Scripta n° 2766

Numéro Scripta	2766

Auteur(s)	Rualend, fils d’Hugues du Homme [particulier]
Bénéficiaire(s)	Robert de Torigni, Le Mont-Saint-Michel, Le Mont Saint-Michel (abbé)

Genre d'acte	notice
Authenticité	non suspect
Datation	1155
Action juridique	autre
Langue du texte	latin

Analyse

Accord entre l’abbé Robert de Torigni, d’une part, et Rualen du Homme et Gilbert de Champeaux, d’autre part.

Tableau de la tradition

Éditions principales

a. Delisle Léopold, Chronique de Robert de Torigni, abbé du Mont-Saint-Michel : suivie de divers opuscules historiques de cet auteur et de plusieurs religieux de la même abbaye, le tout publié d’après les manuscrits originaux, Rouen, Le Brument, 1872-1873, 2 vol., t. 2, « Lettres, chartes et pièces diverses de l’administration de Robert de Torigni », n° II, p. 261-262..

Texte établi d’après a

Anno ab incarnatione Domini Mº Cº LVº, primo anno regni regis Anglorum Henrici secundi, tunc temporis Roberto de Torinneio ecclesiam Sancti Michaelis de Periculo maris regere incipiente, defuncto Hugone de Hulmo, prout consuetudo successorum est, Rualendus, predicti Hugonis filius et heres, per se suosque familiares eundem abbatem suppliciter postulavit ut ipsius hominium de Anschetevilla suscipere non abnegaret. Super que abbas respondit nequaquam hoc se facere nisi prius Deo et sancto Michaeli terram de Belfelgereio redderet, quam pater ejus diu injuste et sub excommunicatione tenuerat. Qui rei veritatem per suos familiares recognoscens, Deo et sancto Michaeli, antequam hominium suum faceret, terram sicuti abbas interrogaverat reddere non distulit, istis huic rei testimonium adhibentibus : Guillermo de Sancto Johanne, Gisleberto de Campellis, Thoma de Leisels, Guillermo Males, Roberto Taforel, aliisque quam plurimis. Cujus animi benignitatem abbas prospiciens, sedecim marchas argenti et unum palefridum album, quem pater ejus ab abbate Bernado super prefatam villam mutuaverat, pro calumnio terre dimisso, sibi condonavit. Tunc Gislebertus de Campellis videns eandem terram, quam cum sorore Rualendi a patre ejus Hugone acceperat, et pro qua etiam duobus annis fere excommunicatus fuerat, se amplius non posse tenere, per brachium sancti Autberti Sancto Michaeli super ipsius altare reddidit, istis eodem loco cernentibus illum a prefato abbate absolvi et disciplinari : Ranulfo priore, Radulfo cantore, Willelmo de Sancto Paterno, monachis ; Sauswalo, Rualendo pretore, Roberto de Monasterio, et Rogerio, laicis. Longo tempore post, Gislebertus, sua suorumque supplicatione, prefatam terram a predicto abbate tali conditione suscepit ut ex ea hominium sibi faceret annuatimque quinque quarteria frumenti et decimam et moltam redderet.

Pour citer l'acte :

« Acte 2766 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2766.html [consulté le 18/12/2024].

Création de la fiche

2007-06-14

Dernière mise à jour

2024-04-09, TFujimoto