⇪PDF

Scripta n° 7488

Numéro Scripta7488
Auteur(s)Richard Ier Cœur de Lion, Angleterre (roi)
Bénéficiaire(s)Rouen (archevêque)
Genre d'actecharte
Authenticiténon suspect
Datation1190, 1 mars
Lieu d'émissionChinon
Action juridiqueautre
Langue du texte latin

Analyse

Charte de Richard Ier Cœur-de-Lion, roi d’Angleterre et duc de Normandie, portant confirmation, en faveur de l’archevêque et de l’église de Rouen, des évêques et des églises cathédrales de Normandie, des dispositions relatives aux trêves.

Tableau de la tradition

Éditions principales

a. Société de l’histoire de normandie, Vernier Jules-Joseph, Recueil de fac-similés de Chartes normandes, publiés à l’occasion du cinquantenaire de sa fondation (1869-1919), Rouen/Paris, A. Lestringant/A. Picard, 1919, Planche XIV, p. 19..

Texte établi d’après a

Ricardus, Dei gratia rex Anglorum, dux Normannorum, Aquitanorum, comes Andegavorum, archiepiscopo Rothomagensi et episcopis et abbatibus, comitibus, baronibus, justiciis et omnibus filiis sancte ecclesie per Normanniam constitute, salutem. Sciatis nos concessisse et presenti carta confirmasse archiepiscopo Rothomagensi et ecclesie Rothomagensi et omnibus episcopis Normannie et matricibus ecclesiis hoc de occisoribus qui homi[nem] in trewis et pace ecclesie occidunt et trewas infringunt quod, si (sic) occisorem illum aliquis duello appellare voluerit, duellum illud in curia nostra tenebitur ; et, si inde convictus fuerit, episcopus ille in cujus diocesi hoc factum est emendam suam, id est novem libras, de pecunia convicti per manus justicie nostre habebit. Si vero de pecunia illius aliquid remanserit ultra, nostrum erit. Si vero pecunia illius ad illas novem libras faciendas non suffecerit, totum illud minus episcopus habebit, ita quod nichil inde ad opus nostrum accipietur donec episcopus totam emendam suam habeat, si pecunia illa ad hoc suffecerit. Si vero defuerit qui occisorem illum duello probare velit, ipse occisor in ecclesia Dei per judicium ecclesie se purget. Si vero ibi convictus fuerit, faciat idem de episcoporum emenda et nostr[a] quod suprascriptum est ; et si quis occisorum et trewe infractorum fugerit justiciam et de terra [no]stra exierit, de emenda idem erit ; et si nobiscum pacem fecerit, emenda episcopi in pace nostra non erit, sed reddat eam episcopo vel pacem inde cum eo faciat. Testibus B[artholomeo], archiepiscopo Turonensi, R[adulfo], episcopo Andegavensi, Willelmo de Hummez, constabulario, Roberto de Sabluil, et pluribus aliis. Data per manum Johannis de Alencon, vicecancellarii nostri et Lexoviensis archidiaconi, prima die marcii, apud Chinonem anno primo regni nostri.

Pour citer l'acte :

« Acte 7488 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_7488.html [consulté le 23/11/2024].

Création de la fiche

2013-12-02

Dernière mise à jour

2023-12, EMancel