatem retroactis temporibus emptionis titulo acquisivimus a Matheo dicto Charuel et Johanna ejus uxore, prout in litteris quas habemus a dictis venditoribus ex dicta venditione confectis plenius continetur ; sitaque est dicta hereditas in parochia de Ygeio, in feodo heredum de Lonneyo, habendumque tenendum dictum redditum ac eciam jure hereditario in perpetuum possidendum et percipiendum dictis priori et monachis prioratus predicti, apud dictum prioratum suum, a nobis et nostris heredibus sive successoribus quibuscumque dictam hereditatem tenentibus et possidentibus, in loco et termino suprascriptis ; quem redditum nos et heredes nostri vel successores quicumque dictam assisiam tenentes et possidentes tenemur ipsis religiosis guarantire et defendere contra omnes ab omnibus in futurum.
Preterea rationibus et eterne retributionis fiducia, quibus supra, volumus, concedimus, precipimus quod predicti prior et monachi habeant et percipiant, post mortem nostram sive decessum nostrum, aut alterius cujuslibet nostrum, de portione bonorum mobilium cujuslibet nostrum, centum solidos monete cursalis, si ad hoc bona nostra mobilia seu pars alterius nostrum primitus decedentis sufficiant seu sufficiat, sine alicujus contradicto. Et si non sufficiant dicta bona quantum ad utrumque nostrum, sive pars bonorum alterum contingens, quicumque decesserimus, ad predicta, volumus nichilominus et precipimus quod dicti centum solidi pro quolibet nostrum habeantur et percipiantur de vinginti solidis annui et perpetui redditus, quem redditum dudum comparavimus a Michaele dicto Lemercier et Heloisa ejus uxore, prout in litteris ex dicta venditione confectis et sigillis dictorum Michaelis et sue uxoris sigillatis plenius continetur, quas reservamus penes nos donec de dicta donatione seu legato sit sepedictis religiosis integre satisfactum ; et insuper ad confirmationem majorem donationis presentis, tactis sacrosanctis evangeliis juravimus quod aliquo motu erroneo contra presentem donationem per nos [non] veniemus neque per alium in futurum. In cujus rei testimonium, nos dicti Gervasius et Johanna dedimus prefatis priori et monachis istas presentes litteras sigillis nostris propriis sigillatas, per quas obligamus nos et heredes nostros et successores quoscumque, ad omnia supradicta tenenda firmiter et fideliter imperpetuum observanda.
Datum anno Domini Mº CCº nonagesimo primo, lie lune post Ascensionem Domini.

Pour citer l'acte :

« Acte 2712 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2712.html [consulté le 09/05/2024].

Création de la fiche

2007-06-13

Dernière mise à jour

2023-12, EMancel