Scripta n° 3836

Numéro Scripta	3836

Auteur(s)	Philippe III le Hardi, France (roi)
Bénéficiaire(s)	Juaye-Mondaye, Saint-Martin de Mondaye (abbaye)

Genre d'acte	charte
Authenticité	non suspect
Datation	1277, septembre
Lieu d'émission	Paris
Action juridique	autre
Langue du texte	latin

Analyse

Philippe [III], roi de France, accorde à l’abbé et aux religieux de Saint-Martin de Mondaye de posséder leurs acquêts qu’ils ont faits depuis 30 ans dans le baillage de Caen. 

Tableau de la tradition

Éditions principales

a. Delisle Léopold, Cartulaire normand de Philippe-Auguste, Louis VIII, Saint-Louis et Philippe le Hardi, Caen, Hardel (MSAN ; 16, 2e série, 6, p. 160-390), 1852, n° 902, p. 215-217..

Texte établi d’après a

Philippus, Dei gratia, Francorum rex. Notum facimus universis, tam presentibus quam futuris, quod, cum abbas et conventus Sancti Martini de Monte Dei, ordinis Premonstratensis, Lexoviensis diocesis, finaverint secundum tenorem ordinacionis nostre, cum baillivo nostro Cadomensi, super retinendis perpetuo sibi quibusdam acquisitis per ipsos in feodis et retrofeodis nostris a triginta annis citra, in ballivia Cadomensi, que sunt hec : videlicet, in villa de Jueto, de vendicione Johannis de Nonnanto, militis, viginti duo solidi turonenses, quos percipiebat annuatim in quadam vavassoria que vocatur feodus de Nonnanto ; item, in eadem villa, de vendicione Gaufridi de Bruiecort, militis, quedam vavassoria que vocatur feodus de Bruiecort, in qua percipiebat singulis annis pro omnibus per manum dictorum abbatis et conventus duodecim libras turonenses ; item, in eadem villa, de dono Ranulfi Caillou, duodecim libre turonenses, in predicta vavassoria ; item de vendicione Guillelmi Tuaut, decem et octo quarteria frumenti ; item, in villa de Cooperto, de vendicione Dionisii de Cooperto, viginti boisselli frumenti, duo panes, due galline ; item, de vendicione Radulphi Helie, Thome Bisart et Guillelmi Louvel, duo sextaria ordei ; item, de dono Gaufridi de Gueron, tria sextaria ordei, duo panes, duo capones ; item, de dono ejusdem, tria sextaria frumenti, una gallina ; item, de dono ejusdem, quinque quarteria frumenti ; de dono Petri de Condeto, militis, sex quarteria ordei ; item, in villa de Ciconio, de vendicione Ricardi de Viana, quinque quarteria frumenti, duo panes, due galline, viginti ova, duo panes ; item, de dono Petri de Condeto, militis, et plurimorum aliorum hominum, quatuor sextaria frumenti, duo panes, duo cappones ; item, in villa de Condeto, de vendicione Clementis de Doito, tria quarteria frumenti ; item, de dono Guillelmi de Bureto, militis, Richardi de Condeto, magistri Nicholai de Condeto, et Richardi de Parfondo rivo, clerici, duodecim sextaria frumenti et tria quarteria ; item in villa de Doito Norjoth, de venditione Michaelis filii Henrici Osber, octo boisselli frumenti ; item, in villa de Basenvilla, de vendicione Luce de Vallibus, decem quarteria frumenti ; item, in villa de Vallibus supra mare, de vendicione Guillelmi Ansere, quatuor sextaria frumenti ; item, in villa de Ingronia, de vendicione Roberti de Caveleu, militis, quedam vavassoria cum pertinenciis, in qua percipiebat singulis annis pro omnibus triginta duos denarios turonenses ; item, de vendicione Richardi Hebert, unum sextarium frumenti ; item, in villa de Mivana, de vendicione Guillelmi de Aguillon, duo cappones, una gallina, triginta ova ; item, in villa de Sancta Cruce supra mare, de vendicione Johanne filie Sellonis, una mina frumenti ; item, de venditione Sansonis Flori, unum sextarium frumenti ; item, in villa de Ver, de vendicione Roberti Odonis, duo solidi turonenses, una gallina, decem ova ; item in villa de Linguebra, de vendicione Gaufridi de Baslie, tres mine ordei ; item, de dono Philippi Hardoin, unum sextarium ordei ; item, de dono Borgesie, unum sextarium ordei, unus panis, una gallina ; item, unum quarterium ordei ; de dono Radulphi de Cordellon, presbiteri, tria sextaria ordei, tria quarteria frumenti, unus panis, una gallina, decem ova ; item, de dono Richardi de Profundo rivo, una gallina ; item de dono Petri de Condeto, militis, unum sextarium frumenti, duodecim denarii turonenses, novem quarteria avene, due galline, de feodo domini de Linguebra ; item, de vendicione Guillelmi Maltaillie, tres mine ordei ; item, de vendicione Radulphi Cauvin, unum sextarium frumenti, item, de vendicione Johannis Simonis et Guillelmi Tupin, quinque quarteria frumenti, unus panis, una gallina, decem [ova] ; item, de vendicione Simonis Lescoiz, unum sextarium ordei, unus panis, una gallina ; item, in villa de Berneriis, de vendicione Nicholai, Petri de Monte acuto, et Philippi de Mota, tria sextaria avene, de feodo de Haia ; item, unum quarterium avene ; de vendicione Henrici Trosse, unum sextarium ordei ; item, de vendicione Fromondi de Aguillon, una mina ordei ; item, de vendicione Ranulphi Lecoc, una mina ordei ; item, [de] vendicione Fromondi de Aguillon, unus panis, una gallina ; item, de vendicione Johanne filie Dionisii de Cooperto, una mina ordei ; item in villa de Quesneto Gernon, de dono Ricardi de Profondo rivo, quatuor solidi turonenses ; item, tres denarii turonenses pro quibusdam cirothecis, una mina ordei, duo panes, due galline ; item, in villa de Trungeyo, de dono Henrici Faribault, unum quarterium ordei, duo panes, due galline ; item, de dono Ricardi de Villaribus, unum quarterium avene ; item, in villa Noron, de vendicione Johannis de Noron et aliorum plurimorum, sex sextaria ordei, unum sextarium avene, octo panes, due galline, quadraginta ova ; item, in villa de Aguillon, de dono Radulphi de Valle ; unum sextarium avene ; item, in villa de Livreio, de dono Ranulphi de Livreio, militis, sex quarteria avene, et duo boisselli, duo panes, due galline ; item, in villa de Vacaria, de dono Guillelmi Forestarii, duo solidi turonenses, unus panis, una gallina, decem ova, unus panis ; item, in villa de Loun, de dono Gaufridi de Geron, clerici, decem et septem boisselli frumenti, quatuor denarii ; item, in villa de Rebercil, de dono Hamonis Poulart, unum sextarium ordei, unus panis, una gallina, item, in villa de la Meaufe, de dono Roberti de Jueto, unum quarterium frumenti, duo panes, due galline ; item, in villa de Coutun, de dono Gilleberti de Cadomo, unum sextarium frumenti ; item in villa de Mesnillo Gonfrai, de dono Johannis Mauquerel, presbiteri, tres solidi turonenses, unus panis, una gallina ; item, in villa Sancti Johannis des Besans, de dono Georgii de Rampem, duo solidi turonenses ; item, in villa de Tesseio, de dono Bauce de Tor, tria quarteria frumenti, tria sextaria ordei, tria quarteria avene, una dieta karuce, duodecim galline, novem panes, sexcies viginti ova ; item, in villa de Geron, de dono Gaufridi de Geron, clerici, et Odonis de Villa Terrici, duo sextaria frumenti, duo cappones, due galline ; item, in villa de Argenceio, de dono Henrici et Roberti Monachi, fratrum, tres mine ordei ; item, in villa Sancti Vigoris juxta Baiocen. (sic), de dono domine de Blasreio, novem quarteria frumenti, unus panis, una gallina ; item, in villa de Ponte Alne, de dono Roberti de Calvomonte, unum sextarium frumenti ; item, in villa Sancti Martini Veteris, de dono Henrici Gonnond, quatuor raserie avene ; item, in villa de Vasseio, de dono Philipi de Vallibus, undecim quarteria frumenti ; item, in villa de Vallibus supra mare, de dono Guillelmi Ansere, septem quarteria frumenti et unus boissellus et dimidius, sex cappones, tres galline, tres panes, quater vinginti ova, de feodo domini de Crepon ; item, in villa de Myvana, de dono Philipi le Daneiz, decem buisselli frumenti ; item, in villa de Banvilla, de dono Gaufridi de Camera, unus sextarius frumenti ; item, in villa de Quarqueneio, de dono Guillelmi Le Vavassor, tria quarteria frumenti, una gallina ; item, de dono Nicholai de Mota, tria quarteria ordei ; item, in villa de Fontibus, de dono Matildis relicte Richardi de Monte acuto, quinque quarteria ordei, unus denarius ; item, in villa de Andreio, de dono Guioti de Andreio, quinque quarteria ordei ; item, de dono Johannis Croillier, unum quarterium frumenti, unus cappo ; in villa Sancte Cruxis supra mare de dono Guillelmi Ansere et aliorum plurimorum, de feodo Ricardi de Vallibus et Johannis de Bosco, sex sextaria frumenti, quatuor galline, tres panes, tres capones, sexaginta ova, sex denarii turonenses ; item, in villa de Grisitot, de dono magistri Guillelmi de Broie decem buisselli frumenti ; item, de dono Radulfi Tustini unum quarterium frumenti ; item, in villa de Duxeio, de dono Guillelmi de Locellis, militis, quinque quarteria et dimidium frumenti, unus cappo ; item, in villa de Riquevilla, de dono Roberti de Hotot, militis, tria sextaria frumenti, unus panis, una gallina ; item, in villa de Locellis, de dono Basilie exoris (sic) Radulphi de Valle, tria quarteria frumenti ; item, in villa de Breceio, de dono Mathei Britonis, tria quarteria frumenti ; item, in villa Sancte Crucis de Grentonne, de dono Johannis de Sancta Cruce, decem et octo quarteria frumenti, unus cappo, unus denarius turonensis ; item, in villa de Berneriis, de dono Fromondi de Aguillon, una mina ordei ; item, de dono Gaufridi de Bauca, tria quarteria ordei ; item, de dono Radulfi Escarbot, duo boisselli frumenti, unus panis, una gallina ; item in villa de Elone, de dono plurimorum, quinque sextaria frumenti, de feodo Radulfi Tesson, militis ; item, in eadem villa, de vendicione in eodem feodo, quinque sextaria frumenti ; item, in regardis, quatuordecim solidi et novem denarii turonenses ; item, in eadem villa, de vendicione Gaufridi de Doito, tres mine frumenti, unum quarterium, una gallina, de feodo episcopi Lexoviensis ; item, de vendicione Guillelmi Pelichon, una mina frumenti ; item, de venditione Gaufridi Valeran, una mina frumenti ; item, de vendicione Radulfi de Aneriis, tria quarteria frumenti ; item, de vendicione Emine de Aneriis, tres mine frumenti, una mina ordei, tria sextaria frumenti ; item, de vendicione Radulphi de Aneriis, decem boisselli frumenti ; item, de venditione Gaufridi Gocouaume, undecim quarteria frumenti ; item, de vendicione Ranulphi de Aneriis, decem quarteria frumenti ; item, st (sic) unum sextarium frumenti ; de vendicione Emme Hardree, una mina ordei ; item, de vendicione Johannis Gileberti, septem boisselli frumenti ; item, in villa de Nonnanto, de vendicione Guillelmi Piquechon, duo sextaria frumenti, de feodo episcopi Lexoviensis ; item, de dono Guillelmi Piquechon, una mina frumenti ; item de dono Radulphi Le Vezie, unum quarterium frumenti ; item, in villa de Elone, de dono Johannis Maloisel, una mina frumenli, una gallina ; item, in feodo episcopi Baiocensis, in villa de Kahagnoles, de dono Petri de Sancto Petro, militis, et Guillelmi Rocelin, sexdecim solidi turonenses ; item, in villa de Vallibus super Seullam, de dono Philipi de Vallibus, tres mine frumenti ; item, in villa de Bellomonte, de dono Rogeri Donville et Gaufridi Savoir, septem boisselli frumenti ; item, in villa de Arreio, de dono Nicholai et Johannis de Arreio, unum sextarium frumenti ; item, in villa de Avenaio, de dono Rogeri Liberti, tres mine frumenti, duo panes, duo capones ; item, in villa de Condeto, de dono Ricardi de Condeto, quinque quarteria frumenti ; que omnia estimata sunt quater vinginti sex libras sex solidos et tres denarios turonenses annui redditus, nos, dictam finacionem ratam et gratam habentes, volumus et concedimus, quantum in nobis est, quod predicti abbas et conventus dicta acquisita tenere possint in perpetuum et pacifice possidere, sine coactione vendendi vel extra manum suam ponendi, salvo in aliis jure nostro et jure in omnibus alieno. Quod ut ratum et stabile permaneat in futurum, presentibus litteris nostrum fecimus apponi sigillum. Actum Parisius anno Domini millesimo ducentesimo septuagesimo septimo, mense septembri.
Collacion faicte : RUEL.

Pour citer l'acte :

« Acte 3836 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_3836.html [consulté le 24/11/2024].

Création de la fiche

2008-08-19

Dernière mise à jour

2023-12, EMancel