Scripta n° 4845

Numéro Scripta	4845

Auteur(s)	Guillaume Napier [particulier]
Bénéficiaire(s)	Pont-de-l’Arche, Notre-Dame de Bonport (abbaye)

Genre d'acte	charte
Authenticité	non suspect
Datation	1248, septembre
Action juridique	vente
Langue du texte	latin

Analyse

Guillaume Napier et Roche, sa femme, vendent aux religieux de Bonport une pièce de vigne, sise au Mont-Bejout.

Tableau de la tradition

Éditions principales

a. Andrieux Jules, Cartulaire de l’abbaye royale de Notre-Dame de Bon-Port de l’ordre de Cîteaux au diocèse d’Évreux, Évreux, Hérissey, 1862, n° CLXIX, p. 173..

Texte établi d’après a

Noverint universi quod ego Guillelmus dictus Napier et Rocha, uxor mea, vendidimus et concessimus, de communi assensu, et elemosinavimus Deo et Beate Marie Boni Portus et hospitio pauperum ejusdem loci quamdam petiam vinee sitam in Monte Beiout, inter vineam quam custos dicti hospitii pauperum emerunt a Guillelmo Le Duc, ex una parte, et vineam monachorum Boni Portus, ex altera ; tenendam et habendam dicto hospitio pauperum et ejus custodibus in perpetuum, libere et quiete ; reddendo inde nobis vel heredibus nostris, solummodo singulis annis, unum denarium ad festum Sancti Michaelis, absque omni alia reclamatione, et heredibus nostris, inde facienda. Et tenemur, tam ego Guillelmus et Rocha quam nostri heredes, dictam vineam dicto hospitio pauperum et custodibus dicti hospitii contra omnes garantizare vel alibi, valore ad valorem, in nostra propria hereditate excambiare. Insuper juravimus, spontanea voluntate, tactis sacrosanctis evangeliis, quod in dicta vinea, ratione hereditatis, elemosine, dotis, seu alia ratione sibi modo vel de cetero competenti, reclamabimus, inmo contra omnes garantizabimus. Et pro hiis dederunt nobis dicti monachi, de caritate domus, centum solidos turonensium. Quod ut ratum et stabile permaneat, presentem cartam sigillorum nostrorum munimine confirmavimus.
Actum anno Domini Mº CCº XLº octavo, mense septembris.
Testibus hiis : Domino Guillelmo, capellano tunc temporis de Leire ; Roberto Le Mansel ; Guillelmo, clerico ; Thoma Greco ; Germano Anglico ; Guillelmo, genere Simonis Bonart, et pluribus aliis.

Pour citer l'acte :

« Acte 4845 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_4845.html [consulté le 21/11/2024].

Création de la fiche

2009-02-03

Dernière mise à jour

2023-12, EMancel