Scripta n° 1361

Numéro Scripta	1361

Auteur(s)	Bayeux (vicomte)
Bénéficiaire(s)	Pierre Ier de Benais, Bayeux (évêque)

Genre d'acte	charte
Authenticité	non suspect
Datation	1288, 12 février
Lieu d'émission	Bayeux
Action juridique	autre
Langue du texte	ancien français

Analyse

Reconnaissance, devant le vicomte de Bayeux, de la vente et délaissement faits à Pierre de Benais, évêque de Bayeux, de plusieurs dîmes à Saint-Georges d’Airel, pour 300 livres tournois.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° DLXXXVIII, t. 2, p. 351-353..

Dissertation critique

Datation

Bourrienne propose le 12 février 1287, mais le jeudi après la fête de Sainte Scolastique (10 février) tombe le 13 février en 1287, sinon le 12 février en 1288 (nouveau style).

Texte établi d’après a

A touz cels qui ces letres verrunt et orrunt, le visconte de Baiex, saluz. Sachiez que Gieffre de la Maire, escuier, la parroisse de Nuilly, Asceline, femme jadis Gautier de Villers, Dyonise, femme jadis Estiemble de Lespiney, escuiers, de la parroisse de Saint Geoire de Airel, et Odeline, femme jadis Johan de Quiry, de la parroisse de Valbadon, establiz en dreit par devant nous, recognurent de lor bone volenté, sanz nul contraignement, que els ont vendu et deu tout en tout délaissi à redoutable peire Pierres, par la grâce de Deu évesque de Baiex, chescun toute sa partie de lor dismes que il aveient et poveent aveir, par reson de héritage, en la parroisse de Saint Geoire de Airel, et toutes les apartenances que els avoient et poveent aveir, par la reson des dites dismes autressi ; les queles devant dites dismes lor estoient venues de l’eschaance de monseignor Guillame Conseil, prestre, mort, jadis persone d’une des portions de l’iglise Nostre Dame de Moon, en la dyocèse de Baiex, por treis cenz livres de Torneis à touz : c’est à saveir, à chescun, por toute sa partie, des devant diz Gieffre, Aceline, Dyonise, et Odeline, seixante quinze livres de Torneis, quites à lor main demoranz ; desquiex deniers chescun de cels se tint bien pour paié de sa partie deu tout par devant nous. Et vondrent et otrièrent les devant dis Gieffre, Aceline, Dyonise et Odeline, que le devant dit peire et touz cels qui auront cause de lui tiengent à héritage desorénavant toutes les devandites choses, et toutes les appartenances des devant dites dismes, bien et em pez, franchement et quitement, sanz nul empeechement d’els ne de lor hers, que els il puissent metre desorénavant ; et recognurent les devant diz Gieffrei, Asceline, Dyonise et Odeline, de lor bone volenté que els sunt, els et lor hers, chescun por sa partie, garantir et défendre, et eschangier en lor propre héritage, value à value, et deu tout en tout délivrer envers touz, toutes les devant dites choses au peire devant dit et à touz cels qui auront cause de lui, et de touz damages garder toutes les feiz que mestier en sera, par la reson deu marchié devant dit. Et por toute ceste convenance tenir, fornir et aemplir, les devant diz Gieffre, Asceline, Dyonise et Odeline obligièrent par devant nous, els et lor hers, et touz lor biens muebles et non muebles, présenz et à venir. Et en tesmoig de cen, ceste lettre est seelée deu seel de la visconté de Baiex, à la requeste des parties, sauve la dreiture le Rei, oveques les seaux as diz Gieffre, Asceline, Dyonise et Odeline. Ce fu fait en l’an de grâce mil ijc quatre vinz et sept, le jeusdi après la feste sainte Escolace virge.

Pour citer l'acte :

« Acte 1361 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1361.html [consulté le 09/05/2024].

Création de la fiche

2006-05-18

Dernière mise à jour

2023-12, EMancel