Scripta n° 742

Numéro Scripta	742

Auteur(s)	Guillaume III, Le Tréport, Saint-Michel (abbaye, abbé)

Genre d'acte	charte
Authenticité	non suspect
Datation	1250, 31 mai
Action juridique	autre
Langue du texte	latin

Analyse

Accord entre Guillaume III, abbé du Tréport, et Eude Rigaud, archevêque de Rouen, au sujet du patronage des églises de Réal-Camp et d’Aubéguimont

Tableau de la tradition

Éditions principales

a. Laffleur de Kermaingant Pierre, Cartulaire de l’abbaye de Saint-Michel du Tréport (ordre de Saint-Benoît), Paris, Didot, 1880, n° CLXXXV, p. 204-205..

Texte établi d’après a

Universis presentes litteras inspecturis frater Guillelmus, divina pacientia monasterii de Ulteriori Portu dictus abbas, totusque ejusdem loci conventus, salutem in Domino. Noveritis quod, cum inter nos, ex una parte, et venerabilem patrem O[donem], Dei gracia Rothomagensem archiepiscopum, ex altera, super jure patronatus ecclesiarum de Regali Campo et de Albini Monte haberetur materia questionis, pro eo videlicet quod dictus dominus archiepiscopus, tam juri communi quam possessioni in qua predecessores suos invenit innitens, sibi jus patronatus in dictis ecclesiis vendicaret, et nos, ex collatione nobilis domine.., comitisse de Augo, in cujus foresta dicte ecclesie de novo sunt fundate, vendicaremus nobis jus patronatus in ecclesiis predictis, tandem, inter nos et dominum.., archiepiscopum, de bonorum virorum consilio, talis amicabilis compositio intercessit, videlicet quod jus patronatus ecclesie de Regali Campo domino archiepiscopo Rothomagensi et suis successoribus libere et pacifice in perpetuum remanebit, jure patronatus ecclesie de Albini Monte, cum tercia garba ejusdem ecclesie, nobis et successoribus nostris libere et pacifice in perpetuum remanente. In cujus rei testimonium, sigilla nostra presentibus litteris duximus apponenda. Datum anno Domini Mº. CCº. quinquagesimo, IIº kalendas junii.

Pour citer l'acte :

« Acte 742 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_742.html [consulté le 09/05/2024].

Création de la fiche

2006-05-12

Dernière mise à jour

2023-12, EMancel