⇪PDF

Scripta n° 5776

Numéro Scripta5776
Auteur(s)Robert Paiart, maître des Templiers en Normandie [autre]
Bénéficiaire(s)Richard, Évreux, Saint-Taurin (abbé)
Genre d'actecharte
Authenticiténon suspect
Datation1266, février
Action juridiqueautre
Langue du texte latin

Analyse

Robert dit Paiart, maître des Templiers en Normandie, fait savoir que la commanderie de Saint-Étienne de la Campagne (de Renneville) ont reçu en ferme de l’abbé Richard et des moines de Saint-Taurin d’Évreux toutes dîmes de la paroisse de Sacquenville moyennant la rente annuelle de 18 setiers d’annone, sinon, vingt sous tournois.

Tableau de la tradition

Éditions principales

a. Delisle Léopold, Passy Louis, Mémoires et notes de M. Auguste Le Prévost pour servir à l’histoire du département de l’Eure, Évreux, Hérissey, 1869, t. 3, p. 56-57..

Dissertation critique

Lieu

Sancti Stephani in Campania : la commanderie de Templiers, Saint-Étienne de Renneville, située à Sainte-Colombe-la-Campagne. Le nom de cette dernière commune a été modifié en 1969 à Sainte-Colombe-la-Commanderie.

Texte établi d’après a

Universis presentes litteras inspecturis, frater Robertus dictus Paiart, preceptor humilis domorum Templi in Normannia, salutem in Domino sempiternam. Noverit universitas vestra nos recepisse a viris religiosis Ricardo, permissione divina abbate Sancti Taurini Ebroicensis, et ejusdem loci conventu, ad perpetuam firmam, omnes decimas eorum tam grossas quam minutas, quas habebant et percipiebant in parochia de Saqueinvilla, nobis et fratribus nostris in domo Sancti Stephani in Campania pro tempore commorantibus perpetuo possidendas, videlicet duas partes decimarum fructuum duodecim acrarum terre in feodo Johannis dicti Trebue, et duas partes decimarum fructuum duodecim acrarum terre in feodo Petri dicti Garin, et duas partes decimarum fructuum septem acrarum terre in feodo Gilleberti Maupetit, et tertiam partem decimarum fructuum quindecim acrarum terre in feodo Morete, et tertiam partem decimarum fructuum duodecim acrarum terre in feodo Gocelini, et tertiam partem decimarum fructuum duodecim acrarum terre in feodo Mathie de Mesnillo, et tertiam partem decimarum fructuum quindecim acrarum terre in feodo Otonis de Mesnillo, et tertiam partem decimarum fructuum duodecim acrarum terre in feodo Andree Maucrestien, et tertiam partem decimarum fructuum duodecim acrarum terre in feodo Radulphi Duret, et tertiam partem decimarum fructuum duodecim acrarum terre in feodo Symonis de Hamello, et duas partes decimarum fructuum sex acrarum terre in feodo Guillelmi Cancuni (?), et duas partes decimarum fructuum octo acrarum in feodo Ricardi Anglici, et duas partes decimarum fructuum trium acrarum in feodo Adelutart, et tertiam partem decimarum fructuum quatuor acrarum in feodo Andree de Ultra Nemus, et tertiam partem decimarum fructuum trium acrarum in feodo Petri le Marie, et tertiam partem decimarum fructuum trium acrarum in feodo Roberti Masset, et tertiam partem decimarum fructuum trium acrarum in feodo Taurini Carnificis, et tertiam partem decimarum fructuum trium acrarum in feodo de Oresaus, et tertiam partem decimarum fructuum duarum acrarum terre in feodo Christiani le Cerf. Has siquidem decimas eorum, quas singulis annis percipiebant seu percipere debebant in feodis ante dictis, prout supradictum est, tradiderunt et concesserunt nobis et successoribus nostris predictis habendas et tenendas et percipiendas libere et quiete, bene et pacifice, absque contradictione eorum vel successorum suorum, pro quibus nos, de consensu fratrum nostrorum in Normannia, qui dictam perpetuam firmam et ejus acceptationem ratam habent, dictis religiosis Sancti Taurini, et successoribus eorumdem, in decem et octo sextariis, videlicet in sex sextariis frumenti melioris crescentis in culturis nostris de Bretemare, sex sextariis mestillionis sufficientis et sex sextariis avene sufficientis annuatim tenemur, cum sumptibus nostris reddendis ad suum granarium Sancti Taurini, ad mensuram cum qua recipitur ibi et venditur, infra Purificationem Beate Marie Virginis, et si forsan contingeret quod nos defficeremus in solutione dicte modiationis infra terminum antedictum, et post monitionem eorum per quindecim dies post terminum, nos, de consensu fratrum nostrorum, obligamus nos et successores nostros ad satisfaciendum eisdem de viginti solidis turonensium, nomine pene, et ita pro singulis quindenis quibus contingeret nos vel successores nostros defficere, in solutione modiationis antedicte. In cujus rei testimonium et perpetuam firmitatem, nos predictus frater Robertus, preceptor domorum predictarum, de consensu et voluntate fratrum nostrorum, presentibus litteris sigillum nostrum duximus apponendum. Datum anno Domini M. CC. sexagesimo quinto, mense februario.

Pour citer l'acte :

« Acte 5776 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_5776.html [consulté le 22/12/2024].

Création de la fiche

2010-04-13

Dernière mise à jour

2023-12, EMancel