Scripta n° 1902

Numéro Scripta	1902

Auteur(s)	Hugues de Morville, Coutances (évêque)
Bénéficiaire(s)	Coutances (hôtel-Dieu)

Genre d'acte	charte
Authenticité	non suspect
Datation	1221
Action juridique	confirmation générale
Langue du texte	latin

Analyse

Hugues, évêque de Coutances, confirme les biens de l’hôpital de Coutances.

Tableau de la tradition

Éditions principales

a. Piolin Paul, Sainte-marthe Denis de, Gallia Christiana in provincias ecclesiasticas distributa, t. XI, Paris, Palmé, 1874, Instrumenta ecclesiae Constantiensis, n° XXX, col. 255-257..

b. Le Cacheux Paul, Essai historique sur l’Hôtel-Dieu de Coutances, l’hôpital-général et les Augustines hospitalières depuis l’origine jusqu’à la Révolution avec cartulaire général, Paris, Picard, 1895-1899, 2 vol., t. 2, n° XXXIII, p. 25-27..

Texte établi d’après a

Universis Christi fidelibus ad quos præsens scriptum pervenerit, Hugo Constantiensis episcopus et capitulum Constantiense, salutem in Domino. Cum justum sit et honestum eleemosynas et virorum possessiones religiosorum sub sanctæ ecclesiæ custodia communiri, nos charitatis intuitu hospitali sancti Spiritus et beati Antonii Constantiensis ad sustentationem pauperum ibi commorantium, fructus ecclesiarum et alia beneficia in nostra diœcesi appropriavimus, et in puram et perpetuam eleemosynam confirmavimus. Eadem beneficia et benefactorum nomina rei gestæ veritas docet memoriæ commendando, sicut in sequenti scripto continetur. Ego siquidem Hugo Constantiensis episcopus, ad quem jus patronatus ecclesiæ de Campomotos noscitur pertinere, ex donatione et concessione domini Guillelmi de Sola, divinæ pietatis intuitu dedi et concessi dicto hospitali ad sustentationem pauperum ibi commorantium, in puram et perpetuam eleemosynam, duas garbas decimarum ejusdem villæ, cum medietate terrarum eleemosynæ et medietate domorum in ipsis ædificatarum. Dedi etiam et concessi eidem hospitali patronatum ecclesiæ S. Salvatoris de Pomeria, ad me pertinentem, ex donatione Hugonis de Doilis et Mabiræ uxoris suæ, Guillelmi Liece et Joannæ uxoris suæ, Richardi de Spina et Thomasæ uxoris suæ, cum duabus garbis decimæ ejusdem ecclesiæ, retenta tertia garba . . . . . . sacerdotis in eadem ecclesia administrantis. Bag. Borel presbyter, charitatis intuitu, interveniente assensu Guillelmi et Roberti fratrum suorum, dedit . . . . hospitali præsentationem ecclesiæ sancti Stephani de Belmesnil, cum duabus garbis decimæ ejusdem villæ, ecclesiæ salva redecima unius garbæ, quam pater ejus contulit ad dictæ ecclesiæ luminare. Robertus de Dangeio miles, de assensu filiorum suorum Guillelmi et Roberti, resignavit in manu nostra jus patronatus ecclesiæ de Dangeio in tertia garba et altelagio quod ad ipsum pertinebat, et obtulit illud supra majus ecclesiæ Constantiensis altare, ad opus pauperum sæpe dicti hospitalis. Fulcho Paganelli miles, dedit et concessit eidem hospitali in puram et perpetuam eleemosynam, duas garbas decimæ de suo dominio apud Bricuevilla, quas magister Guillelmus Lecheminant vita comite possidebit. Fulcho Meurdrac miles, dedit et concessit sæpe dicto hospitali, duas garbas decimæ S. Petri de Mesnillo Rogues in perpetuam eleemosynam, retento suo et suis heredibus jure præsentationis vicariæ ecclesiæ prædictæ. Herbertus de Morevilla miles, dedit et concessit sæpe dicto hospitali in puram eleemosynam, jus præsentationis medietatis ecclesiæ suæ de Morevilla, quod ad ipsum pertinebat. Robertus Tesson miles, dedit et concessit eidem hospitali in perpetuam eleemosynam, decem quartarios frumenti percipiendos annuatim die festi sancti Michaëlis, in molendinis suis de Prepo et de Cheiffresne. Joannes de Porta dedit et concessit eidem hospitali in puram eleemosynam. . . . . . . . frumenti percipiendos annuatim in molendino suo de Sola, per manum suam vel illorum qui molendinum suum . . . . . ejusdem villæ . . . . . . Fulcho . . . . . . dedit et concessit sæpe dicto hospitali, totum nemus quod habebat apud vadum Herberti, cum terra in qua situm est, possidendum in puram eleemosynam, et pauperibus ibidem commorantibus. Joannes de Bosco filius Roberti de Bosco, Richardus et Guillelmus fratres ejus, dederunt et concesserunt dicto hospitali in puram eleemosynam, omne jus quod habebant et habere possent jure hereditario, et heredes eorum in bosco de Valle et . . . . . . . scilicet a bosco canonicorum de Lucerna usque ad collem de Perella in longum, et una virgata terræ in eodem colle ; et in latum a superiori terra arabili usque ad terram Michaëlis de Pro, quæ est in fundo dictæ vallis, et in undecim pedibus terræ in superiori terra arabili: pro hac autem donatione et concessione dicti fratres receperunt de bonis ejusdem hospitalis, viginti septem libras Turonenses. Rad. Jugan miles, Liegart de Vandeleia, Alina et Laurentia sorores dictæ Liegart, donaverunt et concesserunt sæpe dicto hospitali, in puram eleemosynam, boscum qui nominatur Lacoarde apud Vandeleiam, cum terra in qua silva est, cum duodecim pedibus terræ adjacentis ad clausuram ejusdem bosci: dederunt etiam et concesserunt eidem hospitali boscum qui dicitur Lacoardele apud Vandeleiam, et terram in qua situs est. Pro hac autem donatione et concessione prædictus Rad. et prædictæ sorores receperunt de bonis ipsius hospitalis triginta quinque libras Turonenses. Item, prædictus Rad. Jugan dedit et concessit sæpe dicto hospitali pro sex libris, decem et octo solidis Turon. septem virgatas terræ et dimidiam, quas fratres ejusdem hospitalis intra fosseia sua Coardellæ incluserunt, exceptis duobus pedibus terræ, quos reliquerunt extra fosseia ad impartiendum ea prout necesse fuerit. Item, Michaël de Pro, Rob. fratres ejus, dederunt et concesserunt eidem hospitali in puram et perpetuam eleemosynam pro quinquaginta solidis Turonensibus, unam virgatam terræ de dominio suo, quæ terra adjacet bosco ejusdem hospitalis in vallibus de Sola, in qua sunt fossata ad clausuram ejusdem bosci ; ita quod fratres hospitalis reddent inde annuatim dictis fratribus et eorum heredibus duodecim denarios usualis monetæ ad nundinas Montis-Martini. Concesserunt etiam eidem hospitali, ut in duodecima pertica muri sui qui claudit boscum prædictum a capite quod est versus occidentem, portam habeant per quam quadrigæ et plaustra cum opus fuerit intrare præfatum boscum et exire possint, et carreriam quadrigis et curris, hominibus et summariis ejusdem hospitalis, quam carreriam prædicti fratres et eorum heredes dicto hospitali garantizare tenentur ab ipsa porta præfata usque ad cheminum regium. Quod ut firmum et stabile in posterum perseveret, præsentis paginæ testimonio et sigillorum nostrorum munimine confirmavimus. Actum anno gratiæ millesimo ducentesimo vigesimo primo.

Pour citer l'acte :

« Acte 1902 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1902.html [consulté le 09/05/2024].

Création de la fiche

2007-04-02

Dernière mise à jour

2023-12, EMancel