Scripta n° 5505

Numéro Scripta	5505

Auteur(s)	Philippe IV le Bel, France (roi)
Bénéficiaire(s)	Robert de Harcourt, Coutances (évêque)

Genre d'acte	charte
Authenticité	non suspect
Datation	1294, février
Lieu d'émission	Paris
Action juridique	autre
Langue du texte	latin

Analyse

Philippe [le Bel] donne la permission à l’évêque Robert [d’Harcourt] et aux chanoines de Coutances de construire une clôture munie de quatre portes et entourant l’église, le palais épiscopal et les maisons canoniales. Le roi exercera sa justice à l’intérieur de cette clôture, sans empiéter sur la justice épiscopale et capitulaire, mais de sorte que le droit d’asile n’y soit pas appliqué.

Tableau de la tradition

Éditions principales

a. Fontanel Julie, Le cartulaire du chapitre cathédral de Coutances, Saint-Lô, Archives départementales de la Manche (Sources inédites sur l’histoire du département de la Manche ; 1), 2003, n° 317, p. 454-455..

Texte établi d’après a

Philippus, Dei gracia Francorum rex, eclesiis ecclesiasticisque personis illa benigno favore concedimus quibus eis secularis tumultus sublatis prepediis circa divina beneplacita prosequenda, paretur oportuna commoditas votive, proveniat transquilitatis augmentum et honestatis decor, incrementis continuis circa eas de bono semper in melius amplietur, et licet libenter ad ecclesias ecclesiasticasque regni nostri personas singulas hujusmodi favoris graciam extendamus, tamen circa Constanciensem ecclesiam et personas ejusdem eo libencius nostre gracia liberalitatis exuberat, quoad ecclesiam ipsam ob reverenciam Alme Virginis sub cujus est gloriose vocabulo stabilita majorem gerimus devotionis et dilectionis affectum ac dilectum et fidelem nostrum R[obertum], ejusdem ecclesie presulem, ob ejus multiplicium dotes virtutum et claram suorum altitudinem meritorum que per grata sue fidelitatis obsequia nobis et regno nostro impensa diutius ex quibus fructus multiplices provenerunt et commoda quasi palpando cognovimus, ampliori prosequimur caritate. Notum igitur facimus tenore presencium universis tam presentibus quam futuris, quod nos premissorum consideratione indutti, ejusdem episcopi et capituli ecclesie predicte devotis supplicationibus inclinati, eis de gracia speciali concedimus quod tam eandem ecclesiam quam episcopale manerium ac domos canonicales ejusdem ecclesie murorum possint ambitu communire et circumquaque clausuram habere et tam sibi quam successoribus eorumdem muros predictos reficere, reparare, ac retinere liceat, quociens opus fuerit in futurum ; in quibus muris porte quatuor construentur in partibus et locis inferius designandis, una videlicet inter portam dicte ecclesie et manerium magistri Nicholai de Carnoto, secunda inter atrium Sancti Nicholai et domum Guillelmi de Burgo presbyteri, tercia inter manerium magistri Bernardi Buticularii et domum heredum dicti Valeran, quarta inter murum predicti episcopalis manerii et domum que fuit Symonis de Duno, per quas transire volentibus, congruentibus horis, liber ingressus pateat et regressus. In clausura quoque predicta, jurisdictionem aditum et justiciam, quam ibidem hactenus habuimus et habemus, nobis in integrum reservamus, ita quod episcopus et capitulum memorati nullam in clausura ipsa, pretextu concessionis hujusmodi, jurisdictionem vel immunitatem sibi poterunt vendicare, vel facinorosos et maleficos illuc confugientes sub pretextu immunitatis, ratione concessionis ipsius, receptare aut justiciarios et servientes nostros quomodolibet impedire quominus facinorosos ipsos ibidem capere valeant et solitam jurisdictionem et justiciam exercere, salvo eidem episcopo justicia et tam sibi quam dicto capitulo immunitate, si quam habent, in manerio, domibus et locis aliis in clausura predicta contentis, circa quam nichil juris detrahi volumus vel acquiri, salvo etiam in omnibus aliis jure nostro et quolibet alieno. Quod ut perpetue stabilitatis robur optineat, presentibus litteris nostrum fecimus apponi sigillum. Actum Parisius, anno Domini M° CC° nonagesimo tercio, mense februarii.

Pour citer l'acte :

« Acte 5505 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_5505.html [consulté le 21/11/2024].

Création de la fiche

2010-01-28

Dernière mise à jour

2023-12, EMancel