Scripta n° 2478

Numéro Scripta	2478

Auteur(s)	Richard Erquembouc, de Flottemanville [particulier]
Bénéficiaire(s)	Coutances (hôtel-Dieu)

Genre d'acte	charte
Authenticité	non suspect
Datation	1261, mai
Action juridique	vente
Langue du texte	latin

Analyse

Richard Erquembout vend à l’Hôtel-Dieu de Coutances pour huit sous tournois une rente de deux quartiers de froment à Flottemanville.

Tableau de la tradition

Éditions principales

a. Le Cacheux Paul, Essai historique sur l’Hôtel-Dieu de Coutances, l’hôpital-général et les Augustines hospitalières depuis l’origine jusqu’à la Révolution avec cartulaire général, Paris, Picard, 1895-1899, 2 vol., t. 2, n° LXXVIII, p. 64-65..

Texte établi d’après a

Sciant omnes presentes et futuri quod ego Ricardus Erquembout, de Flottemanvilla, vendidi et concessi finaliter priori et fratribus domus Dei et beati Anthonii Constanciensis, duo quarteria frumenti ad mensuram de Flottemanvilla, annui redditus ad festum Sancti Michaelis, quem redditum eis assignavi in hominibus meis de Flottemanvilla inferius nominatis ; videlicet in Jordano Durandi et in tribus acris terre vel eocirca, sitis inter terram Ricardi Syrot et terram Michaelis Panier, a lateribus et inter cheminum et Grasmesnillum et vicum juxta Crutam presbiteri et butis, unum quarterium frumenti in Alano Pepin, et in dimidia acra terre sita inter terram Odonis Erquembout et terram ejusdem Alani a lateribus et inter viam juxta portam de Londa et vicum As Pepins de butis, duos bussellos frumenti et in Ricardo Ruffo et in dimidia acra terre sita inter terram Roberti clerici et terram Guillelmi Lombart a lateribus et inter magnum cheminum et Les Tangues domini de Bunum in perpetuum de cetero annuatim ad festum predictum predictis priori et fratribus et eorum successoribus, libere, pacifice et omnino quiete, per manum predictorum hominum et heredum suorum in dictis terris, quos homines et quas terras ad [hoc] attornavi et obligavi specialiter dictis priori et fratribus et eorum successoribus, et ad faciendam suam plenariam justiciam pro predicto redditu, [nisi forte] ad predictum terminum eis libere redderetur, sine reclamatione et contradictione de cetero mei et heredum meorum. Pro hac autem venditione et concessione taliter a me facta, dederunt michi predicti prior et fratres octo libras turonensium et persolverunt. Et ego et heredes mei tenemur eis et successoribus suis hec predicta omnia garantizare et deliberare contra omnes et penitus acquitare vel alibi in propria hereditate nostra ad valorem excambiare, si forte garantizare non possemus. Et hec omnia juravi supra sacrosancta evangelia me fideliter servaturum et quod de cetero contra non veniam ullo modo. Et ut hoc totum firmum sit in perpetuum et stabile, presentem cartam sigilli mei munimine roboravi. Actum est hoc anno gratie Mº CCº Lmo Xº primo, mense Maii.

Pour citer l'acte :

« Acte 2478 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2478.html [consulté le 21/11/2024].

Création de la fiche

2007-06-05

Dernière mise à jour

2023-12, EMancel