Scripta n° 1829

Numéro Scripta	1829

Auteur(s)	Robert II des Ablèges, Bayeux (évêque)
Bénéficiaire(s)	Caen, Saint-Sépulcre (collégiale)

Genre d'acte	vidimus
Authenticité	non suspect
Datation	1219
Action juridique	confirmation
Langue du texte	latin

Analyse

Guillaume Acarin, doyen de l’église du Saint-Sépulcre de Caen, vidime la charte de l’évêque Robert de Bayeux approuvant les règles concernant les prébendes de ladite église et la nomination de Guillaume Acarin comme doyen. 

Tableau de la tradition

Éditions principales

a. Piolin Paul, Sainte-Marthe Denis de, Gallia Christiana in provincias ecclesiasticas distributa, t. XI, Paris, Palmé, 1874, Instrumenta ecclesiae Bajocensis, n° XL, col. 98-99..

Texte établi d’après a

Omnibus Christi fidelibus ad quos præsens scriptum pervenerit, Willelmus Acarin decanus sancti Sepulcri de Cadomo, salutem in Domino. Noveritis venerabilem patrem nostrum Robertum Bajocensem episcopum chartam suam concessisse ecclesiæ sancti Sepulcri de Cadomo et ejusdem ecclesiæ canonicis, in hæc verba : Robertus, Dei gratia Bajocensis ecclesiæ minister humilis, salutem in Domino. Universitati vestræ notum fieri volumus, quod cum quidam clerici ad honorem Dei et ecclesiastici cultus ampliationem possessiones et bona pio et gratuito affectu obtulerunt ecclesiæ sancti Sepulcri de Cadomo, nos eorum attendentes devotionem liberaliter concedimus ut easdem possessiones et bona sibi, quandiu vixerint, tenere liceat nomine præbendarum ecclesiæ supradictæ. Sustinemus ergo, ut facilitatem habeant, cum eos cedere vel decedere contigerit, personis aliis quibus voluerint easdem conferre præbendas. Ergo personæ eadem gaudeant libertate, ut post cessionem vel decessum eorum sibi substituere valeant alios in præbendis, hac indulgentia tertiam non excedente personam, ita quod prima persona quæ præbendam obtinuerit, in tertium numerum concludatur. Si vero eorum aliquem interim contigerit decedere nulla facta ab eo donatione de præbenda, ad legitimum et propinquiorem heredem illius qui præbendam instituerit, potestas redeat conferendi. Similiter si aliquis laïcus ibidem de bonis suis simpliciter et ex devotione præbendam instituerit, præscripta gaudeat libertate conferendi. Postmodum vero collatio omnium præbendarum et personatuum quæ ibidem fuerint institutæ, ad nos episcopum et ad decanum ejusdem ecclesiæ nulla obstante præscriptione temporis devolvetur, ita quod nos episcopus et successores nostri unam et ipse decanus aliam vicissim, cum eas vacare contigerit, conferemus ; eodem modo in personatibus penitus observato et in futurum observando si in eadem ecclesia personatus aliquis creari contigerit, qui superius in præbendis est expressus quantum ad numerum et electionem successorum. Solius ergo decanatus donatione per trinam donationem præscriptam penes nos remanente. volumus et concedimus ut dicta ecclesia sancti Sepulcri, quæ ad nostram pertinebat donationem, et quam Willelmo Acarin clerico contulimus et quem decanum constituimus, post decessum ejusdem Willelmi in communes usus decani et canonicorum in perpetuum convertatur. Postquam vero ad nos et ad decanum ejusdem loci donatio devenerit præbendarum et personatuum, quicumque præbendam habuerit, ad residentiam teneatur, alioquin fructus præbendæ absentis in communes usus decani et canonicorum deducantur, salvo jure episcopi et decani. Sed sciendum quod decani ad nos episcopum solummodo et successores nostros, canonicorum vero loci ad suum decanum, si per eundem decanum emendari potuerint, excessuum correptio pertinebit ; quod si gravibus excessibus deliquerint, ad solum episcopum correptio pertinebit. Neque sæpe dicti decanus et canonici sancti Sepulcri aliquod privilegium seu indulgentiam erga ecclesiam Bajocensem in posterum poterunt impetrare : et si impetraverint, nullam obtinebit firmitatem. Hoc autem concedimus salvo omni jure et libertate ecclesiarum nostrarum, et capituli et præbendarum Bajocensium, contra quod si fieri contigerit, ad nos solum episcopum correptio pertinebit. Nos erga ea quæ in charta prædicta continentur rata et grata habentes, fideliter promittimus nos eadem in perpetuum servaturos, nec aliquo tempore aliquid contra prædicta facturos. Ad cujus rei testimonium et securitatem pleniorem præsenti scripto sigilli nostri munimen duximus apponendum. Actum anno gratiæ 1219.

Pour citer l'acte :

« Acte 1829 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1829.html [consulté le 03/12/2024].

Création de la fiche

2007-04-02

Dernière mise à jour

2024-06-12, TFujimoto