Scripta n° 3158

Numéro Scripta	3158
Autre(s) référence(s)	ARTEM 1998

Auteur(s)	Guillaume Ier, Ponthieu (comte)
Bénéficiaire(s)	Tours, Saint-Martin de Marmoutier (abbaye)

Genre d'acte	charte
Authenticité	non suspect
Datation	[1112, novembre-1113, avril]
Action juridique	confirmation
Langue du texte	latin

Analyse

Confirmation par le comte Guillaume à l’abbaye de Marmoutier des églises de Saint-Léonard de Bellême et de Saint-Martin du Vieux-Bellême, de diverses autres églises, et de tout ce que les moines de ladite abbaye tiennent ou pourront acquérir dans son fief.

Tableau de la tradition

Éditions principales

a. Barret Philibert (Abbé), Cartulaire de Marmoutier pour le Perche, Mortagne-au-Perche, Meaux (Documents sur la province du Perche ; 3e série, 2), 1894, n° 20, p. 32-33..

b. Brunel Clovis Félix, Recueil des actes des comtes de Ponthieu (1026-1279), Paris, Imprimerie Nationale (Collection de documents inédits sur l’histoire de France), 1930, n° XVIII, p. 32-33..

Dissertation critique

Datation

Datation proposée par C.F. Brunel.

Texte établi d’après b

In nomine sancte et individue Trinitatis. Amen. Nos quicumque Christiani sumus debemus omnes bonos actus nostros inchoare, mediare et consummare, utpote qui non solum de actibus, sed et de locutionibus, immo et de cogitationibus sumus rationem reddituri, et pro bonis bonum, pro malis vero penas justa meritum recepturi. Quapropter ego Willelmus, comes Pontivi, cogitans penam malorum et premium bene agentium, elemosinas feodi mei, quas qui me tempore precesserunt religiosis locis contulerunt, studui conservare et confirmare, ut eas conservando et confirmando possim premiorum participationem promereri. Igitur ecclesiam Sancti Leonardi Belismensis cum omnibus ad eam pertinentibus, tam ecclesiis quam altaribus et decimis, tam villis quam servis et liberis, tam terris quam pratis et vineis, cultis et incultis, boscho et plano, ecclesiam ergo illam soli Romane ecclesie subditam, et ab ea Majori Monasterio beati Martini confirmatam, sicut carta inde facta et privilegia a Romana sede monachis indulta plenissime testantur, ecclesiam quoque Sancti Martini Veteris Belismi, in cujus parrochia illa Sancti Leonardi sita est, cum omnibus rebus supra nominatis et cum omnibus que de feodo meo tenent monachi prefati monasterii, seu omnia que adquisituri sunt, concedo et confirmo eis in pace et quiete in perpetuum possidenda. Et ut plenior inde noticia habeatur, ecclesias quas concedimus nominatim exprimendas decernimus : ecclesiam Sancti Salvatoris Belismensis, ecclesiam Sancti Petri extra Murum, ecclesiam Beate Marie de Curthiot, ecclesiam Sancti Johannis de Foresta, ecclesiam Sancti Jovini de Donciaco, ecclesiam Sancti Albini de Buxcello, ecclesiam Sancti Martini de Curtleonart, ecclesiam Sancti Quintini, ecclesiam Sancti Audoeni de Lacurte, ecclesiam Sancti Audoeni de Pinu, ecclesiam Beate Marie de Berleviler, ecclesiam Sancti Mauricii de Evreciaco, ecclesiam Sancti Petri de Oreniaco, et in pago Sagonense, in silva que vocatur Persognia, ecclesiam de Rohelers et ecclesiam Beate Marie de Lodosis. Rogerius vero comes, quando Deus illum attulit ad nostros fines, et sua uxor Mabilia et filius ejus R., sicuti naturales seniores dederunt ecclesie supranominate Beati Leonardi particulam silve Burse, que a vicinis nuncupabatur Haia Alneti, modo vero jussu illorum vocitatur Haia Sancti Leonardi. Episcopus de Lysoiis vidit hoc, et Balduinus archidiaconus, et plures alii.

Pour citer l'acte :

« Acte 3158 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_3158.html [consulté le 09/05/2024].

Création de la fiche

2008-02-12

Dernière mise à jour

2023-12, EMancel