⇪PDF

Scripta n° 5388

Numéro Scripta5388
Auteur(s)official de l’archidiacre du Cotentin Guido de Harcourt [autre]
Bénéficiaire(s)Coutances (chapitre cathédral)
Genre d'actecharte
Authenticiténon suspect
Datation1294, 27 avril
Lieu d'émissionValognes
Action juridiqueautre
Langue du texte latin

Analyse

Thomas Cornart, de Hauteville-Bocage, vend au chapitre de Coutances pour soixante sous tournois une rente de trois boisseaux de froment, mesure de Hauteville-Bocage, à la Saint-Michel du Mont-Gargan, sur trois pièces de terre de la paroisse de Hauteville-Bocage. S’il ne peut payer cette rente, il devra verser au chapitre en contrepartie cent sous tournois.

Tableau de la tradition

Éditions principales

a. Fontanel Julie, Le cartulaire du chapitre cathédral de Coutances, Saint-Lô, Archives départementales de la Manche (Sources inédites sur l’histoire du département de la Manche ; 1), 2003, n° 153, p. 284-285..

Texte établi d’après a

Universis presentes litteras inspecturis, officialis Guidonis de Haricuria, archidiaconi de Costentino in ecclesia Constantiensi, salutem in Domino. Noverit universitas vestra quod, in nostra presencia et in jure coram nobis Valoniis constitutus, Thomas Cornart de Alta Villa confessus est spontanee, non coactus, se vendidisse ad finem et in perpetuum dimisisse viris venerabilibus et discretis capitulo Constantiensi, vice et nomine ejusdem capituli, tres bussellos frumenti ad mensuram de Alta Villa annui redditus super tres pecias terre sitas in dicta parrochia de Alta Villa, videlicet unam juxta terram Andree Cornart ex utroque latere et aliam juxta la ruete ex uno latere et terram Andree Cornart, et terciam juxta terram Thome Cornart, fratris dicti Thome, et terram Andree Cornart a lateribus, pro sexaginta solidis tur. super quibus eidem Thome extitit plenarie satisfactum, prout ipse confessus est in judicio coram nobis ; tenendum, habendum et jure hereditario possidendum a dictis viris quolibet anno ad festum sancti Michaelis in Monte Gargano, per manus dicti Thome et ejus heredum seu per manus tenencium dictas terras ; et promittit idem Thomas dictis viris dictos tres bussellos frumenti liberare, garantizare, furnire et reddere quolibet anno ad festum sancti Michaelis, volens et concedens quod dicti viri libere valeant super dictas terras suam justiciam facere, pro habendo dictos tres bussellos frumenti ad terminum antedictum ; et juravit idem Thomas quod premissa adimplebit, garantizabit, furniet et defendet, ut prefertur, et quod dictas tres pecias terre redditibus non honerabit quin dicti viri super dictis terris dictum frumentum recipere plenarie valeant annuatim aut dictos redditus alibi in sua hereditate propria sufficienter assignabit, volens et concedens dictus Thomas a nobis excommunicari, nulla monitione premissa, tanquam reus perjurii puniri [...] omnemque audientiam sibi denegari, tam in foro ecclesiastico quam eciam seculari, et quod tenemur solvere dictis viris centum solidos tur., nomine pene commisse ab eodem apposite, si contra premissa vel aliquod premissorum per se vel per alium quoquomodo venerit aut venire nisus fuerit in futurum, primo pacto nichilominus remanente, pena soluta vel non. Ad que obligat idem Thomas se, heredes suos et omnia bona sua, mobilia et immobilia, presencia et futura, renunciando super hoc sub prestito ab eodem juramento omni exceptioni doli mali, privilegio crucis et fori, venditionis non facte, precii non justi, non habiti, petitioni libelli presentis, copie instrumenti, dictioni in factum, omni juris auxilio canonici et civilis et omnibus aliis exceptionibus, allegationibus et defensionibus juris et facti, loci et temporis que contra presens possent obici et adduci, se quod ad hoc juridictioni curie nostre totaliter supponendo ; et nos dictum Thomam volentem et concedentem ad premissa tenenda et fideliter adimplenda dictis viris, ut prefertur, et maxime ad observationem sui juramenti condempnamus, monentes dictum Thomam viva voce super premissa dictis viris adimplenda, ut prefertur, alioquin excommunicabimus, nulla alio monitione premissa, si defecerit in premissis vel quolibet premissorum, prout voluit et concessit in judicio coram nobis. Actum anno Domini M° CC° nonagesimo quarto, die martis ante festum apostolorum Philippi et Jacobi, cum Roberto Grouville attornato et procuratore dicti capituli.

Pour citer l'acte :

« Acte 5388 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_5388.html [consulté le 09/05/2024].

Création de la fiche

2010-01-24

Dernière mise à jour

2023-12, EMancel