⇪PDF

Scripta n° 844

Numéro Scripta844
Auteur(s)Philippe d’Harcourt, Bayeux (évêque)
Bénéficiaire(s)Odon, Bayeux (chanoine)
Genre d'actecharte
Authenticiténon suspect
Datation1147
Action juridiqueautre
Langue du texte latin

Analyse

Philippe de Harcourt, évêque de Bayeux, notifie l’accord fait, en sa présence, entre le chanoine Odon et Philippe de Colombières, sur une question qui les divisait relativement à la prébende de Colombières.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° LII, t. 1, p. 68-70..

Texte établi d’après a

Philippus, Dei gratia Baiocensis ecclesiæ minister, præsentibus et futuris salutem, gratiam et benedictionem. Ea, quæ debent firma stabilitate permanere, necesse est litterarum memoriæ commendari, ne in posterum valeant improborum hominum refragatione turbari. Ea propter..... (sic) controversiæ concordiamque, quæ in præsentia nostra et capituli nostri facta est inter Eudonem, canonicum nostrum, et Philippum de Columbariis, præsentis scripti attestatione munimus, et auctoritate sigilli nostri et capituli nostri roboramus. Anno igitur a Christo millesimo centesimo quadragesimo septimo, eo scilicet anno quo Laodovicus, rex Francorum, Jerosolimitanæ peregrinationis iter arripuit, talis inter Eudonem, canonicum nostrum, et Philippum de Columbariis, super controversia, quæ inter ipsos erat, concordia facta est. Habebat prædictus Eudo præbendam suam Columbariis, in qua præbenda erat dimidium molendinum de Asnebeth, et plures vavassores, quos vavassores cum medietate prædicti molendini Eudo canonicus de præbenda sua esse aiebat, et cartarum suarum attestatione firmabat ; Philippus vero de feodo suo esse dicebat. Nos igitur, quamvis concordia ecclesiam nostram gravaret, quum dies mali sunt loco et tempori cedentes, concessimus prædictos vavassores cum medietate molendini Philippo de Columbariis ut in feodo suo haberet ; Philippus vero pro his concessit, ut perpetua possessione in præbenda essent, dimiam (sic) decimam ecclesiæ de Columbariis ubicumque est, sive in Maistreio, sive in Bracavilla, tam in agnis quam in blado, et in omnibus de quibus dari debet decima ; et mansuram Gaufridi de Landa, cum tota terra illa quam tenuit die quo fuit vivus et mortuus ; et terram Roberti, filii Hugonis ; et terram parvi monasterii. Insuper ipse Philippus concessit Eudoni, tunc temporis ejusdem præbendæ canonici, omnibus eandem habituris, ipsi et omnibus suis hominibus, herbagium tam in plano quam in maresco immuniter, et immunitatem tam in ariete quam in avena et anxere, et in omnibus aliis exactionibus. Hæc omnia Philippus super altare Sanctæ Mariæ per unum artavum posuit, et se, et suum hæredem, firmiter et inconcusse tenere super ipsum altare juravit, ipse, et Ricardus de Humez, et Rogerus Suharth, et Willelmus Goherus, et Ricardus Cornart, Rannulfus Prætor, Radulfus Hamon, Benedictus, Tustinus Basoin, Willelmus Castel, Ricardus Basoin, Willelmus, frater Calvini, Eudo Ursarius, Robertus, filius Anchetilli ; Radulfus etiam Calvinus calumpniam illam, quam in eandem præbendam indicebat, abjuravit et plane in capitulo dimisit. Johannes autem tunc temporis ecclesiæ de Columbariis sacerdos erat ; de medietate decimæ, quam Philippus in præbenda concesserat, fidelitatem canonico juravit. Per hæc autem dono et concessione ego Philippus episcopus, et Eudo canonicus, et alii concanonici, prorsus multa dimisimus quæ in ecclesia nostra habere debebat, et diu habuerat. Hujus rei testes sumus : ego Philippus ; et Unfridus, capellanus ; Rogerus, archidiaconus ; Patricius, archidiaconus ; Tustinus de Condeio ; Ricardus de Croileio ; Willelmus Sapiens ; Radulfus Sul... ; Bartholomæus ; Philippus ; Radulfus de Dobra ; totusque ejusdem ecclesiæ conventus.

Pour citer l'acte :

« Acte 844 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_844.html [consulté le 21/11/2024].

Création de la fiche

2006-05-15

Dernière mise à jour

2023-12, EMancel