Scripta n° 2557

Numéro Scripta	2557

Auteur(s)	Sylvestre, Sées (évêque)
Bénéficiaire(s)	Bellême, Saint-Léonard, dépendance Saint-Martin de Marmoutier (prieuré)

Genre d'acte	charte
Authenticité	non suspect
Datation	[1205-1206]
Action juridique	autre
Langue du texte	latin

Analyse

Lettre pastorale de Sylvestre, évêque de Sées, par laquelle il relève l’église de Saint-Léonard de l’interdit, et avertit les fidèles de l’archidiaconé du Bellesmois de renouveler la procession annuelle, qui avait coutume de se faire en l’honneur de ce grand saint, et les exhorte à d’autres œuvres de piété.

Tableau de la tradition

Éditions principales

a. Barret Philibert (Abbé), Cartulaire de Marmoutier pour le Perche, Mortagne-au-Perche, Meaux (Documents sur la province du Perche ; 3e série, 2), 1894, n° 41, p. 57-58..

Dissertation critique

Datation

Datation proposée par Ph. barret.

Texte établi d’après a

Silvester Dei gratia Sagiensis episcopus, Dilectis in Christo filiis omnibus, tam clericis quam laïcis in archidiaconatu Bellesmensi constitutis, salutem et Dei Omnipotentis benedictionem. Quum in hac fragili vita positi, velut negotiatores margarite celestis, latronum insidias frequenter incurrimus, nisi divine majestatis propitiatores suis nos muniant patrociniis et juvent intercessionibus, tanto eos expedit honoribus prevenire quanto eorum presidium nobis amplius credimus profuturum. Quia vero summi Regis benignitas electorum suorum nobis concedit auxilium contra impetus et assultus hostis antiqui, illius munificentiam assidue debemus collaudare qui celestium castrorum vexilla ad hostium nostrorum terrorem nobis elargiri dignatur. Ne itaque gratiam ejus in vanum recipiatis vos plurimum exhortamur, sed collatum vobis divinitus patrocinium, videlicet preciosi confessoris Christi Leonardi corpus sanctissimum, sicut debetis, attentissime venerantes, illi assidue gratias referatis, quia vobis de thesauris suis hanc pretiosissimam margaritam dignatus est largiri, unde patria vestra illuminata, corroborata, honorem perpetuum et nomen meruit sempiternum. Cum itaque ad hujus sanctissimi corporis presentiam frequenti recursu vos expediret convenire, ad corporis et animarum commoda optinenda, negligentiam plurimorum qui rebus terrenis assidue occupantur attendentes, predecessores nostri prudenti consilio statuerunt ut presbiteri de archidiaconatu de Bellesmo, cum processionibus suis et parochianis, patrem suum et patronum videlicet beatum Leonardum, apud Bellismum, adirent semel in anno, et illius memoriam pro posse suo honorarent. Hec itaque institutio, cum longuo tempore firmiter observaretur, occasione cujusdam interdicti a nobis super ecclesiam de Bellesmo positi, duobus transactis annis, non fuit more solito observata, nec vobis donatum celitus defensorem visitastis. Universitatis itaque vestre commodum et utilitatem attendentes, vobis duximus monendum et consulendum ut debitam sancto corpori visitationem nullatenus pretermittentes, ipsum adeatis, ejus protectioni et defensioni animas et corpora vestra sumittentes, ne si, quod absit, neglexeritis, a vobis requiratur, et ne tanti patris iram pro gratia incurratis. Presbiteris eciam de Beslesmo firmiter precipimus ut, ex parte nostra, parochianis suis denuntient et injungant ut cum ipsis in die festi beati Leonardi, apud Beslesmum conveniant, sicut soliti sunt in vigilia Ascensionis Domini illic convenire cum sollempnibus processionibus, absentiam suam duorum annorum restaurantes. Nos vero omnibus qui illuc presentiam suam exhibuerint, ad predicti sancti honorem et reverentiam, et elemosinas suas attulerint, vel transmiserint, quindecim dies imminute sibi penitentie, vota fracta, si ad ea observanda redierint postquam se meminerint transgressos, peccata oblita, offensas in patres et matres absque manuum injectione, transgressiones Fidei et Sacramentorum in quibus proximus et Ecclesia non est lesa, misericorditer relaxamus. Hec etiam beneficia concedimus omnibus qui predicto sancto, infra adventum Domini, beneficia sua attulerint vel transmiserint.

Pour citer l'acte :

« Acte 2557 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2557.html [consulté le 22/12/2024].

Création de la fiche

2007-06-11

Dernière mise à jour

2023-12, EMancel