Scripta n° 4369

Numéro Scripta	4369

Auteur(s)	Coutances (vicomte)
Bénéficiaire(s)	La Lucerne-d’Outremer, Sainte-Trinité de La Lucerne (abbaye)

Genre d'acte	charte
Authenticité	non suspect
Datation	1298, 10 février
Action juridique	notification
Langue du texte	ancien français

Analyse

Le vicomte de Coutances fait savoir que Robert Costart, d’Agon, a reconnu devant lui avoir vendu à l’abbé et aux chanoines de La Lucerne pour 4 livres tournois la rente annuelle sur une maison et un tènement sis à Blainville avec tous ses droits qu’il y avait.

Tableau de la tradition

Éditions principales

a. Dubosc François, Cartulaire de la Manche, abbaye de la Luzerne, abbaye de Mont-Morel, prieuré de la Perrine, Saint-Lô, Jacqueline fils (Archives départementales de la Manche), 1878, Luzerne, n° CLIV, p. 142-143..

Texte établi d’après a

A tous ceus qui ces letres verront et orront le visconte de Coustances saluz. Sachent touz que en droit present par devant nos Robert Costart, d’Agon, de son grei recognut soi avoir vendu, otroié et delessié à fin à labbé et au convent de La Luiserne trois boisseax de forment à la mesure de Coustances danuel rente à la feste Saint-Michiel, trois mailles et une géline à Noel et dies eus à Pasques, o lommage de Johanete, fille Raoul Le Suor, sus une meson et sus tout le tènement que ele tenoit de lui en la parroisse de Blainville, o tout le droit et la justice que ledit Robert i avoit et povoit avoir et devoit pour quatre livres de torneis donc ledit Robert se tint pour bien paié par devant nos, à tenir, à avoir et à porséer audit abbé et au convent et à lor successors ladite rente o lommage, la justice et le droit dessus diz bien et empes des ore en avant sanz nul contredit. E sont et seront tenuz ledit Robert et ses hers audit abbé et au convent et à lor successors les dictes choses garantir, délivrer et deffendre encontre tout en bone foi ou aillors value a value eschangier, se mestier en estoit, et fornir et fere valer la dicte rente, se déchié i avoit. Et à cen ledit Robert obliga par devant nos tout son héritage, en quel lui que il soiet, soit en terres, en rentes et en mesons et en toutes autres choses ; et ne le porront ledit Robert ne ses hers vendre, engagier, chargier de rente ne metre hors de lor mains que il ne soit obligié à cen. E quant à cen tenir et aemplir as diz abbé et au convent et à lor successors ledit Robert obliga par devant nos soi et ses hers, son cors à tenir prison et touz ses biens meubles et non meubles présenz et à venir, ou que il soient, à vendre et à despendre par la justice le Roy por deffaute dentérigner les choses dessus dites, et pour les couz et les despens rendre et restorer qui en seroient fez donc le portoor de ces lectres seroict creu par son serement sanz autre preuve. E renunca ledit Robert à tout privilége de croiz prise et à prendre et à toutes exceptions et deffenses de fait et de droit. E, en tesmoing de cen, nos avon mis à ces letres le seel de la viscontei de Coustances o le seel audit Robert, sauf le droit nostre sire le Roy et autri. Cen fut fait lan de grace mil CC nonante et sept, le lundi devant la Saint-Valentin.

Pour citer l'acte :

« Acte 4369 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_4369.html [consulté le 21/11/2024].

Création de la fiche

2008-08-28

Dernière mise à jour

2023-12, EMancel