⇪PDF

Scripta n° 2424

Numéro Scripta2424
Auteur(s)Hugues de Morville, Coutances (évêque)
Bénéficiaire(s)Coutances (hôtel-Dieu)
Genre d'actecharte
Authenticiténon suspect
Datation1221
Action juridiqueconfirmation
Langue du texte latin

Analyse

Hugues de Morville, évêque de Coutances, confirme la donation faite à l’hôtel-Dieu du patronage de l’église Saint-Pierre de Coutances. (Extrait du Livre Noir de l’Evêché : copie de copie du XVIe siècle)

Tableau de la tradition

Éditions principales

a. Piolin Paul, Sainte-marthe Denis de, Gallia Christiana in provincias ecclesiasticas distributa, t. XI, Paris, Palmé, 1874, Instrumenta ecclesie Constansis, n° XXIX, col. 255 (acte d’Hugues de Morville, évêque de Coutances)..

b. Le Cacheux Paul, Essai historique sur l’Hôtel-Dieu de Coutances, l’hôpital-général et les Augustines hospitalières depuis l’origine jusqu’à la Révolution avec cartulaire général, Paris, Picard, 1895-1899, 2 vol., t. 2, n° XXXII, p. 24-25..

Texte établi d’après b

Extractum a magno chartario venerabilis capituli ecclesie cathedralis Constantiensis in pergamino scripto, religato et corio rubeo et albo cooperto, numerum 240 fol. continenti scriptorum incipientium « Sciant omnes presentes et futuri etc. » et finientium, in ultimo folio scripto, per verba sequentia « L’an mil cinq cens quatorze » Ainsy signé I. Campain et G. Cauvin pour tabellions, — factum per me Guillelmum Foubert presbyterum, scribum ordinarium dicti capituli, custodem ejusdem cartarii, obtemperando pro complemento justicie litteris compulsoriis ab egregio viro magistro Egidio Denneville, locum tenente generalis domini Ballivi de Constantino, in expeditione cujusdam cause mote et pendentis in assisiis Constanciensibus, inter magistros Clodoaldum Cenalis, Michaelem Doe, Joannem Lefranc, canonicos dicte ecclesie, et fratres Jacobum Lecaplain, priorem domus Dei Constanciensis, Natalem Leconte se gerentem curatum seu vicarium perpetuum Sancti Petri Constanciensis et procuratorem regium Constantiis, die XIXa. Mensis Januarii, anno Domini 1551, mihi per Guidonem Le Tellier clericum intimatis, de quodam articulo indicto cartario dicti venerabilis capituli, mentionem faciente de donatione facta per predecessores dictorum canonicorum de ecclesia Sancti Petri Constantiensis pauperibus domus Dei Constanciensis, prout de verbo ad verbum in eodem cartario scribitur dictus articulus, instantibus et procurantibus prescriptis Cenalis, Doe et Lefranc, prout sequitur juxta librum expeditum Constantiis in clausura dicti venerabilis capituli.

Universis Christi fidelibus ad quos presens scriptum pervenerit, Hugo, Dei gratia Constantiensis ecclesie minister humilis et capitulum Constantiense, salutem in Domino. Noverit universitas vestra quod, cum ecclesia Sancti Petri Constantiensis pleno jure in omnibus ad prebendas R. de Sancto Michaele archidiaconi, G. le Cheminant, p. de Bosco, W. de Ham Ernesu magistrorum, Roberti Nepotis, canonicorum Constanciensium pertineret, ipsi, caritatis intuitu, assensu et voluntate nostra, concesserunt hospitali Constanciensi, ad sustentationem pauperum [ibidem commorancium], altalagium ejusdem ecclesie sine garbis, in perpetuam elemosinam obtinendum, retentis eisdem predictis canonicis et eorum successoribus decimis et cardui verantie et aliorum fructuum crescentium in terris, ubi fruges creverunt ab anno Incarnationis Mº Cº nonagesimo ; fratres vero hospitalis de ipso altalagio eisdem predictis canonicis et eorum successoribus annuam pensionem persolvent XII librarum usualis monete, videlicet VI libras ad synodum Pascalem et VI libras ad synodum autumnalem, et magister hospitalis presentabit sepedictis canonicis et eorum successoribus presbyteros ministraturos in predicta ecclesia et capella hospitalis, qui jurabunt se servaturos dictis canonicis canonicam obedientam, et de predicta pensione responsuros. Si vero neccesse fuerit, aliqua ex causa, sepedicti canonici potestatem habebunt universi et singuli, et eorum successores, jure prebendarum, in ipsam ecclesiam et capellam et personas sacerdotum, justiciam ecclesiasticam exercendi. Et ut hec firma et stabilia in posterum perseverent, presentis scripti et sigillorum nostrorum testimonio confirmavimus. Actum anno gratie Mº CCº XXº primo.

Que premissa omnia et singula in dicto cartario fore et esse scripta et contenta et de verbo ad verbum, per me cum dicto clerico auscultata, et testibus infrascriptis collationnata, tenore presentium certifico, presentibus ibidem discretis viris magistris Andreà Le Riverent et Nicholao Le Monnier presbyteris testibus.
Signé G. Foubert et Le Tellier, avec paraphes.

Pour citer l'acte :

« Acte 2424 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2424.html [consulté le 09/05/2024].

Création de la fiche

2007-06-05

Dernière mise à jour

2023-12, EMancel