Scripta n° 2515

Numéro Scripta	2515

Auteur(s)	Valognes (vicomte)
Bénéficiaire(s)	Coutances (hôtel-Dieu)

Genre d'acte	charte
Authenticité	non suspect
Datation	1286, 4 juillet
Action juridique	notification
Langue du texte	ancien français

Analyse

Donation faite à l’Hôtel-Dieu de Coutances par Michel du Quesnay, de Valognes, qui reçoit en retour une somme de cinquante sous tournois, d’une rente annuelle de trois boisseaux de froment, un pain d’un denier et une geline à Négreville.

Tableau de la tradition

Éditions principales

a. Le Cacheux Paul, Essai historique sur l’Hôtel-Dieu de Coutances, l’hôpital-général et les Augustines hospitalières depuis l’origine jusqu’à la Révolution avec cartulaire général, Paris, Picard, 1895-1899, 2 vol., t. 2, n° CXIV, p. 107-108..

Texte établi d’après a

A touz ceus qui ces présentes letres verront e orront.. le visconte de Valoignes salue.. Sachiez que par devant moi, establi en droit, Michiel dit deu Quesney, de la parroisse de Valoignes, reconnut de sa bonne volenté, sanz contraignement d’aucun, que il avoit donné e quité e deu tout en tout deleissié, a fin et en perpetuité, a touz jorz mès, a hommes religious le prior de la meson Deu de Coustances e as frères d’icele meisme meson, trois boisseaus de forment a la mesure de Esneigrevile, un pain d’un denier e une gueline d’anuel rente, que il avoit e apercevoit anuelment, c’est a savoir le forment a la feste saint Michiel eu mont de Gargan, e le pain e la gueline a Noel, sus Robert le Vavassor le plus jenure, ovec l’ommage deu dit Robert, por une piece de terre assise a Esneigrevile, entre la terre Renouf Desbert d’un costé e la terre Emmelot suer au dit Renouf d’autre, e bute d’un bout au doit Claie e de l’autre a la terre Boet, ovec toute la droiture e la seignorie que iceli Michiel avoit e pooit avoir en la terre e en la rente dessus dites e en tout le fieu qui fu Richart Desbert le plus viell, por chincante souz de tornois que iceli Michiel a por ce eu e receu des diz prior e frères en deniers contez, e s’en tint deu tout por paié par devant moi ..A tenir, a avoir e a porsoier as diz prior e frères e a lor meson e a lor successors, le dit forment a la feste Saint Michiel e les diz pain e gueline a Noel, anuelment des ore en avant, a touz jorz mès, a fin et en perpetuité, ovec les droitures e les seignories que iceli Michiel avoit e pooit avoir en la rente e en la terre dessus dites e en fieu qui fu Richart Desbert, sanz reclamation e sanz empéechement que ledit Michiel e ses eirs i puissent fere ne metre desore en avant, en nule manière. E quant a ce le dit Michiel renonce a tout privilège de croiz prise e a prendre e a toutes autres exceptions de fet e de droit, qui au dit Michiel et a ses eirs porroient aidier e as diz religious e a lor meson e a lor successors nuire encontre les devant dites choses.. En tesmoign de la quel chose, je ai seelé ces presentes letres deu seel de la visconté de Valoignes, ovec le seel au dit Michiel, sauve la droiture nostre sire le Roy de France e a touz autres. Ce fu fet en l’an de grace mil e deus cenz oitante e sis, le jeusdi après la feste as sainz apostres Pierres e Pol, eu mois de Juing...

Pour citer l'acte :

« Acte 2515 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2515.html [consulté le 09/05/2024].

Création de la fiche

2007-06-05

Dernière mise à jour

2023-12, EMancel