Scripta n° 1289

Numéro Scripta	1289

Auteur(s)	Bayeux (official)
Bénéficiaire(s)	Bayeux (chapitre cathédral)

Genre d'acte	charte
Authenticité	non suspect
Datation	1274, 16 mars
Lieu d'émission	Bayeux
Action juridique	autre
Langue du texte	latin

Analyse

Raoul dit Pellevé reconnaît devant l’official de Bayeux la vente qu’il a précédemment faite au chapitre, et se soumet à certaines obligations découlant de cette vente.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° DXV, t. 2, p. 260-261..

Dissertation critique

Datation

Le 16 mars 1274 (nouveau style) ou le 24 mars 1273. Le 16 mars 1273 est proposé par V. Bourrienne. Cf. Pâques tombe le 1er avril en 1274 et le 9 avril en 1273.

Texte établi d’après a

Universis præsentes litteras inspecturis, officialis Baiocensis, salutem in Domino. Noveritis quod, cum Radulphus dictus Pelleve, armiger, de parrochia de Jorquis, quasdam decimas prædiales et quandam vavassoriam, sitas in parrochia Sancti Georgii versus Alnetum, viris venerabilibus capitulo Baiocensi vendidisset, pro certo precio, ac idem Radulphus illud certum precium a dicto capitulo integre habuisset et recepisset, ut idem Radulphus confessus est coram nobis, idem Radulphus, in jure coram nobis constitutus, spontaneus se obligavit et promisit, ad deliberandum et acquitandum dictum capitulum, quocienscumque necesse fuerit, super tresdecima decimarum et vavassoriæ prædictarum, erga Symonem de Hermenvilla, militem, et abbatissam Sanctæ Trinitatis Cadomensis, et erga omnes alios, et ad servandum ipsum capitulum super hoc indempne in omnibus erga omnes, si contingerit quod dicta tresdecima a dicto capitulo petatur ab aliquo, aut super hoc ipsum capitulum in aliquo molestetur, sub pœna decem librarum Turonensium a dicto Radulpho, si commissa fuerit, solvendarum eidem capitulo, fide de præmissis omnibus et singulis tenendis et adimplendis a dicto Radulpho præstita corporali. Obligavit insuper idem Radulphus se, sub fide præstita ab eodem, ad deliberandum de curia Regis ad sumptus suos proprios Guillermum Animæ, qui Guillermus in curia prædicta, occasione dictæ tresdecimæ seu dictarum decimarum et vavassoriæ, per eumdem Radulphum dampnificatus fuerat et tractus in causam, ut idem Radulphus confessus est coram nobis. Et nos dictum Radulphum ad omnia et singula præmissa, et præcipue ad fidem suam observandam, et in pœna prædicta, si committi eam contingerit, per ejus promissionem et obligationem condempnamus. Actum anno Domini millesimo ducentesimo septuagesimo tertio, die veneris post Lætare Jerusalem.

Pour citer l'acte :

« Acte 1289 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1289.html [consulté le 21/11/2024].

Création de la fiche

2006-05-18

Dernière mise à jour

2023-12, EMancel