⇪PDF

Scripta n° 2510

Numéro Scripta2510
Auteur(s)Nicolas le Bouvier, de Muneville [particulier]
Bénéficiaire(s)Coutances (hôtel-Dieu)
Genre d'actecharte
Authenticiténon suspect
Datation1285, avril
Action juridiquedonation
Langue du texte latin

Analyse

Donation faite à l’Hôtel-Dieu de Coutances par Nicolas, dit le Bouvier, de Muneville, d’une rente annuelle d’un quartier de froment, un pain d’un denier et une geline à prendre sur Nicolas dit l’Ange, pour quatre pièces de terre assises dans cette paroisse.

Tableau de la tradition

Éditions principales

a. Le Cacheux Paul, Essai historique sur l’Hôtel-Dieu de Coutances, l’hôpital-général et les Augustines hospitalières depuis l’origine jusqu’à la Révolution avec cartulaire général, Paris, Picard, 1895-1899, 2 vol., t. 2, n° CX, p. 100-101..

Dissertation critique

Datation

Avril 1285 ou entre les 1-13 avril 1286 : Pâques tombe le 14 avril en 1286.

Texte établi d’après a

Noverint universi presentes et futuri quod ego Nicholaus, dictus Le Bouvier, de parrochia de Munevilla, pro salute anime mee, parentum, amicorum et antecessorum meorum, dedi et concessi finaliter, in puram et perpetuam elemosinam, priori, fratribus et pauperibus Domus Dei de Constantiis, videlicet unum quarterium frumenti, unum panem unius denarii turonensis et unam gallinam annui redditus, quem redditum Nicholaus dictus Angelus michi debebat et reddere tenebatur annuatim, scilicet dictum frumentum ad festum sancti Michaelis et ad mensuram Constantiensem, panem et gallinam ad Natale Domini de regardo, de quatuor peciis terre quas ipse de me tenebat in feodum, per sui hommagium et per redditum supradictum ; quarum prima pecia sita est inter viam per quam itur de Monte supra Ventum ad Hamellum de Fonte et terram heredum Radulfi Ansquetil a lateribus et butat ex uno capite ad terram Guillelmi dicti Langre, et ex alio capite ad maisnagium Johannis Paulein ; secunda pecia terre sita est inter terram Roberti Miart, quam habet ratione uxoris sue, et terram Ricardi Ansquetil a lateribus, et butat ex uno capite ad viam per quam itur de Monte supra Ventum ad ecclesiam de Munevilla et ex alio capite ad peciam terre supradictam ; tercia pecia terre sita est inter terram predicti Ricardi Ansquetil ex utroque latere et butat ex uno capite ad terram predicti Guillelmi dicti Langre et ex alio capite ad terram predictorum heredum Radulfi Ansquetil. Quarta pecia sita est inter terram predicti Guillelmi dicti Langre et terram dicti Johannis Paulein a lateribus et butat ex uno capite ad viam per quam itur de Monte supra Ventum ad dictam ecclesiam de Munevilla et ex alio capite ad terram Ricardi. Le Bretun, quam habet ratione Johanne uxoris sue ; percipiendum, habendum et reddendum dictum redditum de cetero in perpetuum singulis annis, ad terminos supradictos, dictis priori, fratribus et pauperibus dicte domus et successoribus eorundem, per manum dicti Nicholai dicti Langre et heredum suorum, seu per manum cujuscumque tenentis de cetero terras supradictas, libere, pacifice et omnino quiete, sine reclamatione mei aut heredum meorum aliqua de cetero facienda, cum hommagio dicti Richardi et cum dominio et justicia et cum omni alio jure que et quod ego habebam seu habere poteram in premissis, salvo tamen juribus capitalium dominorum. In cujus rei testimonium perpetuum et munimen, et ut hoc firmum et stabile permaneat in futurum, presentem cartam sigilli mei munimine roboravi. Actum est hoc anno gratie Mº CCº octogesimo quinto, mense aprilis.

Pour citer l'acte :

« Acte 2510 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2510.html [consulté le 18/12/2024].

Création de la fiche

2007-06-05

Dernière mise à jour

2023-12, EMancel