Scripta n° 843

Numéro Scripta	843

Auteur(s)	Robert de Fontenay [chevalier]
Bénéficiaire(s)	Bayeux (chapitre cathédral)

Genre d'acte	charte
Authenticité	non suspect
Datation	[1165-1205]
Action juridique	donation
Langue du texte	latin

Analyse

Le chevalier Robert de Fontenay donne, en perpétuelle aumône, au chapitre de Bayeux, la dîme des anguilles de sa pêcherie d’Arundel, la dîme de l’ail de toute sa terre d’Isigny et quelques autres dîmes, à condition qu’un prêtre d’Isigny célébrera trois fois par semaine l’office dans sa chapelle ; sinon, le chapitre amendera.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° LI, t. 1, p. 66-67..

Dissertation critique

Datation

Épiscopat de Henri II, évêque de Bayeux, 1165-1205.

Texte établi d’après a

Noverint omnes, tam præsentes quam futuri, quod Robertus de Fontaneio, miles, concessit et reddidit capitulo Baiocensi decimam anguillarum piscariæ suæ de Arundel, et decimam alliorum tocius terræ suæ intra limites parrochiæ de Iseigneio consistentis, et decimam campartorum suorum, et duas garbas dominici sui, in perpetuam elemosinam. In hunc autem modum convenit inter capitulum et prædictum Robertum, quod capitulum ei concessit, coram domino Henrico, Baiocensi episcopo, id gratum et ratum habente, officium divinum in capella sua, tribus diebus in ebdomada, a presbitero parrochiali de Iseigneio celebrari, die scilicet dominica, et die lunæ, et die sabbati. Si vero idem presbiter, aliqua de causa, in præfata capella ministrare nequiverit, vel noluerit, licebit memorato Roberto defectum dicti presbiteri per quem potuerit alium sine residentia supplere ; et si quem militem hospicium ejusdem Roberti subire contigerit, qui secum aliquem ducat presbiterum, illi presbitero in prædicta capella divinum officium celebrare licebit, presbitero de Iseigneio absente, vel, si præsens fuerit, consentiente, exceptis annualibus festis, et festivitatibus beatæ Virginis Mariæ, et festo dedicationis ecclesiæ de Isigneio: his enim diebus, Robertus cum sua familia tenetur in matre ecclesia sua de Iseigneio divinis adesse officiis. Si autem presbiter de Iseigneio in prædicta capella quandoque ministrare neglexerit, et memoratus Robertus inde capitulo Baiocensi conquestus fuerit, capitulum ipsum ejusdem presbiteri negligentiam convenienter emendabit. Hæc autem prædicto Roberto de Fontaneio, et hæredibus suis, a domino Henrico, episcopo Baiocensi, et capitulo Baiocensi, in perpetuum sunt concessa, et hæc compositio fidei interpositione hinc inde firmata est. Testibus his : Herberto de Agnellis ; Willelmo de Agnellis ; Walchelino de Campeigneio ; Roberto de Isigneio ; Ricardo de Conde ; Petro, filio Roberti ; Gaufrido Reinaldi ; Willelmo Capadoc... ; et pluribus aliis.

Pour citer l'acte :

« Acte 843 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_843.html [consulté le 22/12/2024].

Création de la fiche

2006-05-15

Dernière mise à jour

2023-12, EMancel