Scripta n° 1276

Numéro Scripta	1276

Auteur(s)	Bayeux (official)
Bénéficiaire(s)	Bayeux (chapitre cathédral)

Genre d'acte	charte
Authenticité	non suspect
Datation	1273, 5 juillet
Lieu d'émission	Bayeux
Action juridique	autre
Langue du texte	latin

Analyse

Agnès, femme de Guillaume Féron, jure devant l’official de Bayeux, qu’elle ne réclamera rien, à raison de dot, etc., sur l’objet de la vente faite au chapitre par son mari.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° DI, t. 2, p. 244-245..

Texte établi d’après a

Omnibus hæc visuris, officialis Baiocensis, salutem in Domino. Noveritis quod, in jure coram nobis costituta, Agnes, uxor Guillermi Feron, de parrochia Sancti Vigoris, præsente dicto Guillermo et ei auctoritatem præstante, juravit spontanea quod ipsa non veniet contra venditionem, concessionem et dimissionem quas fecit dictus Guillermus, ejus maritus, capitulo Baiocensi de una mina frumenti, ad mensuram Baiocensem, annui redditus, percipienda in masuagio dicti Guillermi, et terra retro adjacente quæ tenet ab eodem capitulo, sita in parrochia Sancti Vigoris, inter masuagium et terram Thomæ de Ripparia, ex una parte, et terram dicti Thomæ, ex altera, et quod in illo redditu, aut ratione dicti redditus, nichil de cetero reclamabit, nec dictum capitulum super illo molestabit aut faciet molestari, prætextu dotis, donationis propter nuptias, patrimonii, hæreditatis, aut alia qualibet ratione, et quod justiciæ exercitium pro dicto redditu in prædictis masuagio et terra non impediet aut faciet impediri ; volens et consentiens quod, si secus fecerit, quod ei omnis audiencia denegetur, et quod tanquam rea perjurii puniatur. Ad quod juramentum observandum dictam Agnetem præsentem et consentientem, cum auctoritate dicti mariti sui, condempnamus. Actum anno Domini millesimo ducentesimo septuagesimo tertio, die mercurii post Translationem sancti Martini.

Pour citer l'acte :

« Acte 1276 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1276.html [consulté le 21/11/2024].

Création de la fiche

2006-05-17

Dernière mise à jour

2023-12, EMancel