Scripta n° 2518

Numéro Scripta	2518

Auteur(s)	Jean, Le Mont-Saint-Michel, Le Mont Saint-Michel (abbé)
Bénéficiaire(s)	Coutances (hôtel-Dieu)

Genre d'acte	charte
Authenticité	non suspect
Datation	1287, 24 juin
Action juridique	autre
Langue du texte	latin

Analyse

Accord entre l’Hôtel-Dieu de Coutances et l’Abbaye du Mont-Saint-Michel au sujet des dîmes de Saint-Sauveur de la Pommeraye.

Tableau de la tradition

Éditions principales

a. Le Cacheux Paul, Essai historique sur l’Hôtel-Dieu de Coutances, l’hôpital-général et les Augustines hospitalières depuis l’origine jusqu’à la Révolution avec cartulaire général, Paris, Picard, 1895-1899, 2 vol., t. 2, n° CXVII, p. 110-111..

Texte établi d’après a

Universis presentes litteras inspecturis et audituris, frater Joannes, divina permissione humilis abbas, et conventus monasterii Montis Sancti Michaelis in periculo maris, salutem in Domino. Notum facimus quod, cum propter internexas portiones decimarum, quas nos in quibusdam, ac prior et fratres Domus Dei Constanciensis in aliis terris seu locis variis et diversis internexis, in parrochia Sancti Salvatoris de Pomeria, Constantiensis diocesis, percipimus et habemus, inter nos seu gentes nostras hujus modi decimas colligentes, contentio ac dissensio frequentius oriantur, nos contentionis et discordie materiam amputare volentes, utilitate nostri monasterii dicteque Domus Dei diligenter pensata, concedimus ac dimissimus perpetuo dictis priori et fratribus, de assensu reverendi patris ac domini B. Dei gratia Constanciensis episcopi, loci diocesani, totam illam portionem decimarum quam in predicta parrochia percipimus et habemus, possimusque percipere et habere, confirmamusque dictis priori et fratribus donationem eis seu predecessoribus suis dicteque Domui Dei factam a Domino Joanne Paganelli, quondam archidiacono in ecclesia Constantiensi, de decem quarteriis frumenti, ad mensuram de Sancto Paterno, annui redditus, ad festum Sancti Michaelis in septembri, emptis ab eodem in nostra baronnia de Sancto Paterno, in parrochia de Brevilla, diocesis supradicte, videlicet supra Gaufridum Mahon decem bussellis, supra Nicolaum de Baroles [leg. Caroles ?] quinque bussellis, supra Johannem Torte Roye uno quarterio, supra heredes Radulfi Le Paumier decem bussellis, et supra Ranulfum de Moncello undecim bussellis, prefatis priori et fratribus, suisque successoribus tenendis perpetuo et habendis, libere, pacifice et quiete, absque impedimento et contradictione nostri, successorumque nostrorum de cetero facienda, et propter hoc predicti prior et fratres, de assensu et auctoritate predicti reverendi patris, nobis dederunt et concesserunt perpetuo triginta duo quarteria frumenti annui redditus, ad mensuram predictam, percipienda et habenda nobis et successoribus nostris, a dictis priore et fratribus eorumque successoribus de cetero persolvenda singulis annis ad nostrum granerium de sancto Paterno, ad festum beati Michaelis in Septembri, pro quorum triginta duorum quarteriorum frumenti habendorum solutionis defectu, nisi solverentur integre loco et termino supradictis, nos et successores nostri super nostram predictam portionem decime et super totam aliam partem dicte Domui Dei in predicta parrochia de Pomeria contingentem, ubicumque dictam decimam esse pro tempore contigerit, vel transferri, absque justitiario seu judice alio ipsam capiendo et arrestando, nostram poterimus justitiam exercere ; ita quod predictam decime portionem sic a nobis traditam et concessam predictis priori et fratribus, nobis seu successoribus nostris de cetero non poterunt dimittere, quin cum ipsa portione nos contingente predicta decem quarteria frumenti perpetuo nobis absque aliqua reclamatione dimittant, se et successores suos dictamque Domum Dei nobis specialiter quoad hoc obligantes, nosque prefatus episcopus, utilitate partis utriusque diligenter pensata, premissa omnia volumus, approbamus et pontificali authoritate confirmamus. In cujus rei testimonium, nos prefati episcopus, abbas et conventus his presentibus literis nostra sigilla duximus apponenda. Actum et datum anno Domini millesimo ducentesimo octogesimo septimo, die martis in festo nativitatis sancti Joannis Baptiste.

Pour citer l'acte :

« Acte 2518 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2518.html [consulté le 09/05/2024].

Création de la fiche

2007-06-05

Dernière mise à jour

2024-04-09, TFujimoto