Scripta n° 5439

Numéro Scripta	5439

Auteur(s)	Guillaume Engaigne, garde des sceaux de la vicomté de Carentan [clerc]
Bénéficiaire(s)	Coutances (chapitre cathédral)

Genre d'acte	charte
Authenticité	non suspect
Datation	1297, 6 mai
Action juridique	autre
Langue du texte	ancien français

Analyse

Guillaume Hélie et sa femme Perronelle, de la paroisse de Gorges, vendent au chapitre de Coutances pour quarante sous tournois une pièce de terre de la paroisse de Gonfreville.

Tableau de la tradition

Éditions principales

a. Fontanel Julie, Le cartulaire du chapitre cathédral de Coutances, Saint-Lô, Archives départementales de la Manche (Sources inédites sur l’histoire du département de la Manche ; 1), 2003, n° 206, p. 337-338..

Texte établi d’après a

[A] tous ceulz qui ces lettres verront et orront, Guillaume Engaigne, clerc garde du seel de la viconté de Carenten, saluz. Sachent tous que par devant nos furent presens Guillaume Helies et sa femme Perronnelle de la parroisse de Gorges, a laquelle [il] donna auctorité quant a ce qui ensuit, et recongnurent de lour bonne volenté que il avoient vendu et du tout delessié afin de heritage a Nicolas de l’Espoisse, clerc, une piece de terre assise en la parroisse de Gonfreville, entre la terre Pierres de la Planque et la terre Alain le Tounour et attaint d’un des butz au manoir des granges de Tillye et bute de l’autre envers le chemin donc l’en va de l’eglise de Gorges a la forge Rafelon, pour quarante soulz de tournois donc led. Guillaume et sa femme se tindrent pour bien paiés par devant nos. Pour quoy il promistrent [qu]e eulz sont tenus et des ore en avant seront tenuz eulz et lours hoirs aud. clerc et a ses hoirs ou a quiconque oront cause de lui lad. piece de terre contre tous garantir, deffendre et delivrer, sauves les trois aides de Normendie acoustumees, et allors eschanger value a value en lour propre heritage, se mestier en estoit ; et quant a ce led. Guillaume et Perronnelle sa femme obligerent eulz et lor hoirs et lor biens meublez et non meublez, presens et advenir, a prendre, vendre et despendre par la justice pour la convenance devant dicte enterigner et pour paier aud. clerc ou a qui auroit cause de lui portant ces lettres presentes les coustz, les despens pour deffaute de ceste chose enterigner et lour propre corps a tenir prison fermee, desquelz devant diz despens le portour des ces lettres seroit creu par son serement sans aultre preuve et sans aultre procuration demander ; et jura lad. fame par son serement sur les sainctes evangiles qu’elle contre ceste vente faicte de sa volenté n’ira, ne aler ne fera, par raison de douaire ne de mariage encombré, ne par aultre maniere, et voudrent et requestent led. Guillaume et sa femme par devant nous que l’oance de ceste presente lettres fust faicte en l’eglise du devant dit lieu quant il plairoit aud. achatour sans la presence de eulx. En tesmoing de ces choses nous avons seelé ceste lettre du seel de lad. viconté, sauf aultri droit. Ce fut faict l’an de grace mil CC IIIxx et dix et sept, le lundi aprés la Saint Phelippe et Saint Jame.

Pour citer l'acte :

« Acte 5439 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_5439.html [consulté le 24/11/2024].

Création de la fiche

2010-01-25

Dernière mise à jour

2023-12, EMancel