Scripta n° 2554

Numéro Scripta	2554

Auteur(s)	Hervé, Thiron-Gardais, La Sainte-Trinité de Tiron (abbé)
Auteur(s)	Henri, Chartres (archidiacre)
Auteur(s)	Hugues, Coutances (archidiacre)
Bénéficiaire(s)	Sylvestre, Sées (évêque)
Bénéficiaire(s)	Renaud de Villerai, Bellême, Saint-Léonard, dépendance Saint-Martin de Marmoutier (prieur)

Genre d'acte	charte
Authenticité	non suspect
Datation	1205, juillet
Lieu d'émission	Mortagne
Action juridique	autre
Langue du texte	latin

Analyse

Compromis passé devant l’abbé de Tiron, Henri, archidiacre de Chartres, et Hugues, archidiacre de Coutances, entre Silvestre, évêque de Sées, et Renaut, prieur de Bellême, au sujet des procurations que l’évêque réclamait des religieux, lesquelles d’un commun accord sont réduites à deux par an.

Tableau de la tradition

Éditions principales

a. Barret Philibert (Abbé), Cartulaire de Marmoutier pour le Perche, Mortagne-au-Perche, Meaux (Documents sur la province du Perche ; 3e série, 2), 1894, n° 38, p. 54-55..

Dissertation critique

Précision historique

Abbé de Trion : soit Hervé (1201-1205) soit Geoffroy (1205-1218).

Texte établi d’après a

Abbas Tironensis, Henricus Carnotensis et Hugo Constanciensis archidiaconi, universis presentis pagine notitiam habituris salutem in omnium Salvatore. Cum semel decisa expediens sit scripto perpetuare autentico ne in recidivam veniant questionem, ex testificatione presentium tam universis quam singulis volumus palam esse quod cum causa, que inter Rum Patrem S[ilvestrem] Sagiensem episcopum ex una parte, et viros venerabiles R[aginaldum] priorem et capitulum de Belismo ex alia, super procurationibus quibusdam et ecclesiis vertebatur, nobis apostolica fuisset auctoritate commissa, in nostra demum presentia inter eos amicabilis in hunc modum compositio intercessit : quod cum dictus episcopus a priore et monachis de Belismo plures consuetudinarias procurationes sibi deberi assereret annuatim, et prior monachique prefati unam solam de jure communi et de consuetudine etiam dicto episcopo se debere responderent ; statutum est de consensu partium coram nobis ut quolibet anno idem episcopus duas tantum procurationes in prioratu habeat memorato, ita tamen quod nullam earum tenebitur episcopo exhibere eo termino quo apud Belismum Sacrum Chrisma consecrabit aut sacros Ordines aut synodum celebrabit. Concessit etiam et confirmavit prefatus Sagiensis episcopus priori et monachis de Belismo de sui Capituli coniventia et assensu ecclesiam Sancti Martini de Belismo-Veteri ad usus proprios monacorum et capellam de Valnosa cum utriusque pertinenciis universis. Sentenciam quoque quam ob dictam querelam in eosdem monachos tulerat et ecclesias monacorum, et in quosdam etiam presbiteros qui ad monacos pertinebant, relaxavit omnino ; omnem rancorem, indignationem et iram remittens penitus priori et monachis de Belismo. Liberavit etiam prenotatus episcopus ecclesiam Sancti Martini de Belismo Veteri ab impetitione Benedicti clerici qui eam de donatione episcopi repetebat. Et ut compositio ista perpetua possit stabilitate gaudere eam presenti scripto annotavimus et sigillorum nostrorum fecimus impressione muniri. Actum apud Mauritaniam in ecclesia Beate Marie, anno ab incarnatione Domini millesimo ducentesimo quinti, mense julio.

Pour citer l'acte :

« Acte 2554 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2554.html [consulté le 22/12/2024].

Création de la fiche

2007-06-11

Dernière mise à jour

2023-12, EMancel