Scripta n° 2517

Numéro Scripta	2517

Auteur(s)	Thomasse Brisebarre, de Cametours, fille d’Henri Le Roi [particulier]
Bénéficiaire(s)	Coutances (hôtel-Dieu)

Genre d'acte	charte
Authenticité	non suspect
Datation	1287, février
Action juridique	donation
Langue du texte	latin

Analyse

Donation à l’Hôtel-Dieu, par Thomasse Brisebarre, de 8 quartiers, 3 boisseaux et demi de froment, 4 deniers, 3 pains et 7 gelines sur ses terres de Cametours.

Tableau de la tradition

Éditions principales

a. Le Cacheux Paul, Essai historique sur l’Hôtel-Dieu de Coutances, l’hôpital-général et les Augustines hospitalières depuis l’origine jusqu’à la Révolution avec cartulaire général, Paris, Picard, 1895-1899, 2 vol., t. 2, n° CXVI, p. 109-110..

Texte établi d’après a

Noverint universi presentes et futuri quod ego Thomassia, uxor quondam Guillelmi Brise Barre, filia Henrici dicti Regis, de parrochia de Campo Motoso, tempore viduitatis mee, pro salute anime mee, parentum et antecessorum meorum, dedi et concessi finaliter, in puram et perpetuam elemosinam, priori, fratribus et pauperibus domus Dei Constanciensis, videlicet octo quarteria, tres bussellos et dimidium bussellum frumenti, annui redditus, ad mensuram dicte ville, quatuor denarios turonenses pro panibus et septem gallinas ; quem redditum homines mei inferius nominandi michi debebant et reddebant et reddere tenebantur annuatim, scilicet dictum frumentum ad festum Sancti Michaelis, denarios et gallinas ad Natale Domini pro regardis, de tenementis et terris que et quas ipsi de me tenebant tam in dicta parrochia quam in parrochia de Karantilleio, videlicet Ricardus Daniel septem quarteria, duos bussellos et dimidium bussellum dicti frumenti, quatuor denarios pro panibus et quatuor gallinas de duodecim acris et duabus partibus unius virgate terre vel eocirca, sittis in dicta parrochia de Campo Motoso, quarum una pecia est maisnagium dicti Ricardi, situm inter terras que dicuntur les Terreiz et doitum fluentem inter dictum maisnagium et terras heredum Johannis Baudoin et Guillelmi Baudoin a lateribus, et butat ex uno capite ad doitum de Valle Badel et ex alio capite ad cheminum per quod itur de Karantilleio apud Loretum et continet undecim acras et dimidiam virgatam terre vel eocirca, tam in dicto maisnagio quam aliis terris arabilibus et inarabilibus. Alia pecia terre sita est inter terram Raginaldi dicti Regis et terram Johannis Baudoin a lateribus, et butat ex uno capite ad terras Guillelmi Fabri et Johannis de Hamello et ex alio capite ad doitum supradictum et continet tres virgatas terre vel eocirca. Et Reginaldus dictus Rex quinque bussellos dicti frumenti, duos denarios pro panibus et duas gallinas, de quadam pecia terre sita in parrochia de Karantilleio, et continet quatuor virgatas terre vel eocirca, inter terram Johannis Veisin et ejus maisnagium et doitum de Campo Motoso a lateribus, et butat ad terram dicti Johannis Veisin. Et Ricardus Herbert unam gallinam de quadam pecia terre, continente circa unam acram terre, sitta in parrochia supradicta de Campo Motoso, juxta terras supradictas dicti Ricardi Daniel. — Percipiendum, habendum et reddendum dictum redditum de cetero in perpetuum ad terminos antedictos dictis priori, fratribus et pauperibus dicte domus et successoribus eorumdem, libere, pacifice et quiete, sine reclamacione et contradictione mei aut heredum meorum, per manus dictorum Ricardi Daniel et Raginaldi dicti Regis, et Ricardi Herbert et heredum suorum, seu per manus quorumcumque premissa tenencium de cetero, cum hommagio, dominio, justicia et cum omni alio jure, quod et quam ego habebam seu habere poteram in premissis. Et poterunt ibidem dicti prior et fratres et eorum successores, seu attornatus eorumdem, super premissis suam plenariam justiciam exercere pro redditibus supradictis, sine contradictione alicujus, nisi sibi ad terminos antedictos, libere et pacifice redderentur, salvis tamen juribus capitalium dominorum. Et tenemur ego dicta Thomassia et mei heredes et tenebimur de cetero predictis priori et fratribus et eorum successoribus hec omnia predicta et singula garantizare, deliberare et defendere contra omnes bona fide et, secundum usus et consuetudines Normannie, excambiare, si forte garantizare, deliberare et defendere non possemus. In cujus rei testimonium perpetuum et munimen, presentem cartam sigilli mei munimine roboravi. Actum est hoc anno gratie Mº CCº octogesimo sexto, mense februarii.

Pour citer l'acte :

« Acte 2517 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2517.html [consulté le 21/11/2024].

Création de la fiche

2007-06-05

Dernière mise à jour

2023-12, EMancel