Scripta n° 3652

Numéro Scripta	3652

Auteur(s)	Louis IX, France (roi)
Bénéficiaire(s)	Rouen, Saint-Mathieu (prieuré)

Genre d'acte	charte
Authenticité	non suspect
Datation	1264, juin
Lieu d'émission	Paris
Action juridique	autre
Langue du texte	latin

Analyse

Louis [IX] roi de France, installe les religieuses de l’Ordre dominicain au manoir se Saint-Mathieu sis près de Rouen qu’il a eu en échange avec E[udes], archevêque de Rouen.

Tableau de la tradition

Éditions principales

a. Delisle Léopold, Cartulaire normand de Philippe-Auguste, Louis VIII, Saint-Louis et Philippe le Hardi, Caen, Hardel (MSAN ; 16, 2e série, 6, p. 160-390), 1852, n° 700, p. 151-152..

Texte établi d’après a

In nomine sancte, etc. Ludovicus, etc. Notum facimus, etc. quod cum nuper, ex causa permutacionis inter nos et dilectum ac fidelem nostrum O. Rothomagensem archiepiscopum habite, de consensu capituli Rothomagensis, acquisierimus manerium dictum de Sancto Matheo, situm juxta Rothomagum, ultra pontem, cum prato, gardino et omnibus pertinenciis suis, sicut idem archiepiscopus ea ante tenebat et possidebat, in quo quidem loco prius Fratres Predicatores habitare solebant, nos desiderantes ut in eodem loco Domino perpetuo serviretur, ad honorem ipsius Domini nostri bonorum omnium largitoris, congregacionem quandam religiosarum mulierum ibidem collocari fecimus, que habltum et ordinem Sancti Dominici susceperunt, et, eidem ordini incorporate, cure et custodie Fratrum Predicatorum auctoritate apostolica sunt commisse ; quibus, priorisse videlicet et sororibus, divini amoris intuitu, et ob remedium anime nostre et animarum inclite recordationis Ludovici Regis genitoris nostri et regine Blanche genitricis nostre ac alliorum antecessorum nostro[rum], donamus et concedimus in puram et perpetuam elemosinam locum ipsum dictum de Sancto Matheo, cum edificiis tam veteribus quam novis a nobis postea constructis, necnon prato, gardino et pertinentiis omnibus, ab eis im perpetuum quiete et pacifice possidendum, et insuper quadringinta libras turonensium annui redditus percipiendas im perpetuum in vicecomitatu nostro aque Rothomagi, medietatem videlicet in quindena resurrectionis dominice et aliam medietatem in quindena Sancti Michaelis, et, propter hoc, capellam nostram de Glapion cum redditibus pertinentibus ad eandem quam antea de consensu dyocesani concesseramus eisdem. Donamus eciam et concedimus in foresta nostra Roverii juxta Rothomagum perpetuum usagium, liberum et quittum, videlicet de bosco mortuo ad ardendum in domo sua predicta, et in eadem foresta similiter usagium viri bosci ad edificandum, cum opus fuerit, in eadem domo, percipiendum per liberacionem forestarii nostri, qui pro tempore fuerit, sine difficultate quacunque, concedentes eciam eisdem ut in eadem foresta sexaginta porcos im perpetuum habeant ad pessonam libere et quiete. Preterea concedimus eisdem ut de rebus suis in usus proprios convertendis plenam libertatem habeant in propriis pedagiis nostris, ita quod de ipsis tam per terram quam per aquam vehendis vel trahendis nullum teneantur [solvere] pedagium, tholoneum vel exaccionem quamlibet vel coustumam. Si qua autem alia prius concesseramus eisdem, ea nobis et nostris heredibus retinemus. Quod ut perpetue stabilitatis robur obtineat, presentem paginam sigilli nostri auctoritate et regii nominis karactere inferius annotato fecimus communiri. Actum Parisius, anno Domini Mº CCº LXimo. quarto, mense junio.

Pour citer l'acte :

« Acte 3652 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_3652.html [consulté le 09/05/2024].

Création de la fiche

2008-07-24

Dernière mise à jour

2023-12, EMancel